مراجعات رواية عصى موسى: للانتقام وجوهٌ أخرى

الرواية بالنسبة لي فيلم سينمائي من أول مشهد، ومن لمسات الكاتب شوفت كل مشهد كإنه مرسوم قدامي، أنا بقرأ العمل وعارف إن فيه تويست وبحاول طول الرواية اخمن الاحداث واخمن الماين تويست، وكنت خايف انها تكون ساذجه ومستسهله، بس الحقيقة ان النهاية جميلة جدا، وفاجئتني وكنت مرضي بيها.

أنا بحب الكاتب اللي عنده القدرة بالتلاعب بالشخصيات والرواية فيها كم كبير من الشخصيات محتاج تركز مع كل شخصية، وحسن قدر يرسم كل شخصية لدرجة مرضية لي، لكني حسيت بإخفاقة او اتنين في شخصية الضابط منصور، وكنت محتاج شخصية ابن السفير تاخد مساحة أكبر.

الاحداث طول الرواية مقلقة وغامضة واللي واضح منها. متصدقوش وخد نفس عميق كدة وفكر كتير مع حسن.

الاسلوب ممتاز، ومحستش إني تايه خالص في تفاصيل الرواية الكتير مع إني قرأتها على كذا يوم منفصلين.

فكرة الرواية جميلة وممتعة

الغلاف رائع وغامض وموفق مع فكرة الرواية.

ينصح بيها

رواية جميلة أحداثها كانت تجعلني في مزيد من التشويق استمتعت جدا بالمشاهد والمفاجأت كل الشخصيات لها دور كبير في الرواية وواخده حقها أنا تفاجأت بالنهاية كانت رائعة

وغير متوقعة

مع احترامي لمجهود الكاتب وجودة الفكرة ولكن الحبكة بها ثغرات .. واللغة بها مشاكل صعبة حتى العامية !