مراجعات رواية الكشكول لا يزال في جيبي

كالعاده مني بتخرج عن المألوف ، مش بس في ان كل قصه بتلمس حاجه فيك و تخليك مشتاق تقرأ القصه إللي بعدها، قصص بتقلب فيك الذكريات. مش بس كده زاي ما قلت لأن مني غيرت نظرتي للقصص القصيره إللي دايما لازم تلاقي قصتين أو ثلاثه مش بيلمسوا فيك حاجه ، عند مني الموضوع مختلف تماما .

فخور فعلا بيها لأنها موهبه قل إن نجدها في زمن طغت فيه التكنولوجيا علي الاحاسيس و الذكرايات

منتظرين المزيد يا مني

ممتازة رووووعة

من أجمل ما قرأت كل القصص احلى من بعض اكتر قصة مووووت فيها مقابلة الأسد

اول مرة أقرأ للكاتبة ومش هتكون الأخيرة

#الكشكول_لايزال_في_جيبي

Mona Radwan

فعلا حاسة ان شهادتي فيكي مجروحة حاسة انك اختي و صاحبتي اكتر من مجرد كاتبة بكتب review بسيط عن عمل اكتر من رائع

الكتاب مصنف على انه قصص قصيرة

مين قال ان القصص القصيرة لا تدوم او ان القصص الطويلة هي الادب الذي يبقى

انا حسيت اني عشت مع الكشكول حياة كاملة بين 20 قصة قصيرة مقسمين لفصحى و عامية مصرية رغم اني لم اشعر بذلك الا للتنويه خفيف الظل الذي صنعتيه بكل حب 🫶

كل كلمة في الكتاب شعرت انك تكتبي بقلبك وليس بعقلك فقط لأن ما يخرج من القلب يتهادى للقلب و الروح مباشرة❤️❤️❤️

ان تجعلي القارئ يضحك و يبكي و يستشعر روعة الأماكن التي تحمل في طياتها الذكريات

يلفح وجهه الهواء من جميع الجهات لانه شعر احساس الانطلاق في ركوب الموتوسيكل

أستنشق رائحة القهوة☕️ بين الصفحات بأنواعها المختلفة كما اشُم رائحة خبز 🥯 امي و اكلاتها المختلفة التي لا يضاهيها احد ليومنا هذا مهما بلغت مهاراته و حيله في الطبخ

أسمر ملك 👑 روحي التي احسستها مع كل اولاد اخوتي و التي اسهبتي فيها بكل حب 🫶 عن مشاعر الامومة التي نعيشها قبل ان نلد او حتى نتزوج مع اولاد اخواتنا

لعبت مع الأسد التي لعبت في دماغي لابعد الحدود 🫣🫣 وانا شخص يهوى الاسلحة و خصوصا ضرب النار

Rich Cafe الذي وصفتيه بأدق التفاصيل التي جعلتني استرجع جلسة لن تتكرر للاسف مع اغلى الناس بابا عليه رحمة الله

مصطفى يا مصطفى والتي ابكتني معك حتى اثناء المناقشة عليهم جميعا رحمة الله

جدو علي التي تكرر امام عيني مع كل احفاد ابي عليه رحمة الله

طلينا بالابيض طيب يارب نحضر الڤانش خلصت خلاص

صديق و اد ايه هناك اصدقاء بتهون الطريق

ماشية السنيورة التي لا يخلو منها معظم البيوت و التي تحتاج لإعادة نظر قبل ان نتلقى استقالات نص اولادنا

المغامرون الخمسة و تلك اللفتة الرائعة لماضينا الجميل الذي لن يتكرر

الساعة بتاعة قبل النوم و الواقع الافتراضي و كيف يكون له لمسة انسانية مفيدة و حانية

مايستهلوشي فعلا اي حد معتمد على نفسه يبقى strong independent اي ان كان جنسه

حاجات كتير عايزة اقولها اكتر من كده بس الكتاب اجمل من اني الخصه في review متواضع

اقتباس:

الى كل من يحمل في قلبه الصغير حباً او أملاً او الماً كبيرا و مازال يتمنى من الحياة أشياءاخرى ستسعده و يسعى لتحقيقها.

