اقتباسات من كتاب GPS كيف تعيش سعيداً بعد الزواج

سعادتك الزوجية تبدأ مع تحقيق السعادة الداخلية.

‫ عمر الإهمال والتضحية الأوفر ما تجيب رضا اللي حواليكي.

التفاصيل الصغيرة ما هيَ إلا جزيئات بتكوِّن الصورة الكبيرة، وهي اللي بترسم وتحدد مكانتك في قلب اللي قدامك، الاهتمام مش بس كلام حلو ولا بس مواقف إيجابية، الاهتمام كلمات تؤكدها أفعال، الاهتمام هو إنك تجيد الحضور في قلب وعقل اللي

لازم تبقى عارف إن علاقة الزواج زي خزان المياه أو رصيد البنك، لازم طول الوقت تضخ فيه وتملاه للحد اللي يضمن لك السلام والأمان العاطفي، لكن دا رصيد مشترك بيحتاح إيداع مستمر من كلا الطرفين، وبذل متبادل في سبيل إنجاح العلاقة وحمايتها من أيةِ تقلبات أو هزات من أي نوع، خلي

على كل حال المقياس هو المجهود المبذول من البداية، والتفاهم المشترك لإنجاح المشروع دا، و بداية المشروع أو الحب دا هي حباية بيزرعوها اتنين في الأرض، وبرعايتهم ليها وتعبهم عليها بتكبر وتقوى مع الزمن، وكل ما الأيام بتمر الحب دا بيكبر ويزيد.

لازم كل زوجة وكل زوج يفهموا إن الجواز زي أي شركة فيها شراكة بين اتنين، وبتتعرض لأزمات وليها منافسين وبيحاوطها تهديدات، ولو مش ها نقدر ندرس السوق كويس، ونطور من روحنا، وناخد بالنا من التغيرات اللي بتحصل في حياتنا وحوالينا؛ يبقى كدا الشركة دي هاتضيع مننا أو هنفقد أسهمنا فيها نتيجة الجهل والإهمال والعناد.

كل واحد مسؤول عن التاني، وعن سعادته، وعن أحزانه، وعن مشاعره، ويكون أمين عليها، لازم يراعيها وياخد باله منها مش يسيبها تدبل بالإهمال والطناش والسلبية والانشغال، إحنا بنتجوز عشان نتبسط، وبنخلف عشان نتبسط، وبنشتغل عشان نتبسط، ولو حاجة من دول اتحولت لأولوية أهم من سعادتنا هتدمر باقي العناصر.

الجواز يعني أمان، يعني تضحية، يعني مساندة، يعني كلمة طيبة، يعني إخلاص، يعني صبر، يعني مشاركة، يعني إصرار على النجاح مع بعض، يعني حنية، يعني نفوِّت لبعض وما نقفش على الواحدة.

اللي بيفرق إنك تفهم إن الجواز هو مشروع للمشاركة بين طرفين رأس ماله المودة والرحمة والسكن والمسؤولية، اللي بيفرق مفهومك أصلًا عن الجواز؛ هل هو مشاركة وحب أم تسلط وسيطرة؟ اللي بيفرق هو مدى استعدادك لتفهم الطرف التاني وتقبل عيوبه قبل مميزاته، اللي بيفرق الإرادة الجادة لخلق حالة من الحوار البنَّاء بشكل يساعد كل طرف في فهمٍ أعمق لاحتياجات الطرف الآخر ومتطلباته وأحلامه، اللي بيفرق هو مدى استعدادك لتلبية احتياجات الطرف التاني طبقًا لتوقعاته ورغباته وليس تلبية لرغباتك إنت، اللي بيفرق هو إصرارك على نجاح هذا المشروع واعتبار ما قد يطفو على السطح من مشكلات جسورًا للبناء والتقارب وليس النفور