ظل خافت ظل باهت ظل معتم
تحميل الكتاب
هذيان
نبذة عن الرواية
طفولة الإنسان وحياته الأسرية، تشكلان الجزء الراسخ بكيانه، يشب ويشيخ وذكراهما محفورة داخله، إما كالندى يطيب جفاء الواقع، وإما كحجر الصخر الحاد يضغط ويؤلم مع كل نفس، وقد تتحول تلك الذكرى لقسوتها لشبح يطارد صاحبه أينما حل، يراه فى كل من حوله، فيتحول حاضره إلى شيء لا يصدق، يحاول الفرار منه ومن الماضى على ضعف وشعور بالهزيمة والخذلان، فيختلط عليه الأمر فلا يستطيع إدراك الواقع من الخيال، ويصبح فريسة هشة للوهم وسيطرة الآخر، وللنجاة من ذلك الفخ يجب البحث عن طوق نجاة والتمسك به إلى آخر نفسعن الطبعة
- نشر سنة 2020
- 184 صفحة
- [ردمك 13] 9789778461589
- دار بتانة للنشر والتوزيع
تحميل وقراءة الرواية على تطبيق أبجد
تحميل الكتابمراجعات
كن أول من يراجع الكتاب
-
Khaled Samy
رواية هذيان
الكاتبة هبه الحسينى
دار نشر بتانة
رواية إنسانية نفسية إجتماعية ويبدو إن هبه الحسينى عايزة تتخصص في المجال دا
الرواية بتناقش فكرة الضعف عند الإنسان والاحساس الدائم بيه والخوف منه والمحاولة للهروب من الضعف دا و البحث عن السند من خلال شخصيات مختلفة من جانب البنت الضعيفة والرجل المريض رغم كونه طبيب وطبعا المرضى.
الرواية كمان ناقشت ازاى بندارى الضعف دا بلصق التهمة بالجن وناقشت الدجل والعلاج بالقرآن بصورة ما قريتهاش قبل كدا الحقيقة
الوصف عامة عند هبه هايل بتعيشك جوا الرواية لحظة بلحظة وتشوفها بعينك لدرجة إن وصفها لنوبة الصرع خلانى قشعرت بصراحة شوفته قدامى وصعب عليا وكمان وصف جلسة الزار كان جميل جدا
الشخصيات مرسومة بدقة ومافيش حد مالوش لزمة كله على قد دوره حبيتهم وكرهتهم بداية ولكن بشكل شخصي علق معايا شخصية الطبيب المريض بالصرع وأدهم الزوج الكبير وتناقض شخصيته.
رحاب البطلة حكاية هاتصعب عليك لو حسيت بألمها وتقول أنا لو مكانها ما كنتش أتحمل وبسرعة هبه تجيب نهاية روحانية جميلة كأنها بتقدملك حل جميل ومثالى للضعف والألم
السرد فصحى سلسة ومافيش ملل ولا لحظة والحوار عامية مناسب للشخصيات وبيساعدك تندمج أكتر
هبه الحسينى عن تجربة روايتين تجيد توصيل المشاعر بالوصف والحوار بدرجة تخليك تبكى مع الشخصية وتحس بالحب وحتى اللحظات الحميمية بين الشخصيات
الرواية حزينة لكن واقعية وجمالها فى كل سطر ويتضاعف الجمال في النهاية خصوصا إن فى رسالة كلنا محتاجين توصلنا
الرواية دى بدون مبالغة جميلة فعلا
سلبيات الرواية ممكن في المعلومات الكتير اللى اتقدمت بشكل مباشر احيانا لكن باعتبار دا العمل الأول للكاتبة فدى ملاحظة بسيطة
التقييم العام ٥ نجوم وتستحق القراءة
-
Tota Mido
الاسم : هذيان
النوع: رواية
الكاتب: هبه الحسيني
دار نشر: مؤسسة بتانة
عدد الصفحات::١٨٢
الرواية إنسانية اجتماعية رقيقة جدا وهادية
لغة السرد فصحى والحوار عامية مناسبة
بناء الشخصيات كان جيد جدا ومافيش زيادات
الوصف ممتاز ومش سايب حاجة
الرواية عبارة عن مذكرات بنت أو رسالتها للطبيب بتاعها وبتحكي ذكرياته المؤلمة جدا
علاقتها بأبوها وبظلاله اللى قابلتهم بعده
الرواية حزينة جدا ومؤثرة قوى وتطور أحداثها مترابط وفيها حبكة في النص والأخر والنهاية عجبتني جدا
الرواية فيها معلومات ممتازة وجديدة عن الصرع والهذيان وعجبني جدا وصف حالة الصرع والتوبة الشديدة ووصف الزار وطقوسه وازاى المتعلم ولو كان طبيب فهو بيفضل مريض بيدور على اى مسكن لألمه ولو بالوهم والخرافة
عجبنى اختيار اسماء الفواصل لكل جزء والملاحظة اللى عليها وعجبتني المقدمة جدا
حسيت قوى بعلاقة البنت بربنا وكلامها وتأثرت بيه
تقيم ٥/٥
