اسم الديوان : ليالينا
الشاعر : Mohamed Emad
دار النشر : إبهار
سنة النشر : ٢٠٢٢
عدد الصفحات : ٣٨
نوع القراءة : أبجد
وظيفة الشاعر إنه يسرد حكاوي، يلقي قصائد، يقول كل إللي جواك بخفة يد، وده إللي أنا حسيته في كل قصيدة في ديوان "ليالينا"، كإن الشاعر محمد عماد كان قاعد معايا في كل موقف وكتب قصايده على أساس المواقف دي..
الديوان مميز جداً وبرغم قلة صفحاته لكن جوه قصائده حيوات كتيرة ومواقف كتيرة، في إللي مر بيها وفي إللي لسه ممرش بيها لكنه هيمر بيها، زي الحب والفراق والهجر والخذلان والعيلة واللمة، والتفاصيل الموجودة بين أي اتنين عشاق، والتفاصيل الموجودة بعد الفراق، ديوان ليالينا صادق جداً وأنا شخصياً برشحه لأي قارئ بيفضل الشعر بالعامية.
تقييم الديوان : ٥/٥
تقييم الغلاف : ٥/٥، الغلاف عجبني جداً، مليان تفاصيل وإبداع زي اللوحة المرسومة إللي بتسعد العين والقلب.
