من واقع سجلات راجل متجوز سابقا

نبذة عن الكتاب

كتاب ”من واقع سجلات راجل متجوز -سابقًا-“ بسيط ولغته سهلة في القراءة بيتناول مواقف شبه يومية بتقابل أى اتنين متجوزين وبيقدم للزوج المعاصر حلول غير تقليدية في مواجهة المواقف دى وبيعلمه ازاى يتعامل معاها بحكمة وذكاء عشان تمر بسلام وعشان نشيل كلمة "سابقاً" من أى جوازة... أي زوج صريح مع نفسه حابب يبني حياة أسرية سعيدة هيطلع منه بطاقة إيجابية ورغبة حقيقية في التغيير... المواقف اللي في الكتاب ده كلها حقيقية ولا تمت لخيال الكاتب بأي صلة، وكمان مالهاش أي علاقة حصرية ومباشرة بتجارب شخصية، ولكنها حصلت بصورة أو بأخرى مع رجالة كتير. عمومًا المواقف دي وغيرها كتير هي نتيجة تجارب واقعية وملموسة في حياتنا اليومية، تجارب موروثة ومتأصلة في مجتمعنا.... يعني تقدر تقول كده تراث شعبي. لكل راجل راكب دماغه و فاكر ان هو دايما صح و انه كالعادة (ما بيغلطش)، لكل ست فاكرة ان الرجالة كلهم (مصطفى أبو حجر) وإن مفيش أمل يتغيروا، ولكل أب وأم بيربوا ولادهم على مفاهيم وعادات مغلوطة... إنتوا مش لوحدكوا، إحنا كلنا معاكوا.....في نفس المركب اللى هتغرقوها بينا كلنا بعمايلكوا...