التواصل بين البشر هو السبب الاساسي اللي ممكن يمنع هدم العلاقات و يضمن استمراريتها.

احنا لنحصد نتيجة اختياراتنا.

جمالك الداخلي هو الحصان الرابح في منظومة الجمال الكوني.

الشخصيات المجهدة تبتز المشاعر و العواطف.

وراء كل انسان عظيم ثقة بالنفس.

والكثير من الجمال الذي يجب ان يقرأ كل كلمة و كل حرف اهنئك عليه من كل قلبي

تمنيت ان يكون الكشكول ألف صفحة او لا ينتهي و اتمنى حقيقة الا ينتهي

أشكرك على كل لحظة امضيتها بين الصفحات❤️❤️❤️❤️

ما هذه التحفة الفنية التي وقعت في يدي ، انا وقعت في غرام هذا الكتاب حرفيا .

كنت في مود وحش جدا والكتاب ده قدر بخرجني من المود الوحش بجدارة ، انا عندي مشكلة مع القصص القصيرة والمجموعات القصصية بحس بخنقة وانا بقرأ ، لكن مني رضوان الرائعة قدرت تشيل الخنقة وتخليني عايزة اقرأ اعمال اكتر من القصص القصيرة

القصص بجد كانت جميلة اوي ومريحة بتذكر في القصة مشروب قهوة وكمان فيلم وكمان اغنية ، اسم كل قصة من القصص هو اسم اغنية علي سبيل المثال :- أسمر ملك روحي والقصة دي قدرت تخلق جوه دماغي بجد كافيه ابو الريش وجماله وقد ايه كان معظم الفنانين بييجوا يقعدوا فيه لاني كمان بحب الحقبة الزمنية دي جدا ، اسأل روحك وبجد القصة دي كانت مؤلمة بس تخليك تضحك في الاخر اللي هو هم يضحك ، وقصة صورة اللي كانت بتجسد قضية حلوة اوي وكمان فكرة حلوة ، وأحن الي خبز امي ودي كانت قصة ريحة العيش باينة وانت بتقرأها بجد ، الساعة بتاعت قبل النوم كانت من القصص الجميلة ، وميستهلوشي وبجد بطلة القصة دي قالت اللي كنت محتاجة أقوله بالظبط ورمضان جانا وكفاية قصة المغامرون الخمسة دي كانت مفاجأة بالنسبة ليا والكاتبة خلقت قصة جميلة اوي من هذه السلسلة الممتعه والشيقه وغيرها وغيرها من القصص ، لمس قلبي الجزء اللي الكاتبة اتكلمت فيه عن وحدتها وافتقادها لوالدها في قصة يا مصطفي يا مصطفي ، وكمان حنينها واشتياقها للمعادي بتاعت زمان وتحس كده بالنوستالجيا وانت بتقرأ .

كانت في قصص بتطرق لمواضيع حساسة اوي وصادمة بس اسلوب الكاتبة العذب السلسل الرقيق بيخليك تتعمق أكثر وأكثر وتحب تكمل وانت كده كانك بتاكل كلام وطعمه حلو اوي .

بجد شكرا شكرا للكاتبة لاني مستمتعتش بكتاب بقالي كتييير واقدر أقول إن ده بقي كتابي المفضل خلاص .

اه انا كتبت الريفيو باللغة العامية لسبب واحد وهي سلاسة قلم الكاتب بأنها كتبت نص الكتاب باللغة العامية بس اللغة العامية المليئة بالجمال والرقي .

