اقتباسات من كتاب المستحيل

‫ لا مش تهيؤات

‫ البيت بيوسع بجد ‫

السقف بيـعلا

والشبابيك بتوطّي

‫ تجيب الناس م الشارع

فجأة بقيت ساكن في ميدان

‫ متشرد في أوضتي

‫ مالحقتش حتى

‫ أداري مشاعري

‫ فرميت المفاتيح

‫ وعملت نفسي

‫كأني واحد من الداخلين

‫ كده أرحم بكتير

‫ على الأقل

‫ هاقسم معاهم

‫ اللي هايسرقوه منّي

‫ واحنا بنضحك قوي

‫ على صاحب البيت.

❞ ما فيش خطر عليك

⁠‫وده شيء مطمئن

⁠‫لكن كمان

⁠‫مافيش خطر منـّك

⁠‫وده شيء مهين

⁠‫ مافيش في دمك

⁠‫غير شوية ذكريات

⁠‫وده شيء طبيعي

⁠‫والمحبّة عندك مزمنة

⁠‫وده شيء حزين

الصيف دخل فجأة، فواضح إني نسيت الشباك مفتوح، وهاقضي اليوم في محاولة طرد الحر من الأوضة، آدي نهار تاني هايضيع في حاجة كان ممكن تفاديها لو كنت أقوى شوية، أو لو كان عندي القدرة إني أسيب البيت يغرق في ذنوبي

محظوظة جدًا

⁠‫الابتسامة

⁠‫اللي اتولدت

⁠‫بالصدفة

⁠‫قدّام المراية

⁠‫فشافت نفسها

⁠‫بوضوح

⁠‫هاتغيب وهيّ مطمئنة

⁠‫معندهاش أدنى شك

⁠‫في حقيقة وجودها .

يا عمّ

⁠‫سنانك وقعوا

⁠‫من مضغ الهواجس

⁠‫اكتم شفايفك

⁠‫ابتسامتك مفزعة

⁠‫وقلبك عجوز

لما مشيت طريق الرعب من أوله

⁠‫لقيت الخوف

من غير سبب

⁠‫أكبر سبب للخوف .