بجد الروايه دى من أجمل الروايات ال قريتها والأحلا من كدا انها مميزه جدا بالنسبه ليا بصراحه لإن انا بحب الروايات العاديه ال مفيهاش غموود بس الغريب بقى إن الروايه دى اكتر حاجه شدتني فيها الغمووود كنت كل ما اخلص فصل ببقى متشوقه للأحداث ال بعد كدا وال هو ازاى الكاتبه هتوصلنا للحل بسهوله
بس بجد الكاتبه اثبتت انها تستحق لقب كاتبه
وبدون مجامله الروايه تستحق القراءة
بالتوفيق لأجمل كاتبه ف الدنيا 🥰🥰 رضا رفاعى 🥰🥰
بداية عاوزه أقول ان اللى شدنى للروايه دى هى صورة الغلاف مع انى مع بدايه الموسم كنت مقرره بينى وبين نفسى انى مش هقرا لحد جديد غير لما يثبت جداره بس الغلاف شدنى اوى الصراحه قولت اشوف اول فصل يمكن 😊😊
بدأت قراءة واتفاجأت بلغة وسرد رااائع رجعت اسأل ياناااس هوه انتوا متأكدين ان الكاتبه دى مبتدأه !!
اصل طريقتها اللهم بارك + كمان بدأت الحكايه بعجوز غامض وفضلت تشوق فينا طول الاحداث لمعرفة حقيقة الست دى .. هل هيه فعلا ساحره أم دجاله !! وفضل معانا التشويق لأخر فصل وكنت مستنيه حاجات كتيير من رضا وهيه الحقيقه نجحت فيها بجداره 💖💖
** تقيمى للروايه **
- بدايه من الغلاف اختياره كان موفق وجذب الانظار للروايه + اختيار الأسم كان موفق جدا
- السرد كان سلس مفيهوش مط بل بالعكس كانت رضا بتوصل اللى هيه عاوزاه بما قل ودل
- اللغة سليمه جدا واخطاءها اللغويه قليله والسرد كان بطريقه تأثر كل من يقرأ
- الحبكه ممتازه جدا وكان التشويق مستمر مع نهاية كل فصل للفصل اللى بعده كمان عرفت رضا
تخلى حل كل الالغاز لحد اخر فصل ودى مش سهله + انها ربطت كل الخيوط مع بعض بطريقه ممتازه
ومقنعه جدا
- النهايه كانت مرضيه جدا ومقنعه الا حد كبير والروايه ككل وبما انها اول عمل للكاتبه تأخد ١٠ ٪ ١٠
فى النهايه بهنئ الكاتبه رضا رفاعى. Reda Rifaie على ختام اول اعمالها اللى استمتعت جدا معاه وبتمنالك يا رضا التوفيق فى كل اللى جاى وفى انتظارك قريب مع رواية جديده 💖💖
دمتى مبدعة
...............
ده ريفيو كتبته عن الرواية الجميلة دى من تلات سنين 🙈🙈
وجاية دلوقتى بقدمه هنا عشان الناس كلها تعرف أن كاتبتنا الجميلة بدأت قوية وما زالت اللهم بارك تقدم كل ما هوه قوى وجميل
دمتى مبدعة جميلتى 🌷🌷
مراجعة بقلم
ولاء القوصى
