مجراش حاجة

نبذة عن الكتاب

قصة حياتك أو حلمك بيكون عبارة عن فيلم ومخرج الفيلم هو التحديات اللي أنت بتقابلها وأنت في طريقك لحلمك والمخرج اللي هو التحديات بيعرض عليك الأدوار وأنت عندك حرية الاختيار في قبولك للأدوار، وأنت اللي بتفرض شخصيتك على التحديات وبتحدد لها الدور اللي أنت هتقبله. يعني مثلًا في تحديات هتعرض عليك دور الكومبارس أو ممكن تديك دور البطولة وتحديات هتبقي عايزة تخلي دورك ثانوي وتحديات هتخليك صامت بس في كل مرة التحديات هتعرض عليك أدوار تعيشها لازم متقبلش غير إنك تكون بطل حياتك ومتقبلش بأي دور تاني وحتى لو التحديات عرضت عليك أدوار في حياة ناس حواليك لازم تكون البطل متقبلش بأقل من كده، لأنها لما بتعرض عليك التحديات وتلاقيك قبلت بدور غير دور البطولة ساعتها مش هيجري من حلمك حاجة وهيروح في خبر كان. وأنت في طريقك لحلمك دايمًا في تحديات وكل ما تقرب لحلمك كل ما التحديات بتزيد والصعوبات بتكون أقوى، سرعة القطر بتزيد وكل ما سرعته بتزيد كل ما التحديات والعواقب هتزيد مش بس عشان تقلل سرعته لا ده عشان يقف خالص، بس زي ما أكيد إن الصعوبات بتبقى أقوى كل ما تحقيق الحلم بيقرب أكيد كمان الصعوبات دي مش أقوي منك.