طريق الحرير

دي قراءة ثانية جديدة عبر تطبيق أبجد بمناسبة عيد ميلاد دار نشر كتوبيا العزيزة

قراءة جديدة على أبجد ✅

أول ما نسكت الرواية واستعنت بالله وحطيت النية كنت فاكر ان الرواية تاريخية زي رواية ابق حيا أو البشرات خصوصا مع اسمها وإن الغلاف كان عليه فارس حامل شعار دولة الأندلس وكلمة الغلاف البسيطة عن الأمل ودوافع الاستمرار.

لكن خلونا نبدأ المراجعة مع الاكتشافات اللي كانت جديدة عليا وكان أولها إن الرواية إعادة طبع بعد طبعتين قبل كده مع دور نشر مختلفة.

والاكتشاف الثاني ان الرواية دي هي أول أعمال الكاتب الروائية رغم اني كنت فاكر أن البشرات هي أول أعماله.

وعلى الرغم من كده الغلاف كان شغال بس مش أحسن حاجة وكلمة الظهر كانت حلوة بكل تأكيد وقصيرة جدا وكمان مفيش نبذة تعريف بالكاتب ولا أعماله.

ونبدأ بقى القراءة عشان نكتشف إن الرواية مش تاريخية خالص لكنها فانتازيا بالكامل وبتدور في عالم شبيه العالم بتاعنا وحتى التضاريس والجغرافيا هي نفسها الجغرافيا المعروفة لينا وكمان تاريخ العالم ده متشابه مع التاريخ الحضاري والإنساني.

امال فين الفانتازيا؟

الفانتازيا هنا في تخيل حدث ما تاريخي تبدأ بعد منه تتغير شكل الأرض تماما ونعيش في عالم بديل.

يبدأ الحدث ده مع أحداث الرواية في القرن الرابع عشر الميلادي تقريبا، مع صراع السلطان بيازيد الصاعقة مع تيمور لنك.

وندخل مباشرة على وحوش وسحر وشياطين وملعونين ونبوءة وزومبي وناس عندها قدرات عجيبة وأربع أحجار لو اتجمعت هتحصل كارثة تجيب نهاية العالم.

ومش بس كده عندنا مسلمين وعرب وقشتاليين وأتراك وروم وچيرمان وصينيين وساموراي ومماليك.

عايز تاني؟؟

خد عنك عندنا قصص حب وصداقة وتضحية وخيانة وصراع سياسي وصراع على السلطة وحقد وغيرة وكمان رعب وتشويق وإثارة.

أنت متخيل يا ماو!!

متخيل رواية يكون فيها كل ده!!

بصراحة أنا مش عارف ليه الكاتب كان بيصعبها على نفسه كده وفي أول عمل له كمان.

ونيجي هنا للكلام عن الحدوتة أو الحكاية أو خليني أقول الملحمة اللي قدمها الكاتب في صور مشاهد سينمائية سريعة في كل مشهد نتعرف على أشخاص في مكان معين وحدث ما بيتعرضوا ليه وبعدين نروح لمشهد تاني مع ناس تانية واحداث تانية خالص، ومن مشهد لمشهد نبدأ ندخل في تفاصيل العالم ده ونستكشفه ونمر بأحداث كتير جدا عشان في النهاية نقدر نوصل للمعركة الحاسمة في النهاية.

اللي ساعد هنا على استمرار القراءة هي لغة الكاتب العربية الفصحى البسيطة والمتينة والمشاهد المرسومة ببراعة فنان بيرسم لوحة أو مشهد سهل انك تتخيله.

طبعا كان في بعض المشاهد غير منطقية شوية أو خليني أقول مبالغ فيها لكنها كانت مقبولة.

ومن هنا تعالوا نتكلم عن الشخصيات في الرواية واللي كان معظمها مرسوم حلو واللي ساعد الكاتب هنا على رسم الشخصيات كان أن كلها أحادية اللون يعني يا إما طيب أو شرير مفيش كاروهات أو رمادي في الموضوع.

ومن هنا تعالو بقى نتكلم عن السلبيات ونبدأ مع الشخصيات اللي كانت كتيييييرة أوي أوي ناس في الشرق وناس في الغرب وناس تظهر وناس تموت بسرعة ومتلحقش حتى تتعاطف معاهم أو تعرف ابعاد شخصيتهم.

والسلبية التانية هنا هي إن العمل ناقص أو خلوني اقول للدقة إن الطبعة الجديدة من الرواية تم اختزالها كتير جدا وحذف مشاهد وفصول كاملة منها ودي حاجة واضحة أوي، ومن وجهة نظري أن الرواية الأصلية كانت أكثر فخامة وجمال واتزان ووضوح.

وشعوري الشخصي هنا أن الكاتب اضطر يختصر ويحذف ما لا يقل عن نصف الرواية وفي رأيي الشخصي أن ده كان قرار مش سليم الرواية دي كانت تصلح بشدة لأن تكون ثلاثية روائية.