كشكول جديد وقصص جديدة من الكاتبة منى رضوان ..لكن هذه المرة بتكثيف وعمق أكبر ورؤية أكثر نضجا للموقف والشخصيات التي تتناولها في هذا الكتاب

من وجهة نظري فإن كلمة السر في هذا الكتاب هي (العلاقات الإنسانية)، العلاقات بمفهومها الواسع الذي يتجاوز علاقة الرجل والمرأة والتي عادة ما تثير خيال الكتاب وصناع الدراما. نرى هنا شغف حقيقي بالتغلغل في أنماط مختلفة -وأحيانا جديدة – من أنواع العلاقات بين الناس واستعراضها من زاوية ما. علاقات مثل أختين متباينتين الجمال مع أم تميز بينهما.. خالة لم تنجب مع بنت أختها الشابة..صبي وجده..فتاة بأبيها الراحل عن الدنيا.. أب وابنه البعيد عنه .. زوجين في خريف العمر..أصدقاء لا يجيدون الاستماع لنا وقت الضيق..سيدة ودراجتها النارية! وهناك أيضا علاقاتنا بالأماكن التي نحمل لها ذكريات لاتنسى.

الجزء المكتوب بالفصحى يحمل لغة سهلة ومتزنة.. بناء القصص جيد جدا و يتلافى معظمها فخ إحساس القارئ أن القصة قصيرة جدا أو طويلة جدا. أما الجزء المكتوب بالعامية فهو موظف في المواضيع التي تستلزم العامية إما بغرض الكوميديا أو لإيصال رسالة مباشرة من القلب للقلب

في المجمل كتاب جميل وخفيف على الروح لكن في نفس الوقت يدفعك للتأمل في نفسك وفي من حولك

#الكشكول_لايزال_في_جيبي

⭐️⭐️⭐️⭐️⭐️

#الجزء_التاني

بجد الكتاب ده من حلاوته عاوزة اديله ١٠٠ من خمسة بجد حلو حلاوة مش طبيعية معاه ضحكت🤣 ودمعت🥺 وغنيت🎤 ولولا اني ماليش في القهوة كنت شربت قهوة كتيير اووي ☕️

هو بس السؤال الشاي قصر معاكي في حاجة 🙈🙈

من أكتر القصص اللي بجد اثرت فيا اوي هي #مصطفي_يامصطفي

الله يرحم والدك ووالدي وكل اموات المسلمين يارب 🤲

وبجد كل القصص احلي من بعض وبجد اللي فات حماده والكتاب ده حمادة تاني خالص 😍😍😍

💥إن أسواء ما قد يمر به الشخص هو أن يترك بلا أسباب، تفتك به الأفكار.. يشعر أنه حتي لا يستحق أن يتلقي تفسيرا او توبيخا أو حتي أسباب واهية.. فقط يترك هكذا ككم مهمل لا يعلم ماذا فعل، أو ماذا عساه أن يفعل.

#أحكيلك_خوفي

Mona Radwan

(عنوان ملفت للإنتباه، وغلاف رقيق مبهج الألوان والرسومات)

مجموعة قصصية متنوعة من الحياة بماضيها وحاضرها ومستقبلها، لكل منها رسالة.. مثل:

مساوئ التكنولوجيا الحديثة

تفرقة الوالدين في التعامل مع الأبناء

ذكريات وجمال الأماكن الأثرية

التنمر وقسوة الأهل

زواج الأقارب للمصلحة دون الالتفات لرغبة الطرفين

فقدان الأب

خيانة الزوجة

طفرة الواقع الافتراضي

قصص منها ما يبكيك ويؤلمك، ومنها ما يسعد قلبك، ومنها ما يرسم الابتسامة على وجهك حد الضحك.

كتبت بعضها بالفصحى، والبعض الآخر بالعامية بسرد مبسط يليق بحكاياتها.

(أعجبني أن لكل قصة غنوة وفيلم ونوع قهوة.)

