مراجعات رواية ابتسم لأكون أقوى

⭐️ أن القارئ لا تعنيه الكتابة الجميلة بقدر ما تعنيه الفكرة 💭

ومع الرواية ديه اجتمع جمال الكتابة مع الفكرة

وماشية على خطى ثابتة

ما بحبش اللى يقول شوف الزمن عايز ايه واعمل اللى يقولك عليه مش مهم أنت عايز ايه

هو الواقع بيفرض علينا نتلون ونتغير كتير

بس مايمنعش نكون نفسنا شويتين

يعنى مايغلبش علينا الطابع اللى الناس عايزينه

حتى لو مش هيضر بس هتحس أنك " أنت مش أنت "

وزى ما قال " مكى " ماتحاولش تبقى حد تانى غير نفسك … دور بنفسك جوا نفسك "

" آسر " مراهق فى عمر محتاج فيه اللى يبقى جانبه ويشجعه ويفوقه ويوصله لفوق

طيب دور دور الوالدين

لا للاسف هما عينيهم مش شايفين هو محتاج لإيه

مش لاعبين دور الشريرين فى الرواية ديه

لكن ممكن نقول مغيبين مش فاهمين مش قريبين

وده عاجبنى فى كتابة شيرين هى ماطلعتش الشخصيات غير سوية هى طلعتهم عادية بصورة جدا طبيعية هتلاقيهم فى كل بيت

مين فين مش بينشغل عن ولاده وممكن غصب عنه يتريق على هواياته وهو مش واخد باله انه ممكن بكلمة يأذى النفسية

ده اللى عملته "شيرين سامى " لعبت على حياتنا الطبيعية فى حكاية " آسر " وهوابته اللى كان شايف أنها هتوصله للعالمية

لكن هو كان بيتقابل بالرفض وما بين " ماتشوفلك هواية رجالى " ومابين ده اللى أنت فالح فيه

وغيرها تعليقات سخيفة كتير

قرر يواصل ويشترك فى برنامج مواهب شهير

بس ياترى البرنامج هيشوف موهبته ازاى وهيوجهه ويدعمه ولا هيلعبله فى الأفكار

حبيت الرواية جدا جدااا واستغربت أن كذا مرة اسمع أنها لليافعين … ليه انا على مشارف الأربعين واتبسطت بها كتير 😍

رواية فيها احاسيس وتعبيرات حلوة جدا وكلام فى نفوس اولادنا نفسهم يعبروا عنه لينا

مصارحات لو تتقال لينا ولبعضينا اعتقد كانت حاجات كتير هتتغير فى تعاملاتنا مع أهالينا

الثقة والدعم لازم يبقوا من الأهل قبل أى حد 💙

#مكتبة_دنيا

#قراءات_٢٠٢٣

انهيت الرواية في يوم واحد، وكنت متشوقة لأعرف كيف ستنتهي.. استطاعت شيرين سامي أن تضعنا داخل كواليس برامج المسابقات الفنية ورسمت الشخصيات ببراعه ودقة فتشعر انك تعرفهم بالفعل رأيتهم في البرنامج قبل كذلك لكنك الآن تعرفهم أكثر وتظهر لك حياتهم بوضوح.

اختيار فن الرقص ليكون الموهبة الخاصة بالبطل تم توظيفه بحرفيه حتى أنني لم أشعر بأن أي موهبة أخرى كانت لتحل محلها.

لم تضع الكاتبة آسر وحده في مواجهة الجملة المعتاده "العائلة أولًا" ولكن شعرت بأن الاختيار موجه لكل من يقرأ، حلمك أم رؤية الاخرين عنك.. طموحك أم العائلة..أن تختار نفسك ليس بالأمر السيء علي العكس سيكون الافضل، ستكون النسخة الافضل التي ستتمكن من فرض حلمها علي الأخرين ، وتقف بكيان قوى وطموح أكبر بجانب العائلة

ابتسم وكن أنت بحلمك وطموحك وقرارك، وسيكون العالم أفضل بك.

الرواية مناسبه لأي سن، وبها تفاصيل وحوار متماسك أرشحها بقوة

أستغرب هذا الاستسهال وإلصاق أي عمل بطله دون العشرين بفئة الفتيان، الرواية لم ترقني، والكاتبة تحتاج إلى الاقتراب أكثر من هذه الفئة لتتشرب لغتهم وأسلوبهم، أستغرب هذا العمل من دار كبيرة مثل الشروق.

عظيمة

مفروض أنها لليافعين بس لمستني جدا

برافو شيرين