النهاية كانت ملحمية تفكرك بنهاية مسلسل صراع العروش.

والخلاصة رواية طريق الحرير رواية حلوة بنصح بيها لكل قارئ بيحب الفانتازيا.

#أحمدمجدي

تقييمي ⭐⭐⭐ ونصف

بسبب الكام بلوت تويست اللي عجبتني في الآخر.👌

رواية في رأيي فانتازيا خالصة أقرب لكونها فانتازيا تاريخية.

تحكي عن سقوط أشهر الممالك مثل القسطنطينية وغرناطة آخر مدن الأندلس والقاهرة وسمرقند.. سقوط ممالك عظيمة تحت وطأة الشر أو الظلام أو طمع ملوك وحكام البشر في حلم الخلود والسلطة ..

تحكي عن نبوءة (المخلِّص) الفارس المغوار ذو الدماء النقية المتوقف عليه نجاة البشر والبشرية واسترداد الممالك المهزومة.. وعن مشعوذ يأتمر بأمر الشيطان او ابنه مع قدرات السحر الأسود ومخلوقات أسطورية عجيبة تساعده على نشر الخراب والدمار الذي يأمره به سيده.

رحلة يخوضها هاشم الأول الأمير الأندلسي وأخيه أحمد وصديقه (في ظل ظروف عجيبة) بيتو القشتالي والثلاثة تتقاطع طرقهم مع ساحرة (فعلا وقولا وشكلا 😅) تسمى إلكترا.. لينطلقوا في رحلة لتحقيق أقدارهم يحاربون فيها كائنات عجيبة وبشر أعجب ويحلمون جميعهم بحلم العودة كلُّ إلى وطنه وبلاده.. يتكاتفون معا إلى النهاية فتنشأ بينهم صداقة قوية تحيلهم إلى عائلة تُشبع في كل منهم جزء من حنينُه إلى عائلته الأصلية..

في جانب آخر من الرواية يوجد قبائل النوڤا حُماة النور.. ونيها الفتى الصيني والقائد روبن البيزنطي الذي يصبح آخر ملوك القسطنطينية وآخر من يحمي أحجار العناصر الأربعة..

ماهي العناصر الأربعة؟

وما شأن الفتى الصيني في الموضوع ؟

وكيف التقى الفتى الصيني بروبن البيزنطي ؟

يجب أن تقرأ لتعرف 😅

ما أعجبني في الرواية..

- أولا قدرة الكاتب على تصوير المشاهد الحربية بدقة وبراعة ممزوجة بالفانتازيا والسحر كانت ممتعة جدا

- ثانيا ذكر ممالك مثل الأندلس وسمرقند أوقعني في حب هذة الاجزاء من الرواية

-ثالثا اللغة متماسكة وواضحة وسلسة تساعدك على الاندماج في القراءة

- رابعا الرواية فيها كل حاجة تقريبا.. أحداث تاريخية وأسماء شخصيات تاريخية وحروب ومؤامرات وتحالفات وخيانات وصداقة وخيانات كثيرة وسحر وأساطير ونبوءات فأعتقد أيا كان ما تبحث عنه في رواية فانتازيا ستجده هنا..

العيوب فى رأيي ليست كثيرة ولكن الرواية كانت هاتبقى رائعة بدونها..

- إحساسي ان الفانتازيا (تو ماتش) وان الكاتب بيحاول (يحشر) كمية من الكائنات الأسطورية والأحداث الغريبة لزيادة تشويق الرواية مما جعلها في رأيي مُفتعلة..

-التنقلات بين أحداث الرواية خصوصا في النصف الأول كانت مربكة بالنسبة لي خصوصا وإن كل فصل كان بأحداث مختلفة في أماكن مختلفة بشخصيات مختلفة ف كنت بعيد كثير من الأجزاء حتى أستوعب ما الذي يحدث ولماذا وأعيد ربط الأحداث ببعضها..

-ذكر كائنات أسطورية مش مشهورة كفاية مع عدم ذكر توضيح على الهامش لاسمها مثلا ومن أين جاءت (يعني في النص اسم مخلوق غريب وانا مش عارفة ده شخص ولا كائن ولا ساحر ولا ايه 🙄 الموضوع كان بيفصلني الصراحة).. ومع ذلك..

أسلوب الكاتب مُشجع لأني أقرأله تاني فهي أول قراءة وليست آخر قراءة له.

❞ «..لا تقلقي، فإن كتبت لي الحياة سأكون إلى جانبك، في القريب، سيلحق بنا جيش العشائر إلى هوتان، اجعلي من حبك لي نبراسًا يضيء ظلمة الليالي، فإن لم نلتقِ فاعلمي أني أحبك». ❝

‏الرواية جميلة جدا

ثالث تجربة مع قلم أستاذ إبراهيم بعد باري والبشرات