مراجعات رواية اعترافات جثة - الساديزم 2

أكيد مش صدفة ولا تصادف اني اخلص قراءة الجزء الثاني من ثنائية اعترافات جثة للكاتب المبدع المحترم محمد حياه ثاني يوم على طول بعد قراءة الجزء الأول.

وخلونا نبدأ من نهاية الرواية الأولى واللغز الأخير وتكتشف أن اللعبة لسه مستمرة ولسه في جثث تانية كتير في الطريق، ومعرفش لليه فكرت أن الثنائية الروائية متشابهة مع سلسلة أفلام الرعب SAW يمكن في الدموية أو السادية أو في الأفكار المتعلقة بالانتقام.

وممكن نبدأ المراجعة مع الانطباع الأخير وأول كلمة قلتها بعد ما عرفت الرأس المدبر.

يا فاجر يا جامد يابن اللاعيبة يا صايع.

عليا النعمة تستاهل جهنم.

لكن تعالوا نرجع شوية للبداية من عند الغلاف اللي كان في نفس جودة ورمزية العناصر من الغلاف بتاع الجزء الأول.

وهوب تعالوا ندخل على طول على السحلة مع بث مباشر جديد يعلن عن عودة السادي الحقير وأعلانه عن جريمة جديدة لكن مفيش متهمين عشان يبدأ هنا الرائد محمود من جديد البحث والتفتيش والتحليل وفك الرموز والشفرات للوصول للجاني الحقيقي وشركاؤه.

بيدخل معانا في التحقيق شخصيات جديدة وده طبعا طبيعي مع كل اللي فارقونا في الجزء الأول لكن الشخصيات كانت كتيرة نسبيا لدرجة اللخبطة في بعض الأحيان.

السرد والوصف كان بالعربية الفصحى البسيطة السهلة والقريبة من جميع القراء.

الحوار كان بالعامية المصرية وكان كتير شوية.

حبيت الإئتلاف العصابي أو عصابة الساديزم يمكن بس كان في صدف كتير في الموضوع محبتهاش لكنها في النهاية مقبولة في لزوم الحبكة.

حافظ الكاتب على الألغاز والأحجيات في الجزء الثاني وكانت النهاية حلوة جدا وفيها بلوت تويست جبار.

يمكن بس حسيت في النهاية ببعض النصح المباشر والتوجيه والإرشاد الإجتماعي.

في النهاية حابب طبعا ارشح الثنائية الروائية لكل محبين أدب الجريمة.

#أحمدمجدي

كتاب شيق ممكن تحويله لسلسلة أفلام

لم اقرأ الجزء الأول لكنني فضلت قراءة الجزء الثاني وربما اعود لقراءة الأول...