بر الضيف : القسم - الجزء الأول

طيب بسم الله الرحمن الرحيم بر الضيف تعتبر قصة مجزأه بمعني انها حكاية واحدة متجزأه علي ثالت كتب لو مش معاك كل الأجزاء متبتدتيش تقرا لأن هيجيلك جلطة بالذات ان كل كتاب بيقفل في حتت صعبة جدأ وقد اعذر من انذر.. يلا بينا...

بر الضيف بيتتكلم عن قرية بتحمل نفس الأسم مجهولة، معزولة لا يسمح للغرباء زيارتها ولا يسمح لأي شخص بدخولها والتجول فيها بعد ما الدنيا تضلم أحداث الرواية بتبتدي لما تبتدي سمعة المدينة تخرج برها وتتسرب عندنا من خلال حدث ما..

طيب انا ايه الي عجبني في الرواية:

أولا: السرد والبيلد اب: الطريقة الي الكتاب مركب بيها الأحداث بتفكرني بالبازل الاول تبقي تايه ومش فاهم هو مين ايه فين وليه وبعدين حته حتة تبتدي الاحداث تقوم، الشحصيات تترابط وتشوف هيكل وقصة بتقوم قدامك من عامود صلب بيتركب لحد ما في الأخر تبقي قاعد قدام بازل مهيبة شيك، مع أعجابي بمراعاة الكاتب لتفاصيل بيرميها كده من اول الرواية عشان يشرحه لك في اخر 15 صفحة في الرواية عشان تهز دماغك في تفهم تام وتقول يا ابن اللعيبة انا كده فهمت ولذلك شابو..

ثانياً: الوصف: اسمحولي هنا اتقمص شخصية يوسف بك وهبي واقول "يا للهول" وصف الكاتب للهلع بتاع المخاليق والرعب الي بتحكيه الأحداث كان حاجة فوق الشناعة لدرجة الي خلت واحدة خيالها نشط زي حالاتي لما قريت الرواية قبل ما انام معرفتش انام في الظلام الكالح المعتاد بتاعي.. مش بس وصف شكلهم لكن حركتهم، صوتهم، ملامحهم.. انا كرهت جملة "العب معايا" الحقيقة لأني سماعها بالصوت بتاع الشخصية حاجة اخر حلاوة بالنسبة لحد زي حالاتي بيحب يقطع لنفسه الخلف في تلذذ ولذلك عجبني الوصف..

نيجي عند التقيل بقي الرعب الموصوف الكاتب بيقدم اكتر رعب بيجبلي انا شخصياً هلع رعب النفس البشرية، رعب نفوسنا وضعفها ووسوستها.. رعب بتاع المواقف الي من عينه يا رب ما تحطني في موقف يختبرني الي بيخليك تنزل من علي كرسي الحكم العالي بتاع الأخلاق الي بنحكم بيه علي حد غلط من بمدأ انا عمري ما هعمل كده..

انا كسارة اتكيفيت وكلت الثلاثية في يومين بالتمام والكمال وبناءأ عليه #سو_ريفيو لثلاثية بر الضيف 4 من 5 وده فقط لبطء الجزء الأولاني من اول كتاب فقط او مط بعض الأحداث فيه ليس الا، لكنه مش البطئ الي خلاني عايزة ابطل اقرا ولكنه بطئ خلاني اقرا اسرع

شابو يحيي صفوت لقد انضمت الي صفوفك قارئة جديدة، تيجي "تلعب معايا" :)

مرحباً بكم في عالم يحيى صفوت. ستدمنون كتاباته

🏡 بر الضيف

رواية للكاتب : يحيي صفوت 

عدد الصفحات : ٣٥٧ صفحة

دار النشر : دار العين للنشر و التوزيع

تصنيف الرواية : رواية اجتماعية /غموض / تشويق

تقييم الرواية : ⭐⭐⭐⭐

👀 اللي شفناه ده ضيف 

ضيف جه زار ارض القطان من سبعة و عشرين سنة و ممشيش من ساعتها 

👀 لا توجد بلد أو قرية في القطر المصري اغرب من تلك التي تقع على أطراف محافظة الجيزة

لا تجهد نفسك في محاولة الوصول إلى معلومات عنها فهي بلدة خارج السجلات الحكومية.. خارج كل النواميس و المعارف

بر الضيف قرية اتفق الجميع علي نسيانها حتى اهلها

🏡 نبذة عن الرواية :

تبدأ أحداث الرواية بنزول ٣اشخاص لهذة القرية كتجار و حاولوا خرق قوانينها فاضطروا إلى الهرب  للقاهرة ثم تم القبض عليهم و منذ أن وطأت قدمهما إلى القسم   حل الرعب علي الجميع 

فما سر هؤلاء الأشخاص 

و ما السر وراء رفض أهل هذه القرية عن ابداء اي معلومات عنها 

🏡 السرد والأحداث :

الاحداث سريعة جدا و مشوقة استطاع الكاتب أن يجعل القارئ في ترقب و فضول من اول صفحة صفحة في الرواية حتى نهايتها 

السرد كان بأسلوب سلس ومشوق مع الإحساس بالقليل من الرعب من بعض الأحداث

🏡 اللغة : 

استخدم الكاتب اللغة العربية الفصحى في السرد و اللهجة المصرية العامية في الحوارات

🏡 رائي الشخصي :

رواية رائعة جدا و ممتعة و مشوقة على الرغم من كبر حجمها إلا ان الكاتب استطاع باسلوبه أن يجعلني انهيها في وقت قصير جدا من شدة التشويق

النهاية لم تشبع فضولي فلابد من قراءة الجزء الثاني لمعرفة باقي الأحداث و كشف جميع الاسرار وحلها

اتمني للكاتب التوفيق و النجاح دائما

كانت اول تجربة ليا مع الكاتب يحيي صفوت و لن تكون الاخيرة

بر الضيف عبارة عن ثلاثية مرتبطة الأحداث

الجزء الاول : القسم

الجزء الثاني : العودة 

الجزء الثالث : الميراث

🏡اقتباسات من الرواية :

🌳 فهو يرى كل إنسان له اصول و لا يرى ما يميزه عن احد الا أفعاله و مكتسباته الشخصية

🌳 اللي ربك يكتبه هو الأصلح الرزق لما بيجي او بيقطع في الاخر اختبار

🌳 كل حاجه بتبقي احلي في عين الناس اللي في الناحية التانية كل بر بيحسد البر التاني

🌳الكذاب بيقع عندما تزيد التفاصيل

اسلوب الكتابة عامية رديئة

الكاتب متأثر بروايات مصرية للجيب واسلوب الكتابة الطفولي

لا افهم كيف يكون شخص مثل بطل الرواية في مثل هذه المواقف ويؤخذ الامور بلا مبالاة ولا يهتم وكيف يكون ضابط الشرطة بمثل هذه الشخصية الهشة

رسم المؤلف لشخصيات القصة يؤكد انه لا يعرف كيف يحدد ابعاد الشخصية ولا طريقة تفكيرها ومع طريقة الكتابة التي تشد الانتباه وتجعلك لا تريد ان تترك الكتاب حتي تنتهي من القصة فسوف تجد نفسك في كل صفحة من الكتاب تتأفف من المواقف اللا منطقية من شخصيات القصة

أخيراً وجدت رواية غموض ورعب راقية وذات فكرة مصرية من غير تقليد

تم

تم