مراجعات رواية جريمة العقار 77

انا بس عندي ملحوظة ازاي كاتب او دار نشر تقبل ان يحصل تشابه في عنوان كتاب بالصورة الملفتة دي ولا ده مقصود علشان يقرأ بالمرة لما ييجي في سكة الباحث عن جريمة العقار ٤٧ و هو الأصل!!!!؟؟؟؟؟؟

سيئه جدا، بغض النظر عن اسلوبها الركيك الكاتب جمع كل كليشيهات افلام الجريمة المصريه وعملها روايه

من أجمل الروايات التى قرأتها مؤخرا وعندما قرأتها لم اصاب بأي ملل قط

الروايه ميزتها صغيره تخلص ف قاعده واحداثها سريعه ودى احلى حاجه ان مفيش مط ورغي كتير وكمان لغتها سلسله وحلوه

رغم انى مش بقرا عامي كتير بس عجبتني انه اللغه العربيه بتاعتها مش صعبه ومفيهاش غلطه

وطبعا كالعاده خالفت توقعاتي يعني قاعده احلل بقي واكيد انت يالى مختفي انت السبب ولا يالى بلغت هو الى بلغ دا بيبقي وراه المصيبه وبردو طلع منها رغم ان كان نفسي يطلع هو😂😂😂 اول مره ابقي نفسي شخصيه تتهان ويطلع عين امها يعني لما طلع من القتل قولت مش مشكله ف قضيه تانيه يعني لابساك لابساك فاجاه هوب طلع منها 😂😂 ازاى كدا يا جدع

الشخصيه التانيه المستفزه😂 هو الى بيلبس كدا بيبقي بتاع ستات معروفه ياراجل يا معفن😂 يعني سايب مراتك الست المحترمه ورايح تعط مع واحده لفت على شباب مصر كلها وقربت تدخل على افريقيا 😂 مش كدا والله

ارخم حاجه ف الروايه انى كنت عيزاها تطول شويه ويحصل حاجات تخلى دماغي تلف اكتر واخد الصدمه ف الاخر 😂

لكن غير كدا هيا حلوه جدا

عجبتني جدا اخر صفحه ف الكتاب عن ان العداله مش لازم تلاقيها فى الدنيا وكمان مش هترضيك لان فى عداله ف الاخره دى الى هترضينا عجبتني جدا ❤️😍

الروايه دى لو اتكتبت كلها لغه عربيه هتبقي عظمه جدا جدا

واخيرا دى تانى روايه اقراها للكتاب وحقيقي اتبسط جدا انى اتعرفت على حضرتك وانتظر راي ف اشون ان شاء الله❤️

هبدة قوية 💥

كانت اللى هى 👌🏻

أودت بحياته وراح فيها شبابه 🥺

ده واقع من الدور الكام 🤔

محدش عارف يا جدعان 🤷‍♀️

طيب ما تسألوا السكان ❓

بيقولوا مايعرفوش أى حاجة عن هذا الشاب 🤷‍♀️

يمكن عامل توصيل 🚚

يمكن كان جاى زيارة فى السريع

يمكن كان طالع الرووف يشوف سلك 🧵 التليفون 😄

كلها تخمينات لحد الآن

يبقى لازم بقى نبلغ السكان أننا هنبدأ التحقيقات

ونشوف اخرتها ايه

هتطلع جريمة بفعل فاعل ولا حالة زهق جت للولد وقرر يتخلص من حياته من غير ما يسيب أى أثر…

نبدأ نستجوب ساكن ساكن ودور دور

يمكن يفيدونا فى الموضوع

خبط ✊🏻 يا بنى على باب باب خلينا نكتشف المستخبى ورا الأبواب

ياترى هيطلع مستخبى ايه

هنكتشف مع رشدى الحقيقة فين 🤷‍♀️

رواية جريمة سريعة فى احداثها وحبيت الشخصيات وحواراتهم الكتير 😄 هو الحقيقة كلهم يتمسك عليهم حاجات كتير بس خلينا فى المفيد هيبقى ليهم علاقة بالشخص المرمى من الرووف ولا هيطلعوا براءة من الموضوع

النهاية جت سريعة كانت محتاجة ترحرح حبتين خاصة أن الفاعل مكانش من المتوقعين 🤷‍♀️

رواية رائعة احداثها مليئة بالاثارة والغموض جريمة قتل حدثت وخلال التحقيقات يكتشف المحقق بانها ثانى جريمة تحدث فى هذا العقار وتتوالى الأحداث فهل يستطيع المحقق كشف وحل الالغاز حول هذا العقار هل ما حدث كان جريمة قتل ام ...ماذا ؟ هذا ما سنعرفه من خلال أحداث هذه الروايه الرائعة...

رواية حلوة وممتعة رولية طبيعية داخل اطاى قيم المجتمع الشرقي .

لم يستخدم الكاتب اى اسفاف او عبارات خارجة.

سرد الكاتب ممتاز يعيشك داخل الحدث كانك قاعد مع الابطال.

فيها درس مهم ان فى فرق بين الطمع والطموح لان كل الناس اختلط عليها الامر

ترابط الاحداث بها جيد وان كانت الشخصيات محدودة كان علي الكاتب ان يتشعب بالعلاقات.

لكنها رواية جيدة فى الاجمالى

رواية مليئة بالأحداث المثيرة وتذكرني بروايات اجاثا كريستى من حيث أحداثها المترابطة ونهايتها الغير متوقعه

رواية خفيفة قراءتها وانا مسافر انتهت سريعا ولم اتوقع نهايتها الشيق بها ان بها رسالة انصح بها

رواية حلوة قراءتها فى ثلاث ساعات بتقول رسالة ان الغاية مش بتبرر الوسيلة

تصلح حلقة إذاعة انصح الكاتب بعمل مسلسل بوليسي اذاعى

رواية حلوة مسلية وكلها احداث شيقة لا تشعر باي ملل

رواية ظريفة لكن كنت اتوقع تكون اطول من كدا

يا قلوووووود