تحميل الكتاب
الأراجوز وقصص أخرى
نبذة عن الرواية
بعد ما فاتت السنين الطويله دي، الاحداث اللي حصلت في قرية ك القريبه من حلب مابقتش واضحه قوي بالنسبه لي، وانا مش عاوز ادي فكره غلط عن اللي حصل، لكن فيه سؤال بيلح عليا، ويمكن لو قلت الحكايه ده يساعدني الاقي الرد على السؤال. انا كنت ولد صغير تلميذ في الكتاب، والمعلم بتاعنا امام الجامع كان راجل طويل بدقن وملامح وشه كانت قويه، وصوته كان لايق على شكله، صوته كان كله ثقه. هو كان علمه في مذاهب الاسلام الاربعه واسع. وباعتباره الشخصيه الدينيه الوحيده في المنطقه، كان هو كمان المأذون واللي بيحضر الجنازات وكل المسائل التانيه اللي محتاجه معرفه بالتفاصيل الدقيقه بتاعة ديننا. وبصفته دي كان كمان بيطلع فتاوي كتيره للناس اللي كانوا بيجوله من قريب ومن بعيد يسألوا اسئله وبيستعلموا عن ازاي يعيشوا حياتهم بطريقه تتفق مع السراط المستقيم اللي فرضه علينا القرآن الكريم وتعاليم نبينا المحبوب (عليه الصلاة والسلام). الفتاوي دي كانت عادة بيقولها بعد صلاة العشا في الجامع الصغير بتاع القريه.التصنيف
عن الطبعة
- نشر سنة 2017
- 168 صفحة
- [ردمك 13] 9789772212286
- دار الثقافة الجديدة
تحميل وقراءة الرواية على تطبيق أبجد
تحميل الكتاب
11 مشاركة
