آدم : أرض البشرى 3

Solafa Elsharqawey

#آدم

#أرض_البُشرى

خلصت الفصل الثاني من رواية آدم وهي الجزء الثالث من سلسلة أرض البشرى

سلافه بتتميز في روايتها الورقي ببداية كل فصل اللي بتعبر عنه وعن احداثه

تطور الأحداث والشخصيات واضح جدا سواء في السرد الخاص بالشخصيات او حواراتهم وبالذات الشخصيات الرئيسية للرواية

شروق او سيادة المبدع هتفضل من أروع وأجمل وأقوى الشخصيات النسائية للي مرت عليا في الرواية 💕💕

هو أبداً لن يقوى على التفوق علينا على أسياده لأنه مهما تطور او حدّث من نظامه سيظل آلي ، لم يمنحه الله حكمه العقل ولا حدس الفطرة ولا أكمل نواقصه بالمشاعر .

مستمرين في رحلتنا مع رواية آدم والجزء الثالث من سلسلة أرض البُشرى الرواية ممتعة جدا ومشوقة وبتخلي الواحد دماغه شغالة طول ما هو بيقراها وحقيقي شابو لسلافه على قدرتها أنها تمسك جميع خيوط الشخصيات من اول جزء لحد الجزء الثالث بالدقة دي الأحداث مترابطة والشخصيات تطورها واضح جدا

مكملين في الفصل الرابع الفصل ضخم جدا ومليان اسقاطات وحقائق ومفاجئات بتنكشف والواحد مخطوف بالأحداث

القسم لا يمنع المرء من ارتكاب الرذائل ، فالجميع يقسمون وبالأخير يبدلون أقوالهم

الواحد مش قادر يسيب الرواية من ايده كل ما بتمشي في الأحداث بتنكشف حقائق جديدة ومفاجئات بتخليكي تغيري وجهة نظرك للشخصيات وده اكتر شئ انا بحبه في الرواية اللي بقراها اني اتفاجئ بالأحداث مش أكون متوقعاها كلها

ليس على البشر أبدأ أن يخافوا منك فأنت المخلوق المُصنع ونحن صانعيك نستطيع أن نهلكك وقتما نشاء ونمنحك التطور حينما نشاء .

واخيرا خلصت الفصل الرابع من الرواية وهي يعتبر أضخم فصل بس حقيقي يستحق الفصل مليان بالأكتشافات وتصاعد الأحداث طول ما انت بتقرأ جسمك مليان ادرينالين مع ان مفيش مشاهد حركة وأكشن لكن مليان مشاهد مواجهات بين الأبطال ومشاهد بتخلي دماغك منورة بفولتات 😂

وعايزة اقولك يا قفلاتك يا سلافه قفلة الفصل ده مبهرة مبهرة جسمي كان بيقشعر مع اخر مقطع ومع اني من اول الرواية وبحاول اعرف أو أخمن الحقيقة دي لكن ما جاتش في دماغي أبدأ وفعلا اتفاجئت

الجزء ده بيفوق الجزئين اللي فاتوا أثارت ومتعة ويستحق فعلا نختم بيه سلسلة مختلفة وجديدة ويا بخت البنات بجد اللي هيقروا السلسلة على بعضها 💗💗

خلصت رحلتي مع الرواية وبجد كانت رحلة ممتعة جدا استمتعت بكل صفحة وكل مواجهة وكل حقيقية بتنكشف في الرواية

وطبعا لازم سلافه تفاجئني لحد اخر صفحة في الرواية 😂

الرواية ناقشت مواضيع كتيرة جدا بتمسنا في حياتنا واغلب جمل وأقتباسات الرواية بتمس حياتنا انا طول ما انا بقرأ وانا عمالة أحتفظ في أقتباسات وفيها اسقاطات كتير على اللي بيحصل لنا في الوقت الحالي حقيقي تسلم ايدك يا سلافه انا استمتعت جدا وكفاية اني كنت بسيبها من أيدي بالعافية

المهم بعد ما خلصت افتكرت الاهداء اللي مكتوب في أول الرواية افتكروه كويس قوي 😉