نوستالجيا جميلة لذكريات قراءة المغامرون الخمسة في الطفولة❤️

كالعادة ابهرتنا الكاتبة مني رضوان و إزداد حبي لقراءة المجموعات القصصية، فضلا عن اختيارها لموضوعات تمس كل منا تجعلنا نضحك تارة و نبكي تارة اخري مع تجولنا خلال القصص الممزوجة مع بعضهما البعض بدقة و عناية فائقة. ايضا اختيارها لعنوان كل قصة باسم أغنية كان اختيار موفق جدا جعلني استمتع اكثر بالكتاب

حبيت رمضان جانا قوي و حسيت اني داخل المشهد جدا لقدرة الكاتبة علي وصف أدق التفاصيل و المشاعر ...

كتاب يستحق القراءة بجد..كل التوفيق و في انتظار المزي

المرة دى حضرت الندوة

المرة دى شوفت منى رضوان جديدة متالقة وواثقة اكتر وشوفت ناس من بلاد تانية كمان جايين عشان يوقعوا الكتاب

منى فى كتابها كملت قصص كتيير كنا فاكرين انها خلصت فى الكتاب الاول وكمان القدرة على انها توصف مشاعر صاحب القصة لحد لما تحس انك بقيت ان صاحب القصة وكمان الاغنية والقهوة

وطبعا اغنية رمضان جانا دى من تاليف جدى الشعار الساخر حسين طنطاوى فا شكرا على الهدية الحلوة ودى وانتى مش عارفة ههههه

الكتاب اسلوبه جميل وكلماته تخللي القارئ يندمج مع كل قصه فيه لاخر كلمه

فيه مواقف مبهجة ومواقف تلمس القلب .. تخللي القارئ يستمر في التحليق في جو كلماته واسلوبه

رغم اختلاف قصصه ورغم وجود قصص بالعامية وقصص بالفصحى لكن كل صفحة بتحكي بنفس اللغة ونفس الاحساس الجميل واللي اكيد طالعه من نفس القلب

شابووه للكاتبة منى رضوان وتحية كبيرة لها

قرات المجموعة بلا ادني ترتيب - كنت اقرأ منها كلما وددت ان اغير مزاجي او انهي يومي بمكافأة لنفسي - وبعد ذلك قررت ان اتابع الكاتبة لأجد لها مقالات كثيرة ومميزة في مجلة مصرية.

الكتاب جميل وهادف وبين غلافيه نرى الكثير من ما لا نستطيع ان نبوح به.

ارشحه بشدة

مجموعة قصصية خفيفة جمعت بين الدراما و النوستالجيا و الحكايات الشخصية.

استخدمت الكاتبة الفصحي في بعض قصصها و العامية في بعضها الآخر.

عجبتني بعض القصص و إن كنت احببت المجموعة القصصية الاولى للكاتبة ( كشكول المجهود الشخصي ) اكتر

وقت ممتع مع مجموعة جديرة بالقراءة والكاتبة لها حضور شخصي كبير ومتكلمة بارعة استمعت لها مصادفة في احدى حفلاتها في القاهرة

اما الكتاب فهو مكتوب بشكل جيد ومتسق مع الحياة المعاصرة بنظرة ادبية ناعمة وساخرة احياناً

كتاب حلو اوي وممتع حكاوي قصيره لذيذه بتفكرنا بنفسنا او حد نعرفه … وبنعيشها ذكريات طفولتنا برضو 👌🏻

قصص ملفتة ومختلفة وبها من الحياة نبضها وواقعها - أرشحها للقراءة وستدفعك للتأمل وللأبتسام معاً

الفكرة الجامعة للكتاب جديدة وثرية تسمح بسرد عدد كبير من الأفكار في صورة لمحات خاطفة من الحياة

كتاب رائع كالعادة

بالتوفيق دايما

منتظرين المزيد من الكشاكيل يا منى

ممتع جدا