القتلة يحتفلون بالفلانتين

📌 لماذا يبني الناس الأسوار؟ لكى لا يتلصص الآخرون عليهم وهم يمارسون قبحهم، أم لأنهم خلف تلك الأسوار يستطيعون أن يخلعوا أقنعتهم ليمارسوا حياتهم بوجه إنساني؟

تخيل يبقى معاك حد غريب فى البيت

مستخبى فيه من حبة حلويين

مشاركك يومك من أول ما تصحى لحد ما تنام بليل

ستوكر يعنى ولا تقصدى ايه

هو ستوكر صحيح بس مريب

أصل النية كان داخل هربان يومين

لأن البوليس 🚔 بيدور عليه 🚨

لكن حب تقريبا القعدة مع اللى فى البيت

حالها من حاله ولا ايه

صحيح بيتها كان فيه زوار كتير

لكن فى آخر الليل كانت وحيدة وشاردة

بتحكى لنفسها على اللى حاسة به

أما قاتل مأجور رومانسى صحيح 😄

غصب عنه لقى نفسه مشدود

تابع مشاكلها وسمع حكاياتها

نسى هروبه

وعاش فى الدور

قال ماليش نفس أحب ولا ايه

صحيح القتل عندى عادى بفطر عليه

بس ما يمنعش أن قلبى رهيف وضعيف قدام الجـ***نس اللطيف 😉

طيب ياترى هتطلع من مخبأك ولا هتفضل تراقب من بعيد..

هتفضل حارسها الخفى من كل المؤذيين

وهتمارس شغلك فى صمت ومن بعيد 🤷‍♀️

مين قال أن القتلة مالهمش فى العواطف والأحاسيس، بنقتل بدم بارد صحيح بس ديه شغلتنا زينا زى الموظفين… لينا تارجت نحققه وناخد كوميشن عليه 😌 وبعدها نمارس حياتنا عادى زى الباقيين يبقى ليه مستغربين 🤷‍♀️

رواية فكرتها جديدة و مخيفة حبتين أصل تخيل يبقى معاك قاتل مأجور واخد راحته فى البيت 🏡

بياكل من أكلك وبيشرب من مجكك 🍵 🤦🏼‍♀️

الفكرة بقى أنك مش هتبقى عارف تتعاطف معاه بما أنه طلع كيوت ورومانسى كمان 😄 وتقول قاتل كيوت ولا مهندس قفوش 😜

بس فيها حاجة ضايقتنى وأنا بقراها يمكن أسلوب الكتابة كان فيه جرأة زايدة حبتين فقفلنى من القصة فى أوقات كتير … فى الاخر الرواية حبيت فكرتها بس ما حبتش أسلوبها فى مواضع كتير.

نقطة أخيرة وغريبة 🙋‍♀️ … مع بداية الرواية ووصف الطريقة اللى مستخبى بها القاتل ورا الثلاجة ( قبل ما أعرف أن ده شخص يعنى ) كنت فاكرة أن اللى مستخبى ده برص 🦎 😄 وهيحكى بلسانه على حال أهل البيت ( دماغ ايه 😂) أصل ازاى بنى آدم هيستخبى ورا ثلاجة غير أنه يكون فى حجم برص 🦎🤦🏼‍♀️

#مكتبة_دنيا

#قراءات_٢٠٢٤