اقتباسات من كتاب استراتيجية القهوة وقصائد أخرى

حضنك سلاح ناسف

‫ فاكّة زرار كاشف شموس بتغيب

‫ طالقة شعورك ع المدينة الغامضة

‫ وفي لحظة صامتة 

‫ نفَسك فزعني كما عويل الديب

آدي اللي باقي م اللي كان شبهك

‫ خيال على فتافيت

‫٦ أبريل ٢٠٢١

تتشجع لو كان الكون مش عاجب

‫ وتقف بثقة وتلم الكورة الأرضية

‫ وتقول مش لاعب

‫١٣ أغسطس ٢٠١٩

واعمل لنفسك فطار

‫ واتكلم معاك باهتمام وهزار

‫ واسأل نفسك «إيه الاخبار؟»

‫ مش بعيد تصحى نهار

‫ ماتلاقيش نفسك

‫١٦ مارس ٢٠١٩

إهـداء‏

‫ إلى روح السيدة سوسن زكي محسب.. جدتي

‫ القاطنة في ١٧ أ.. شارع الملك المظفر ـ مَنيل الروضة

القهوة فارت أصبَحِت بلا وش

‫ عصفورة طارت.. أصبَحِت بلا عش

‫ وانا قلبي كان قهوة وكان عصفورة

‫ حبيت اكون إنسان.. لكن ما نفعش

طول ما في بردان بلا مأوى

انا مش بحب الشتا

خايف لا في يوم ما اخافش

آدي اللي فاضل من طقم الكوبيات ‫ وآدى اللي فاضل م الحكايات ‫ أدراج ورق وزراير وشواحن قديمة ‫ وكروت وأظرُف فاضية. ‫ وحلَق بلا بريمة ‫ أنفخ على الصورة يطير الفراش ‫ قصدي التراب يا عبيط ‫ كل الحياة