مراجعات رواية كأنني لم أكن

كأنني لم أكن...رواية للكاتب والشاعر السوري هوشنك أوسي وهي تعتبر الرواية الرابعة للكاتب كما صدر له أيضاً تسع دواوين شعرية باللغتين العربية والكردية..

الكتاب ممكن نقسمه لجزئين...جزء يعتبر تاريخي وفيه توثيق للكثير من الاحداث الكردية و الجزء التاني هو جزء يميل الي حد ما إلي الصوفية و دة اللي فيه بيتكلم بطل الرواية مع طبيبه النفسي عن الغربة،الوطن،الحب و حاجات كتير...

كان في شوية تكرار في الكتاب بجانب إن اللغة جاءت جافة وتقريرية في بعض الأجزاء و لكن في أجزاء كانت فعلاً مكتوبة حلو وفيها جمل عميقة كتير وقفت عندها..

الصراحة الكتاب غريب و مقدرتش أحس إني بقرأ رواية...يعني حسيت الكاتب عنده حاجات معينة و أحداث تاريخية محتاج يتكلم عنها و حاول يعمل دة بإقحام شخصيات روائية و حبكات ملهاش طعم مما أدي في النهاية إلي رواية مفككة علي الرغم من أهمية محتواها في بعض الأجزاء...

الكتاب مش سئ و يستحق القراءة و لكن بالتأكيد كان ممكن يكون أحلي من كدة بمراحل....

التقييم ٢.٥