مراجعات رواية كاره النساء: سلسلة المحققة فانيسا فرانك 2

الراجل ده اكتشاف في طريقة كتابتة وحبكته

Page turner بجد

كاره النساء

هي رواية بوليسية من تأليف باسكال إنجمان وترجمة هند حسني. الرواية هي الجزء الثاني من سلسلة المحققة فانسيا فرانك، والسلسلة مكونة من 6 أجزاء. وعلى الرغم من عدم توافر الجزء الأول مترجم، إلا أن الموضوع مش مؤثر تمامًا على الحبكة أو تفاصيل العلاقات ما بين الشخصيات، لأن الكاتب بوضحها خلال الجزء ده بطريقة طبيعية من غير ما تكون مقحمة في سرد الأحداث.

الرواية بتبدأ بجريمة قتل إيميلي ريدن، وهي شابة وأم لطفلة، داخل شقتها. في بداية التحقيق، بيكون دافع الجريمة والمجرم واضحين لحد ما تظهر مفاجأة غير متوقعة بتغير مسار التحقيق وبتعقد الأمور. الرواية مش بس بتركز علي جريمة قتل إيميلي لأنها بتكون بداية لجرائم تانية بتبدأ تحصل بعد كده. و مش بس بتناقش جرائم القتل، ولكن بتسلط الضوء علي أنواع الجرائم المختلفة اللي بتتعرض لها المرأة، بداية من العنف المنزلي، والتهديد بالقتل للرغبة في الانفصال، والاغتصاب، والتصوير غير القانوني، ونشر مقاطع خاصة. وبتوضح كم الضرر الواقع على النساء نتيجة للعنف ده، سواء جسدي أو نفسي.

ومن الرواية كان أول مرة أسمع عن الـ incel / انسيل، وهي تعتبر مجموعة كارهة للنساء وبتشجع على مهاجمتهم و ده لإيمانهم بأن النساء بتستغل الرجل، وأن بسبب مشاعر الرفض اللي هما شايفين أنهم بيتعرضوا ليها من السيدات بيتكون عندهم نوع من أنواع الغضب، وبالنسبة لهم ده مبرر لاستخدام أساليب عنيفة ضد المرأة. والأساليب العنيفة دي بتوصل للقتل الجماعي واستخدام الحمض على الضحايا. ونتيجة للتوجه ده في كذا حادثة حصلت، ولكن تعتبر أشهر حادثة هي حادثة الدهس في كندا، اللي فيها دهس شخص اسمه رودجر باستخدام شاحنة حوالي 24 شخص، اتقتل منهم 10. وبعدها أعلن أن دي ثورة الانسيل وأنهم هيقضوا على السيدات اللي رفضتهم. وحاليًا كندا بدأت تصنف الاعتداءات اللي بتستهدف جنس معين على أنها اعتداءات إرهابية.

الرواية عموماً مشوقة وأحداثها سريعة. ورغم أن في البداية كنت حاسة أن الأحداث متوقعة، لكن في الآخر بيكون في مفاجأة بتغير الأحداث وبتنقلها لبعد تاني. و ترجمة هند حسني للرواية ممتازة والغلاف رائع وفي انتظار باقي الأجزاء من دار العربي . لان عايزة اعرف هل شراكة المحققة فانسيا هتستمر مع نيكولاس وهل جاسمينا هتظهر فى باقي الاجزاء ولا دورها هيينتهي هنا في الرواية دى .

قصة ضعيفة و حبكة غير متقنة ، و نهاية مفككة أقل من توقعي للأسف ... أفضل ما في العمل جودة الترجمة .

#قراءات_٢٠٢٤

#قراءات_وترشيحات #كتب_في_كتب

#روايات_عربية #روايات_مترجمة

تباتنعبسبتطعدةدعسثببجحططكز

بربري