القلادة

القلادة بعد قراءة للمرة التانية

القلادة رواية بتتكلم عن الهوية وان التمسك بالماضي والتاريخ وقراءته هو أساس الحاضر والمستقبل

القلادة رواية الأبطال فيهم كلهم مشتركين بالبطولة المطلقة من أول مصطفي الغائب الحاضر عن الرواية اللي احنا ما شوفناهوش ولكن سمعنا عنه من الابطال لكن اتأثرنا وزعلنا لما عرفنا سبب اختفائه الحقيقي

ناميس البطلة اللي كانت في كل مرحلة من مراحل الرواية شخصيتها بتتغير وبتكشف عن شخصية جديدة من اول البنت المطلقة المقهورة من طليقها اللي بيطاردها لحد الشخصية الجريئة والمكارة اللي كانت بتظهر علي ومضات والأخت اللي اتمسكت بقوتها علشان ترجع حق أخوها لحد مسئولة البعثة القوية اللي بتحارب للحفاظ علي تاريخها وحضارتها

مينا وأنجيل اللي وجودهم كان قوي جدا في الرواية وكانوا سند وضهر وعيلة لناميس لحد اخر نفس مينا الصديق بنكهة

الأخ اللي رفض يفكر في حلم الهجرة وتمسك بوطنه

أمجد الأخ اللي رفض يخسر أخته زي ما باباها خسرها

وسام اللي متمسك بشغله وعارف أنه ممكن يفقد حياته في اي وقت ويسيب عائلته وبنته لكن الواجب قبل كل شئ

صبا وجع الرواية اللي كل مشهد ليها كان مؤلم ووصلتي لنا احساسها كله وقهرها مع انك ما ذكرتيش الحدث لكن وصل بكل وضوح عادل ووقوفه في ضهرها واختياره أنه يساندها لحد ما توصل بر الأمان

اسماعيل وجاسر وعقاب كل واحد فيهم من جزاء عمله جاسر اللي أتعذب زي ما كان بيعذب ضحاياه وبيستمتع بيه

واسماعيل اللي عقابه كان النبذ من العائلة والحكم عليه بالوحدة واليتم وعيلته موجودة

القلادة رواية تستحق أنها تتقري اكتر من مرة وكل مرة هتقريها هتكون بعمق اكتر وهتكتشفي معاني اكتر فيها

اخر حاجة الفرعون الصغير 😍 قصته كانت متضفرة بشكل احترافي ورائع ومشوق مع أحداث الرواية

وبعد انتهائى من الرواية استغرقت يومين

في قرائتها.. الرواية مختلفة لمحبين التاريخ

الفرعونى الممزوج بالواقع الحالي

رحلة بين ماضينا وحاضرنا

اللي بيشترك فيه ان ممكن شكل الانسان يختلف

وتفاصيله.. لكن هتظل رغباته وانانيته

تطلعاته احلامه. شره وحسناته.. واحدة

في كل زمان ومكان

واغواء الشيطان لبنى آدم هيظل برضو موجود

من خلال حكاية عصرية فرعونية😍

بطلاتها.. القلادة..

من خلال شخصيات قدمتها الكاتبة

بإسلوبها السلس.. وهي عاملة مزج حلو

بين الماضى والحاضر.. مع جزء من الغموض

مسيطر على الرواية. بيجعلك مستمتع

ومترقب للى جاى من الاحداث

خاصة مع المفاجأة المتتالية اللي فيها

ومن خلال رؤية الكاتبة.. لواقع تعايشناه

كلنا ممكن نختلف او نتفق معاه..

وبشكر الكاتبة على الرواية❤️🌺

وعقبال روايات كتير ليها

#القلادة

#سلافة_الشرقاوي