كنت من فترة مهتم بتاريخ نشأة بعض الدول العربية أو الأفريقية وقع تحت إيدي كتاب بعتبره من أعظم الحاجات اللي قريبتها ..الكتاب تم إصداره قريب جدًا اسمه "ظل السلطان: حكم عائلة واحدة عند تقاطع الشرق والغرب" تأليف كاتبة اسمها كريستيان بيرد
ترجمة مترجم عُماني اسمه محمد بن عبدالله بن حمد الحارثي
صعب تصنيفه ككتاب تاريخ بحت لأنه بيتكلم عن قصة مفيش تفاصيل كتير عنها مع ربطها بالأحداث التاريخية
قصة الأمير سالِمة بنت السيد بوسعيد حاكم عُمان في القرن ال ١٩ومؤسس حكم عائلة البوسعيد اللي بتحكم عُمان لحد النهاردة
اللي هربت مع زنجبار لأوروبا وتأثير ده على حيانها واختلاف الحضارات والثقافات
وربط الأحداث التاريخية على طول ساحل الشرق الأفريقي في الفترات دي وسيطرة آل بوسعيد على زنجبار "في تنزانيا حاليًا"
وتجارة الرقيق وتاريخها ودور العرب والمسلمين والهنود فيها والفرق بينها وبين تجارة الرقيق في أمريكا ..دور بريطانيا وألمانيا والبرتغال وأسبانيا في الأحداث دي حكم البوسعيدين خلال الفترة دي وفترات الرخاء والصراعات
وامتزاج العرب بالأفارقة و لمحة عن بداية ظهور الوهابين
الكاتبة رغم إنها مش معروفة عاملة مجهود ضخم جدًا ومعتمدة على عدد مراجع مش طبيعي لكتب أساسية عن تاريخ عمان من مصادر عمانية وغربية
الكتاب ممتع جدًا في رأيي خصوصًا بالنسبة لي مش من الحاجات اللي عندي معلومات كتير عنها
