اقتباسات من كتاب الضريبة 40%

‫‏«مش مكسوف»‏

‫ طلعت ب خوف

‫ نزلت ب خوف

‫ وشفت الكره

‫ كرهت الشوف

‫ أنا المتغطي بسؤالي

‫ بقيت عريان على المكشوف

‫ ضربت الضحكة ف العالي

‫ ضربني بكايا ف الغضروف

‫ رسمت الوهم سريالي

‫ رسمني الوهم جوا كهوف

‫ ولسا غنايا أطفالي

‫ وباخد منك المصروف

‫ ولسا طموحي مش عالي

‫ ومش خارج عن المألوف

‫ ولسا الشارع الضلمة

‫ مبينورش لاجل ضيوف

‫ ولسا وطنّا مش رحمة

‫ غلابا مسعورين فـ صفوف

‫ ولسا بحارب الأزمة

‫ وأعيّطلك.. ومش مكسوف

«النهاية»‏

‫ بكيت بحُرْقَة كأني مشيت كل الطريق..

‫ وحد غيري وَصَل

❞ وانتا مجتهدتش ف أي شيء

⁠‫حتى الكتابة ❝

❞ أوقات يكون الأذى

⁠‫مش مسئولية حد ❝

❞ أنا ع الأقل مشيت وقلبي لسا بتاعي

⁠‫من حقي مرة أخيره إني أحضنك

⁠‫لكن

⁠‫من امتا باخد حقي بدراعي ❝

❞ صدق النظر أقسى كتير م العما

⁠‫انتا الحقيقة اللي كنا رافضين نشوفها

⁠‫بس الحقايق كلها ملزمة ❝

التمبو ولا اللي انتا حاسه يا صاح

‫ الهد ولا محاولة الإصلاح؟

‫ راح اللي راح ولا اللي راح راجع؟

‫ سامع صريخي ولا مش سامع؟

‫ بتبكي ولا عينيك متسمرة؟

‫ بتقيس ب قلبك ولا بالمسطرة؟

‏ رأيك دا رأيك ولا رأي الخوف

‫ جاي في معادك ولا فيها ظروف؟

‫ تكتم أنينك ولا تتكلم؟

‫ نرجع نحارب ولا نستسلم؟

‫ أنط ولا أنزل على السلم؟/ أموت بسرعة ولا أموت بالبطيء؟

‫ رد بأمانة أنا فاتح التحقيق

بكيت بحُرْقَة كأني مشيت كل الطريق..

‫ وحد غيري وَصَل

وأنا كل ما أقول التوبة

‫ يكعبلني الحنين

‫ بس أنا كان لازم أوضح

‫ إن أنا شاعر.. وكمين

سلمت على كل اللي مش جاي عشانهم

‫ وقعدت ساكت جنب اللي أقصده

‫ بدل ما أرحب بيه

‫ كانت عينيا الظالمة بتطرده

‫ بصيت ل فوق في خيالي المجرم

‫ «هذا الشعور مؤلم لمن يفقده»

ممكن أكون جرح غاير

‫ مولود من طعنة خاينة

‫ ممكن أكون خدش عابر

‫ ميبانش ويا المعاينة

رجعتلك بصبر السفينة التايهة

‫ ويأس الموهبة الشابة

‫ ودموع الأناني

‫ بخيلة الكتابة

ليه مصمم تقفل الابواب

‫ ليه أسيبلك بابي متوارب

متجليش خلصان وبتنازع

كل حرب داخلها خسرانه

‫ بس برضه عنيد وبتحارب

احضنيني

⁠‫حتى لو اتفقنا خلاص إني ضيعت فرصتي الأخيرة

عملت صح.. وانتا مش قده

⁠‫عملت غلط.. وانتا مش قده

⁠‫اقف بقى واتفرج

⁠‫على كل البلاد اللي بنيتها بيتهدوا

⁠‫وابقى اتصل.. وهما مش هيردوا

الكدب نشال محترف

‫ خفة وسراعة ودقة يا حبذا

‫ دخلت غصب عنك الأتوبيس

‫ وسرحت حبة راحت المحفظة

‫ افهم لأنك مش ضحية شيء

‫ الحب فعله الحب

‫ انتا الأذى

بس برضه صدقيني

‫ في النهاية

‫ البعد.. أقرب مسافة ممكنة

سبحانه من خلّى القلوب أسوأ من التخمين ‫ سبحانه من بدِّل حاجات راسخة بحاجات تانيين ‫ سبحانه من خلّى انهيار كل المعاني الصلبة في دقيقتين ‫ سبحانه من خلّى الألف الفرق بين كلمة حنان وحنين ‫