على ضفاف نهر التسعين

#سفريات2024

#على_ضفاف_نهر_التسعين

رواية متنوعة الطرح، بتحكي ف الأساس عن قصة حب عظيمة بين "سليم" و "سلوى"، اللي فجأة بتنتهي بطلاق مفاجئ وغريب حتى ف نهايته، مع صدمة الكل بيحكي لنا سليم حكايته

سليم اللي وك نوع من أنواع الهروب لجأ لعمل صفحة"فيس بوك" واللي انتشرت بشكل كبير ونجاحها دة أغراه إنه يعمل سلسلة فيديوهات عن الإلحاد، كان بيعاني طول الوقت من قلبه المكسور وحبه اللي فجأة مبقاش معاه

على مدار الرواية بنشوف حكاية "مساعدات سليم" ف الصفحة، اللي من خلالها الكاتب ناقش قضايا إجتماعية منها الشائك للغاية زي "تغيير الدين" ومدى تقبل الأسرة ليه، أبرز القوانين الحاكمة والتشريعات كمان، ناقش كمان "العنوسة" من منظور جديد، الزواج من مطلقة لمجرد العفة ونتيجة دة خاصة لما يحصل حمل على غير إرادة الزوج

الرواية دسمة، على كثرة القضايا اللي ناقشتها الكاتب قدر ببراعة إنه يحافظ على تركيزي الكامل وعنصر التشويق على مدار الرواية، محسيتش بالملل رغم تطرقه لمعلومات كتيرة بحكم القاضايا اللي بيناقشها، السرد كان ممتع والحوار جميل والمعلومات الكتيرة كانت ف مكانها صح قوي، النهاية منطقية للغاية

ف المجمل، رواية قوية...تستحق الإنتشار جداً

#قراءات_حرة

#قراءات_يناير

#الكتاب_رقم4

4/1

رواية إجتماعية بنكهة إنسانية ، سياسية ، رومانسية.

بتبدأ بقصة حب د .سليم اللي انتهت بانفصاله عن زوجته و قد إيه الموضوع كان مفاجىء للجميع و بتاخدنا الرواية بأحداثها ما بين الماضي اللي هنعرف من خلاله سبب الانفصال و الحاضر اللي هنتعرف فيه على صفحة حنين بلا سلوى و اللي بدأها سليم كفكرة تشغله عن التفكير في زوجته السابقة ، ثم تحولت لأساس حياته بحكاياتها و حكايات الأربع بنات اللي بيساعدوه في الإشراف عليها بعد ما كبرت و اشتهرت جدا ... و من هنا هتتنوع خطوط الرواية ، و هتناقش أكثر من موضوع بأبعاد و طرح جرىء مختلف .

تنوعت قصص الأبطال و إن اختلفت في قوتها ، و اعتمدت في معظمها على حكي أصحابها ، اختار الكاتب اللغة الفصحى للعمل و اكتسبت الطابع الشاعري أكثر فيما يخص قصة حبه لزوجته ، و رغم أنها كانت القصة الأساسية و البداية لكل أحداث الرواية إلا اني حسيت فيها بزيادة التفاصيل ، و عدم منطقيتها في بعض الأحيان ، بشكل لم ألحظه في باقي الحكايات اللي كانت أكثر تركيزا و أقوى حبكة .

عمل مختلف بقصصه المتنوعة و موضوعاته الجريئة .

#قراءات_وترشيحات #كتب_في_كتب

#روايات_عربية #روايات_مترجمة

#قراءات_٢٠٢٤

#على_ضفاف_نهر_التسعين

واااو را