مراجعات كتاب مذكرات نهال كمال - ساكن في سواد النني

ربنا يسامحني على الوقت اللى ضيعته فى قراءة الهري ده

نهال كمال لو قاصدة تشوه صورة الراجل مش هاتعمل فينا كدة

حولت حياة الأبنودي لقصة جواز ابن الفلاحين الفقراء اللى طالع من طبقة الرعاع لبنت الذوات البيضاء الصغيرة فى السن .. لقصة صداقته مع حسنين هيكل وأزاى انبهر بقصيدة كتبها لعبد الناصر وقاله أخيراً نصفت عبد الناصر

لعلاجه على نفقة الدولة فى عهد مبارك

لكره للأخوان وقد ايه كان شايف أنها سنة سودة

للقاؤه مع السيسي وإنه شاف إن اخيرا مصر فى إيد أمينة

ولمكالمة السيسي وحسني مبارك لتعزيتك فية

ده إنت لو قاصدة تخلينا نكرة الراجل ونحسبن عليه مش هاتعملي كده

إنت لو قصدك تأكدى كلام أحمد فؤاد نجم عنه وإنه كان بيضحك على الناس وإنه يويو للسلطة مش هاتعملي كده

كتاب جميل جدا .. بعض حاجات قرب النهاية أثارت شجوني وسالت نفسي لو كان الأبنودي لسه عايش يا ترى كان موقفه حايتغير تجاه بعض من جاء ذكرهم في الكتاب

الجميل إن كتابة نهال كمال رقيقة زيها .. وطالعة من القلب وما خرج من القلب يصل للقلب

والابنودي حايفضل ساكن في وجداننا وفي سواد النني زي سيناء اللي غنى احتفالا برجوعها