الخيوط السوداء

رواية بديعة لا مجال فيها للحظة ملل برغم أنها مصنفة كرواية اجتماعية ونفسية.

شخصيات مرسومة بشكل بديع تبدو لأول وهلة سوية ولكن حينما تجتمع معا تظهر الخيوط السوداء فتتغير المعادلة.

فبين قصة حب خيالية وأحداث الحياة الواقعية تدور الرواية بأحداث ممتعة ونهاية غير متوقعة..

رواية اجتماعية فيها أبعاد انسانية و نفسية

قد ايه ممكن خوفنا يخلينا نخسر كتير ، قد ايه ممكن نفكر كتير و كتر التفكير يضيع علينا الحاضر ب تفاصيله الحلوة و الوحشة

حبيت الفكرة قوي و استفدت منها قوي على اختلاف المواقف وده بيفرق معايا قوي

الرواية اللي تخليني أفكر أو أعيد التفكير في حاجات باعملها دي بتخليني أحبها أكتر ❤️

مفيش تطويل على الرغم من حجم الرواية الكبير نسبيا لكن مفهاش ملل خالص

آخر جزء بس كان نفسي الأحداث تبقى أبطأ نسبيا

النهاية منطقية و مرضية بالنسبة لي جدا جدا

الرواية بالفصحى و الحوار بالعامية و ده موجود في روايات كتير مضايقنيش

بس فيه كام موضع حسيت فيه كلمات فصحى وسط الحوار العامي بس ده كان قليل قوي قوي

في اوقات بيكون الواحد مش قادر يقرأ اي كتاب او رواية

اعتقد ان الرواية دي حل لطيف ان الواحد يقراها علشان تفتح نفسه تاني للقراءة

الرواية جميلة فيها اجواء رومانسية وصراع بين الحلم والرغبة في تحقيقه والقيود التي تحيط بالإنسان ويجب عليه تحطيمها

اخر حاجة الرواية دي سناك خفيف بس في نفس الوقت سناك صحي ياخدك في أجواء تانية

ممتازة

كل شخصية خدت حقها الا شخصية حسين طليق عبير معرفتش ازاي اتجوزو وليه طلاقها والست سنوات اللي عيشتهم معه كان شكلهم ايه علشان يسيبو البصمة السودا اللي في حياتها دي

بس برغم كده استمتعت جداااااا بالعمل

الكتاب السابع : الخيوط السوداء

الكاتب :ايهاب راتب

اصدار : ابهار للنشر والتوزيع

عدد الصفحات ٣٢٦

التقيم ٣/٥ ⭐️⭐️⭐️

تحكى الرواية عن "عبير" امرأة مُطلقة ولها ولد وبنت ، عبير محبوبة من كل الناس ولكنها عاشت تجربة زواج سيئة افقدتها الامان فقررت ان تُكرس حياتها لعملها وابناءها فقط ولكن يظهر "أشرف متولي" شاب غني وناجح من عائلة كبيرة ولها مركزها قرر الارتباط ب عبير الاكبر منه سباً واقل منه اجتماعياً فهل ستنجح تلك العلاقة ؟؟ ام هي مسألة محتومة ونهايتها فشل زريع ؟؟

-في البداية عبير كانت رافضة فكرة الجواز وكانت تري ان علاقتها ب أشرف محكوم عليها بالفشل لاسباب كثيرة ولكن بعد ان حل لها اشرف جميع مشاكلها ؟.. نجح يجعلها تري فيه الخلاص والامان والمُستقبل المُشرق لها ولأولادها … فكيف يتقبل الاهل تلك الفكرة لدي الطرفين ؟؟؟

-في نظري عبير كانت استغلالية بعض الشئ ، وايضاً أشرف خطأ لانه كان يبحث عن السعادة والرومانسية اللانهائية وانه يكتشف العالم ومغامرات مع امرأة لديها طفلين من المؤكد انهم يحتلون رقم ١ في حياتها وفي شخصية عبير فكان عملها ودراستها رقم ٢ وأشرف كان الأخير ..

-الرواية اجتماعية نفسية وتناولت مواضيع مهمة جداً ؛ ولكن فيها خيوط مش واضحة مثلاً عبير وزوجها السابق فقط كل ما ذُكر عنهم انه كان يضربها وان اهلها كانوا يقولون لها ( متخربيش البيت ) ولكن كنت منتظرة اشوف مشهد فلاش باك نعرف ازاي وصلوا للطلاق اين القشة التي قصمت ظهر البعير ؟

وايضاً أشرف لم نعرف عنه سوي ان اباه مُتحكم ومُسيطر وانه فاقد للامان والحب والشخصية .. اين اخوته اين اسرته اين اصدقاءه اين واين واين ؟؟

-ولكن الرواية تناولت مواضيع كثيرة مهمة العنف ضد المرأة وتحكم الوالدين و حياة امرأة مُطلفة مطحونة في الحياة مثل الكثير حولنا مواضيع كثيرة ومهمة .

_الرواية برغم انها كبيرة ولكنها خلصت معايا علي جلستين بظبط اسلوب الكاتب حلو جداً واللغة كانت سلسة السرد فصحي والحوار عامية ايضاً سرعة الاحداث كانت مناسبة جداً في نظري رواية حلوة وفكرتها قوية ولكن هناك تفاصيل غير مُكتملةولكنها كانت قراءة ممتعة ✨ .

- في العادي مش بعلق علي الأغلفة عشان بحس ان حتي لو الغلاف وحش والعمل رائع ف دا مش هيأثر في حاجة.. ولكن المرة دي حابة اعبر عن اعجابي الشديد بالغلاف والالوان عجبني جداً ♥️

اقتباسات 🖊️🖊️

- في قلب كل أمرأة مكان خاص مغلق يرنو للحب ، للحنان ، لشعورها انها مرغوبة حتى وان ادعا واقسمت ان قلبها مغلق وان لا مكان فى حياتها للحب .

- علشان تكونى مبسوطة يجب أن تقطعى الخيوط السوداء التى بينك وبين الماضى التى تشدك للوراء ، كل اللى حصل وبيحصل دى بإرادة ربنا وهى خير ، استمتعى برزق ربنا ولاتخفى من بكرة ، لأننا فى الاخر بنقف بين يد الله.

‎#فنجان_قهوة_وكتاب

‎#مسابقة_تحدي_ابهار_وفنجان_قهوة

رواية جميلة اوي..

السرد حلو وسلس وتخلص ف قعدة.