الخاضعة

لماذا يأتون بالأطفال 👩🏼‍🍼إذا كانوا لا يبالون أصلا بوجودهم ❓

🥺🥺

حقيقى هو مش واجب ولا فرض

نفسى يعملوا تقييم للأهالي قبل ما يجيبوا اطفال هما يصلحوا اصلا للمسؤولية ‼️

انت 👈🏻يا أستاذ يا محترم تنفع تبقى أب 💁🏻‍♂️، ولا نفسى نفسى انا مهمتى اجيب فلوس ومتقرفونيش

موظف 👨🏻‍💻صباحا ☀️

و قاعد على القهوة ☕️مساءا 🌙

وانتوا عايزنى فى ايه 🤷🏼‍♂️

لا تعالالى هنا 🤔

عايزين حضرتك تشارك اسرتك فى تربية اولادكم

تقعد معاهم تكلمهم وتحكى معاهم ، تحتويهم وتحسسهم بالأمان ، وتقولهم أنا سندكم وفى ضهركم ، محدش يقدر يجى جنبكم

وزى ما قالولنا زمان " الراجل 👨🏻‍🦱مش بس بكلمته الراجل برعايته لبيته وأسرته👨‍👩‍👧‍👦"

"إذا كان أبى قد خبر مشاعر الألم والخوف فى صغره بالفعل فكان عليه أن يفهم معنى إلحاق الأذى نفسه بشخص آخر"

وأنت يا حلوة 👩🏻، شوفتى نفسك تنفعى تبقى أم 👩🏼‍🍼

جربتى بدل الاوامر تسمعى ولادك 👂🏻👧🏻👦🏻

تلعبى معاهم

تشاركيهم حكاويهم اللى ممكن تكون تافهة بالنسبة ليكى بس بالنسبة ليهم كبيرة

تسمعى مشاكلهم مع اصحابهم ..

ولا هو الموضوع اكل ومذاكرة وتمارين وانا كده فل الفل

"هل سبق لكِ أن أحببتِنى يا أمى ❓

"كنت لا أزال راغبة فى أن تقر أمى بتلك العلة فى حياتى، ألم تلحظ اكتئابى ؟

ألم تنتبه إلى زوال ضحكاتى ، وعبوس وجهى❓"

كلامى ده على البيوت السوية ، اللى الاب والام فيها ناس متعلمة وفاهمة يعنى ايه أسرة

أما بقى البيت اللى دخلته مع رواية الخاضعة بيت 🏠 اتبنى غلط من بدايته … مزارع 👨‍🌾 سكير عنده عقده برضه اللى اتربى بها وعليها وقال ما اطلعها بقى على أهل بيتى 🙆🏼‍♀️

والأم بقى مقولكمش استسلام تام للاهانة وقلة القيمة ومع ذلك ماشية بمبدأ ضل راجل ولا ضل حيطة …تخيلوا بقى أول طفل ليهم هيبقى عامل ازاى

وده بقى حظك يا " ماريان " اتربيتى فى بيت كله ضرب ضرب وشتيمة كمان

من وأنتى طفلة مش شايفة غير سكر 🍷 وضرب 🤕 وصوت عالى واستسلام

فين الطبطبة فين الحنية فين الاحتواء فين الجو الأسرى

يا حبيبتى مفيش " الاب " مثال حقيقى للى بيخلف ويرمى ورا ضهره ولا عايز يعرف حاجة عنها ..

والأم ولا هى هنا معرفش بصراحة حجتها ايه فى الرواية !!!

"أردت أن تنتبه أمى لدلالات اكتئابى، فتسألنى عما ألم بى . لكننى وجدتها مشغولة البال بأشياء أخرى ، ففشلت فى ملاحظة حالى ، وتركتنى أحمل عبء قلبى الثقيل وحدى"

لحد ما حصل اللى حصل 😲

هو ايه اللى حصل 🤭

ده حصل وحصل وحصل 😱

" ماريان " الطفلة لقيت الطبطبة🤗 ، والإهتمام

بصيت برا ما هى مش لاقية الحنان جوا

بس جالها من واحد لا عنده دين ولا أخلاق

استغل طفولتها واحتياجها للكلام وفهمها أنه أبو قلب ملاك 💙😇

"لم أكن أفهم ما يحدث حقًا. لم أتبين أنه بكلماته الرقيقة وملاطفته كان يسقى بذور اعتمادى عليه، ويغذى حاجتى إلى صداقته".

بس كده ✋🏻اكيد هتتخيلوا باقى السيناريو 📝

"لم أكن أعلم حينئذٍ أننى فى كل مرة كنت أعرى فيها قطعة جديدة من روحى أمامه، كنت أسلمه بذلك الأدوات المطلوبة للسيطرة على مجدداً"

ياترى هتجرى على أهلها وتصارحهم 🗣 باللى كان 🤷🏼‍♀️

طيب يا ترى هيصدقوها ويحتوها ويطمنوا قلبها المحتاج للأمان💁🏼‍♀️

ولا هيسكتوها ويداروها ويعنفوها من غير حتى ما يفهموها ..🤐

الرواية صعبة جداااا فخلى بالك خد مضادات 💊اكتئاب ☹️وانت بتقراها خاصة لما تعرف انها قصة حقيقية يعنى حصلت بالفعل 🙆🏼‍♀️🙆🏼‍♀️

الشخصيات ارهقتنى فعلا حتى البطلة المظلومةاستفزتنى فى بعض تصرفاتها بالرغم من سذاجتها وطفولتها وهتعرفوا ليه لما تقروها..

المهم هى تجربة موجعة وعدت بسلام 🙋🏼‍♀️

تستاهل تخوضها لو ليكم فى جو المآساويات 😁

"يقول الناس إن الزمن يشفى جروح الماضى لكنى أقول إن الوقت يجعلها مشوشة قليلا ليس إلا"

#مكتبة_دنيا

#قراءات_٢٠٢٢

روايه بتتكلم عن طفله اتحرمت من حنان الاب والام والي كان سبب في استغلال الجار ليها واغتصبها اكثر من مره لكن مع كل الي مرت بيه قدرت ماريان تبدأ حياه جديده مع زوجها ديف وتتغلب علي ماضيها المؤلم

الرواية جميلة جداً ومحزنه أثرت فيا والحلو أنه النهاية على الأقل سعيدة وعلى الرغم من اللي حصلها

قدرت في النهاية تعيش حياة طبيعية

بصراحة من اكثر الروايات الي اثرت فيني جداً حزنت عليها وعلى طفولتها والحمدلله ان النهايه حلوه

حه من كل سوء