مراجعات رواية دليل جدتي لقتل الأوغاد

أول مرة أقرأ للكاتبة وهى كاتبة قديرة حساسة للمشاعر البشرية وذات أسلوب سلس وموجز ومعبر فى بعض الأحيان ذكرنى بالأستاذ أحمد خالد توفيق رحمة الله عليه

لكن وهذا رأي شخصى محض.. لم أحب فكرة أن نحب البطل (الأسرة عدا الأب) برغم التصرفات المحرمة التى لا تناسب مجتمعنا كنت أتمنى أن تنالهم يد الكاتبة بما يناسب إنصاف إظهار الجانب السىء فيهم أيضا خصوصا استحلال المواعدة والتمرد على الأب

وأحسست فى بعض الأحيان بخفايا انتقاص الكاتبة من قيمة الرجل وكيانه مهما كان فلكل جنس وظيفته والرجل هو محل الاحترام والقيادة منذ فجر التاريخ وتلك الفطرة

الحقيقة ميرنا المهدى كل مرة بتبقى اقوى فى كتاباتها من اللى قبلها والحقيقة انها بجد ابهرتنى فى الرواية دى واتكلمت عن موضوع مهم جدا للاسف منتشر فى المجتمع وللاسف محدش بيتكلم عنه بل بالعكس بيغلطوا الضحية وكان الجانى من حقه يعمل اللى بيعمله

حقيقى المجتمع بتاعنا محتاج تغييرات جذرية كتير محتاج يبعد عن المظاهر ويبعد عن جلد الضحية وياخد حقها من الجانى

شابوه بجد ليكى يا ميرنا ومنتظرين منك اعمال اقوى واقوى كل مرة

من أروع ما قرأت

فقد تفعلت مع الرواية عاطفيآ و لما استطيع إيقاف دموعى فى بعض المقاطع. كرهت شخصية بهيج و لم ارتح لها من اول وصف لها . اعلم الاحصائيات و اعلم سلوكيات المجتمع المخذلة فى هذه الأمور. و اتمنى ان لا يسكت احد عن حقه و ان لا يتعامل البشر مع ما حدث بتفاهه و سخريه ووضع اسباب . الخطاء خطاء ولا يوجد له مبرر مهما كان . اعجبنى اسلوب الكاتبة و انتظر قراءة المزيد منها

الرواية جميلة جدا و مشوقة جدا

وتناقش قضية التحرش الجنسي والاغتصاب

وانامع الكاتبة في رفض معاقبة الضحية وترك

الجاني واتمني ان يكون هناك حوار مجتمعي

لعلاج قضية التحرش

واري معها ان المتحرش خنزير لابد أن يعاقب

عقاب يحمي كل بناتنا واولادنا

بل اري ان الخنزير افضل منه بكثير

رواية مرهقة وصادمة بالذات لكل ام وبالذات في الزمن اللي احنا فيه واللي مخلي عنينا في وسط راسنا وخوفنا على الأولاد بقى اكتر من البنات

اكتر حاجة عجبتني أن اللغة والسرد واضح وبيوصل للهدف بعيدا عن الفجاجة

رواية جريئة اوي و قاسية الكاتبة سلطت الضوء علي موضوع منتشر بس المجتمع محرم المناقشة فيه و اضطهاد الضحية و عدم دعمها الا قلة قليلة بجد..

أسلوب الكتابة كان سلس و مترابط يشد القارئ جداا

الرواية تحفة حقيقي وتسلسل الاحداث مشوق جدا وصادم كل ما نتعمق ف الاحداث نكون عايزين نعرف اكتر. وموضوعها ف غابة الاهميه واتطرح بطريقة سلسه جدا.

الكتاب يجنن مررررره حبيت انه تكلم عن قضيه موجوده في المجتمع حبيت شجاعة عيسى و مايكل في الاعتراف وحبيت كيف بتول دافعت عن اخوانهاا🥹🥹🥹🤍

فخور جدا اني قريت رواية زي دي و مبسوط ان رواية بالحلاوة دي توصل لعدد محترم من الناس وعمل ف منتهى الروعة❤️

رواية جميلة وبتناقش مواضيع حساسة ومهمة جداً جدا. محدش كتير بيتكلم عنها

رواية رائعة تحكي عن قضايا المجتمع المريض من تحرش واغتصاب وهتك الأعراض.

