اقتباسات من كتاب الصندوق البينك - من واقع رسائلهن السرية..!

الشكل بنتعود عليه لحد ما يبقى الطويل زي القصير والتخين زي الرفيع، الفلوس بتبقى معانا بنصبح منلقيهاش وننام معناش نصحى يبقى معانا أضعاف اللي محتاجينه، المناصب دوارة بين صغير وكبير، اللي بيفضل في الآخر حاجة واحدة بس مش بتروح، معدن البني آدم.

‫ لو المعدن نظيف فيابختك بجد، ولو المعدن قذر مفيش حاجة ممكن تنظفه.

ابن الأصول ده الراجل اللي أهله عرفوا يربوه، قالوله الصح من الغلط بدري، وفهموه يعمل إيه في كل موقف يستلزم منه يقف جنب حد.

علموه مجموعة حاجات تخليه ظهر وسند لكل اللي يخصه.

فأكيد أكيد هيكون ظهر وسند ليكي لأنك بقيتي جواه ومنه.

الذوق واحترام طبيعة الأنثى جزء كبير من أخلاق الراجل المحترم.

متشيلوش هم حاجة، كل حاجة محسوبة ومعمولها ألف حساب من رب كريم ...

الوجع محسوب، الضياع محسوب، الدموع محسوبة، الحيرة والضغط والتعب والسهر، كله محسوب وله ترتيبه وله اليوم اللي هيخلص فيه .

ربنا قادر من فوق سبع سماوات يسخرلنا الكون كله عشان نكمل طريقنا ونوصل لبر الأمان، بس إحنا نصبر ونصدق بجد من قلبنا إن كل حاجة هتبقى بخير.

كل دقيقة بتقضيها في علاقة سامة مهلكة لنفسك هي دقيقة بتضيعها من فرصة إنك تلاقي علاقة أفضل من اللي إنت فيها ألف مرة.

‫ متضيعش وقت وإهرب.