مراجعات كتاب سنة أولى نفسية - نفسك ... جسمك ... علاقاتك

مشكلة الكتاب ده انه بيخلص💛

حرفياااا فوق مستوى العظمة..

الكتاب قصير لغته عامية للغاية والقليل من المعلومات المقتبسة من علماء أفاضل بلغة عربية فصيحة ، بداية للشباب في التخصص النفسي وليس توسط ولا قمة في مجاله، بالنسبة لأنه ليس مضيعة للوقت فهو رائع للسن الموجه له الكتاب وهو سن المراهقة كاستثمار والنضوج كتنبيه لما مر به الشخص والصغار الشغوفين كتوعية مستقبلية. لا مانع عندي من قراءته في أي سن وبكل حال أو وقت في اليوم فهو لا يحتاج لتركيز أو استذكار من بساطته.

اسم الكتاب :سنة أولي نفسية

اسم الكاتبة :شيماء الجمال

عدد الصفحات :205

اسم دار النشر : الكرمه

سنة أولي نفسية هو كتاب بيساعدك تفهم ذاتك و تصاحبها و تحب جسمك و تحترم نفسك جوه علاقاتك.

*نبذه عن الكتاب

الوعي النفسي ميدان واسع يشمل العالم الداخلي للفرد و العالم الخارجي و العلاقة بينهم، و يشمل أيضا طبقات النفس ما بين القلب و الجسد و الشعور، و يشمل إدراك المتناقضات و الاحتياجات و المخاوف و التوقعات و منظومة القيم و الحيل النفسية، كما أنه أيضا يشكل ماضينا و خبراتنا الماضية.

في هذا الكتاب محاولة لوضع خريطة سهله و مبسطة لأكثر الموضوعات شيوعا، بلغة بسيطة و جذابة و سهله و مختصره.

كما أن هذا الكتاب مفيد و مهم كنقطة إنطلاقة لعالم الوعي النفسي

_ الكتاب بينقسم لثلاث أقسام (النفس - الجسد - القلب) وتقوم الكاتبة في كل قسم بتوضيح ما يتعلق به.

*النفس

القسم الأول بيساعدك تكتشف نفسك أكثر و تحبها و تعرف إن أنت أقوي سلاح في حياتك

القسم دا بيركز أكتر علي طفولتنا و مشاعرنا و روحنا و الي بنمر بيه لوحدنا و إن كل شخص في طفل صغير عايش جواه و واجبة إن يحميه و يحافظ عليه.

كما أنه يوضح أهمية الذكريات الأولي في حياة كل طفل لأنها تمثل أصدق شعور حسه الشخص و هو مصدق ايه عن نفسه و المجتمع و الناس و متوقع منهم ايه

حيث تقوم الكاتبه في هذه الجزئيه بكتابه ثلاث ذكريات من طفولتها و كتابة المعاني التي ترجمها عقلها عن تلك المواقف .

كما توضح أن الإنسان لو مقدرش نفسه كويس و فمن المتوقع مين يقدره؟

توضح أيضا بعض الصفات التي توجد في الأشخاص الي عندهم تقدير ذات مرتفع و الأشخاص الي عندهم تقدير ذات منخفض

و ازاي يكون عندنا توازن نفسي جوا و برا.

تتحدث الكاتبة أكثر عن حب الذات و إن حبك لنفسك هو أكثر طريقة مسالمة و فعالة هتخليك تنتصر في أغلب معارك الحياة.

تخبرنا الكاتبة عن خمسة أشياء اكتشفتها و اتعلمتها في غرفة الطبيب النفسي

1_ إن أغلب المشكلات النفسية التي نمر بها حاليا يكون سببها التربية التي تلقيناها من الأهل

2_ إن في الأغلب تصورك عن ربنا هو تصورك عن الأب و الأم.

3_ إن الإنسان عندما يكبر يميل لتكرار سيناريوهات الطفولة أو إصلاحها.

4_ إن معظم مشكلاتنا سببها الأكبر إننا مش بنحب نفسنا صح

5_ إن الإد/ مان مش مخ/درات و بس

الإنسان ما قبل العلاج النفسي يكون معتقد أن الإد/مان هو إدم/إن المخ/در فقط و أي شيء أخر ليس إد/مان لكن عندما يحصل الإنسان علي العلاج النفس بيفهم أكثر عن ماهية الإدم/ان و بيكتشف إنه مدم/ن بشكل أو بأخر .. مدم/ن أكل أو شغل أو فلوس …. بيفهم إنه لم يجد الأمان و السكينة جواه بسبب نفسه المعطوبة فذهب يبحث عنها في أشياء أخري .

*الجسد

هذا القسم هيساعدك تحب جسمك و تحافظ عليه و تمتن ليه

هذا القسم من الكتاب يساعدنا علي تعلم طرق التعامل مع أجسامنا و الطرق التي نحافظ عليه بها و طرق السعاده بالنسبه لنا.

_بعض العبارات التي نالت إعجابي

* حب نفسك حتي لو وزنك زاد.. إنت نفس الإنسان.. اقبل جسمك عشان تعرف تغيره.. اقبل جسمك بس ما توافقش علي دهونه.. ماتهربش من مشكلاتك بالأكل.. واجهها علشان تعرف تخس تاني.. واطلب المساعدة لما تحتاج.

* كُرهنا لجسمنا حاجه بنتعلمها … وزي ما اتعلمناها هنعرف نتعلم نقبل جسمنا.

*القلب

هذا القسم هيساعدك تحافظ علي قلبك جوه العلاقات

الحياه البشرية لها قوانين كثيره، أحدها الإنسان من المفترض عليه أن يستعمل الأشياء و يحب الناس

*هناك نوعين من العلاقات

-نوع مزيف (علاقة الشخص مع الشيء)

-الحقيقي "اللقاء"

*رأيي في الكتاب

القراءة الثانية لي لهذا الكتاب و استفدت منه و أسلوب الكاتبة جميل و عجبني إن لغته عامية علي الرغم إني لست من محبين قراءه الكتب بالعامية و لكن هذا الكتاب مختلف فادني و ساعدني جدا في التعرف علي أمور لم أكن أعرفها عن نفسي .

*إقتباسات

_ مفيش حد مُريح للي حواليه أكتر من الشخص اللي فاهم نفسه و عارف هو عايز إيه بالظبط من علاقاته، حتي لو كان يبان سخيف في البداية!

_من حق الناس تسيبك زي ما من حقك تسيب الناس.

_ كل إختيار في الحياة ليه تمن بيتدفع من أعصابك و نفسيتك مفيش اختيار ملوش تمن.

_حوش شوية حب لنفسك… إنت تستاهلهم .

_فكر نفسك دايما إن اللي بيحصل مش بإيدك، لكن رد فعلك بإيدك إنت. دور الضحية اللي إنت عايشه هو اللي مخليك "راكد " ومحلك سر اطلع منه علشان تبدأ تعيش.

كتاب خفيف نورلي جزء فيا حبيته وحبيت الاختلاف اللي فيه عن الكتب الصحه النفسيه حسيته طالع من القلب ف دخل قلبي

تقيمي 3,5/5