#سفريات2024
#طرق_كثيرة_للسفر
الطبيعي إن القارئ يقرأ سيرة ذاتية لكاتب قرأ له قبل كدة، والغريب إن أول قراءة لكاتب تكون سيرة ذاتية أو ع الأقل جزء منها، ولكن مقولة "رب صدفة خير من ألف ميعاد" تنطبق بكل تأكيد على الكتاب دة
الكاتبة"د.مي التلمساني" بتاخدنا ف رحلة لطيفة لمحطات ف حياتها، بتتكلم معانا بطريقة "صديق القطار أو صديق الصدفة"، اللي بتفضفض معاه عن حياتك وإنت متأكد إنه هيسمع من غير حكم عليك
بنشوف محطات حياتها المختلفة، تنقلاتها من بلد ل بلد ومن منصب جامعي لمنصب تاني، لحد قرار الهجرة وتبعياته وطريقة تنظيم حياتها بين بلدين وبيوت كتير
أكتر حاجة لمستني ف الكتاب وصفها لإحساسها ب البيت ومكتبتها، لما وصفت فرحتها ب مكتبتها الجديدة ف آخر بيت ليها حسيت إني أنا شخصياً إرتحت، أخدت أمل إن يوماً ما هيكون عندي مكاني الخاص ف بيتي اللي كل ركن فيه على ذوقي، حتى لو اتنقلت قبله بين 3 قارات و بيوت ملهاش عدد
د.مي نقلت لنا إحساس الونس مع كل صفحة ومل مقال ف كتابها، ودة ف حد ذاته مبهج لأي قارئ
كتاب جميل...مليان ونس
شكراً د.مي
#قراءات_حرة
#قراءات_فبراير
#الكتاب_رقم10
10/1
