أب 👨🏻 انتهازى ولا يبالى 😌
وأم 👩🏻مهتمة بس بشروط 🤚🏻ماتجيش على حياتها فى يوم 🙋🏼♀️
وأخ صغير👦🏻 مايعرفش حاجة عن اخوه الكبير
غير زيارة سريعة كل اسبوع 📆
أصله مش عايش معاهم ده فى دار رعاية 🥺
لكن الظروف تخلى الأب يتولى مسؤلية ابنه المريض فى يوم
بس للاسف مش حبا وحنانا 🤗
ده طمعا ودناوة
افتكر أنه يشيل الحمل لما الفلوس زغللت عينيه
ده كلها أسبوع ولا اتنين هاخد بالى منه و اكسب كتير لحد ما تنتهى اصلاحات الدار ويرجع لمكانه المعتاد
و طلباته أكيد مش كتير هتكون ايه شوية تفاح 🍏 مهروس
وشوية تنضيف وتظبيط مواعيد الأدوية و ça suffit … وده ابنى برضه والمفروض ابقى عنه مسؤول يعنى هرميه لغيرى يربيه كام يوم مش معقول 🤦🏻♂️
بس يا بابا أنت طول اليوم مشغول ومابترجعش البيت غير على النوم 😴
ما هو ده الموضوع ديه مهمتك أنت يا " برايان "
تاخد بالك من أخوك واهو تتعلم تبقى مسؤول
طيب مش لما تبقى أنت الأول مسؤول ( يقولها برايان فى سره 🤫)
وينتقل الأخ (لوسيان ) لكارافان الأب والأخ أصلهم مالهمش مكان ثابت من كتر ما الأب بيعمل مشاكل…
واتولى الأخ الصغير مسؤولية أخوه المريض فى غياب الأب الدائم اللى بيدور على المصالح بحجة لقمة العيش
لكن الحقيقة هو هروب كبير من كل شىء …
وتبدأ القصة على خفيف تظهر لينا ازاى الأخ كان بيحاول دايما يفهم احتياجات أخوه ويحاول يعوضه غياب والديه .. ويرفه عنه كتير مع مساعدة من جارهم " إميل " اللى لقى معاه صداقة كان نفسه تبقى بينه وبين والده فى يوم .. ما هو فى سنه برضه محتاج اللى يساعده ويسمع له..
وبالرغم من محاولات الأخ كان دايما بيلاقى توبيخ وتنظير من الأب … يعنى كان مش عاجب … مارعاش سنه الصغير ولا احتياجاته بالعكس زود عليه المتاعب واتهمه أوقات كتير بالتقصير …
تفتكروا واحد فى سنه ممكن يعمل ايه 🤷♀️
📌كيف فكرت في أن تترك أخاك هكذا؟ انظر إلى ذراعيه.. تبًّا!
- أنت من كان بالخارج طوال اليوم، على الرغم من أنك وعدتني بالاعتناء به. 📌
رواية انسانية بتظهر الحب الأخوى الفطرى اثرت فيا كتير كانت محتاجة تتعمق اكتر فى المشاعر والاحاسيس وعلاقة الأخ بأخوه المريض مش مجرد مواقف ويومياتهم وتبعد عن مشاكل الأب وخناقاته مع اللى حواليه …
لكن بالرغم من كده حسيتها من بين السطور
الترجمة كانت موفقة جدااا تحسها لغتها والنهاية على الرغم أن الموقف كان صعب
بس كان معروف رد فعل الأب
ويفضل الأخ هو اللى على وصل حتى لو من خلف الأبواب المغلقة 💙
📌لا يوجد عقاب لأخيك، “برايان
- بل يوجد.. وعقابه أنه انتمى إلينا.
📌يقوم الآباء أحيانًا بأشياء يصعب فهمها.
#مكتبة_دنيا
#قراءات_٢٠٢٣