ماذا لو تعرض ولد أو رجلاً إلي تحرش إلي أين يذهب؟

المجتمع المريض هو قادر علي تحويل أي إنسان إلي مريض نفسي.

عجبتني إن رواية مرتبطة بطريقة غير مباشرة بسلسلة تحقيقات نوح وقطز

اتمني أن تستمر سلسلة تحقيقات نوح .

"أنتِ تبتسمين وكأن الشمس تشرق من أجلكِ وحدك، بل وكأنك أنتِ الشمس نفسها".

#دليل_جدتي_لقتل_الأوغاد

دي يعتبر اول رواية لي في حياتي حلو جدا وفتحت دماغي للتعرض الجنسي صح كدا بس مش عاجبني النهاية مفتوحة وأنا كنت بقرا قطع معينة من على النت بس مش بكمل الرواية ومن ال سوشيال ميديا حبيت فكر الأستاذة ميرنا المهدي وكمان علشان أنا بقرة قطع معينة حسيت أن هي الظابط شبه جدا سلسلة نوح الألفي هي صغيرة وخلصتها في في قاعدة واحدة

رواية جميلة لكن لم تعجبني النهاية. النهاية ما أشبعتش فضولي كقارئة ولسه عندي أسئلة عن مصير الشخصيات في النهاية. غير ان في خلال الرواية حسيت ان الشخصيات كانت مكتوبة بسطحية شوية. كان ممكن يكون في تفاصيل اكتر عن كل شخصية عشان نحس بيهم. لكن الرواية مغزاها جميل وشجاع.

جميلة وجريئة وحقيقية واستمتعت بيها

بس بعض الشخصيات حسيت بناءها مش منطقي في عدة مواقف وكمان في كم مرة ماحبيتش الحوار بين الشخصيات وحسيته كان ممكن يبقى أقوى بكتير لكن الرواية مشوّقة وتستاهل القراءة حقيقي براڤو وشكرًا على التجربة الذيذة دي

رواية اجتماعية جريئة وأحداثها صادمة ناقشت قضية مهمة وحساسة جدًا في مجتمعنا.. براڤو ياميرنا فكرة مميزة واحداث مشوقة رغم قساوة الحكاية ..⭐️⭐️⭐️⭐️

رواية متميزة ومشوقة وتتناول موضع شائك للغاية وهو التحرش الجنسي لكن الكتابة ابدعت في تناوله بصورة حكيمة وشجاعة للغاية كل الشكر

ليه يا أستاذه ميرنا تعملي فينا كده هو احنا ناقصين 😞😞😞😞

بس الصراحه حلوه 😀

المؤلفة ذكية ان جعلت البداية حلوة ومشوقة وبعيدة عن الفكرة الرئيسة التي بدأت تتضح بعد المنتصف وهي الاعتداء الجنسي

ما ازعجني بالرواية هو الانفتاح المبالغ فيه عن علاقة عيسى ب لار

مسبح مشترك بين رجال ونساء!! او ان علاقتهما عادية !! حتى المشاهير من هوليوود والمختصين بالاسرة ومشاكلها ينفون وجود مايسمى بالصداقة بين الرجل والمراة

رواية جريئة جدا نقشت مواضيع مهمه في المجتمع

في رأي المتواضع كان ممكن تكون افضل لأني شايف اني صعب الصدف تتجمع بالطريقة دي في أسرة واحدة

شخصية الجدة نصرة كان ممكن ييكون دورها اكبر لانها مكتوبة حلوة جدا

عائلة واحدة تعرض كل أفرادها للتحرش والاعتداء والاغتصاب بكل الطرق، هو مفيش ناس تانية في البلد؟ والا كل الناس مرضى مفيش شخصية واحدة في الرواية طبيعية؟