قد نصل في بعض الاحيان الى الانطواء والبعد عن البشر، ناخذ هدنة لبعض الوقت من الاختلاط بهم، لكن هل صرنا نخشي البشر حتى نتمنى ان نعيش في مكان خالي منهم تمام؟ ولنفرض انه حدث، ماذا سوف تفعل اذا استيقظت في يوم وكنت وحدك على الارض؟ هل فكرت يوماً في هذا السؤال ام انها مجرد كلمات نقولها في لحظات الضيق او حين نتمنى ان نختلى بأنفسها لفترة؟
بعض العلاقات قد تكون صعبة، ولكن هل البشر هم السبب ان ان طبيعة العلاقة هي التي تفرض علينا هذا؟
الرواية رغم انها ١٤٥ صفحة بس هي من الروايات الصعبة الى حد ما، مش صعبة فهم او كلام لا، كا مشاعر. هتلاقى كم من المشاعر، هتتعصب، هتضايق، هتتخنق، كله موجود. الرواية فيها كم من المشاعر حلو جدا ومن اولها لاخرها مش هتحسوا بملل بل بالعكس هتشدكم انكم تخلصوها بسرعة، بس في نفس الوقت هتاخدوا وقتكم عشان زى ما قلت كم المشاعر اللى فيها مش حاجة عابرة كده لا هو عميق. نصيحتى بس ان لو حد موده مش حلو او مضايق شوية ميقراهش، ويفضل ان مودك يكون كويس او على الاقل عادى او طبيعى، لان هي بس من كتر ما المشاعر فيها صادقة قوى فا ممكن تلمسك في بعض الاحيان وتخليك تضايق حبة. الاسلوب والسرد حلوين ومفيش، انا بس يمكن كنت شايفة ان ممكن الحواز بس فيها يكتر شوية بسيطة، بس ده مش معناه انه ماثر على خاجة فيها بالعكس، هي وحهة نظرى مش اكتر وممكن بالنسبة لغيرى تبقى لا. مش عايزه اقول حاجة اكتر من كده عشان مش عايزه احرق احداثها، بس حقيقى الرواية جميلة.
