الرواية ممتعة والفكرة غريبة وتشد من اول صفحات الكتاب
يمكن في شوية حاجات معجبتنيش ( تحذييييييير بالحرررررق)
١- اللغه العامية في الحوار مزعجة جدا ..الواحد كان بيقرا السرد والوصف بالفصحي وبعدين يلاقى حوار زي أمرنى و ميؤمرش عليك ظالم أو متزعلش ياسطى.
٢- كثرة الصدف ..المفروض أن روايات التشويق دائما في تبرير لكل حدث.
٣- الرتم التصاعدي كان جميل بس حسيت أن الرتم اتكسر لما ايهاب دخل مستشفى العباسية..حسيت أن الكاتب مط شوية ف موضوع المستشفى و قضية تسنيم ..كان الجزء ده ممكن يتحذف ومش هيؤثر ع الرواية ..والحوار مع عالمة الفيزياء ممكن يلاقيله مكان تاني
٤-احداث الكاتب حسسني أنه وهو بيكتب مخدش باله.
اولا ازاي الشرطة راحت بسرعة وقبضت ع ايهاب رغم أن حادث الخطف والقتل عفوي بالصدفة ..ده خرج من البيت وسط المقابر لقاهم حرفيا في وشه. لحد اخر صفحة ف الرواية وانا بقول اكيد الضابط علي هيقول لايهاب تفسير ازاي قبض عليه ف المقابر.محصلش
ثانيا حديث د.عماد وايهاب اول مرة اتقابلوا .. الكاتب نسي أن كان معاهم فرد امن شايل بندقية التخدير ...مستغربش من الحوار اللي حصل.
ثالثا الست اللي المفروض عالمة الفيزياء ازاي هي محجوزة مجنونة ..يعني اشرحلنا ..دي اعقل من بيل جيتس يا عم.
عموما انصح بقراءتها ممتعة ..وهاحاول اقرا للكاتب أعماله التانية واتمنى له التوفيق دائما
