مراجعات رواية شياطين خرس

فى إحدى سطور الروايه كتب المؤلف (عالم غابت عنه الحقيقة هل يستطيع اللعن ام الإشفاق؟)

وطوال فترة قراءة الروايه ظللت اسأل نفس السؤال..

متّعنا الكاتب بواقع مؤلم رغم مرراته إلا انه خالٍ من الأفعال والعشوائية

كان لكل شخصية خلفية بيئية ونفسية جعلت تصرفات تلك الشخصيات منطقية ومُببرة إلى أكبر حد ممكن، كل هذا دون تسريب الملل أو الاطالة مع تلاحُق الأحداث بشكل رائع.

الألفاظ اختيرت بعناية فائقة الفصحى منها والعامية كلٌ كان فى موضعه

تأثرت بجميع الشخصيات وكأني اعرفهم تمام المعرفة

لم أشعر على الإطلاق انها التجربة الأولى للكاتب

تمنيت فعليًا ان أرى الرواية على الشاشة بكل تفاصيلها..

شياطين خرس واحدة من الروايات اللي عمري ما مليت أعيد قراءتها من فترة للتانية، من وقت ما نزلت ولحد دلوقتي، اتعلقت بشخصياتها جدًا، كل شخصية فيهم مش ببالغ لو قولت إني قابلت فيها جزء من نفسي..

الأحداث كانت سريعة لدرجة إنها ممكن في جلسة واحدة بس تخلص، وده حاجة جميلة جدًا لإن مفيش ولا دقيقة ملل، غير الحبكة اللي فوق الممتازة.. فبجد شياطين خرس رواية تستحق تتقرا، لكل حد بيحب يدخل جوا نفسه ويعرفها الرواية دي على أول قايمة الترشيحات.

وشكرًا للكاتب جدًا على إبداعه ونتمنى الاستمرار. 💙

المبهر بجد في الرواية إن مؤلفها راجل

اللي يقراها ويتابع حجم مناصرة المرأة اللي فيها حيعتقد أكيد إن مؤلفتها ست ، لأن صعب أوي تلاقي راجل فاهم مشاكل الستات بالشكل دة وقادر يعبر عنها بحرفية وبإحساس كدة

الرواية فيها تناول لكتير من المشكلات زي الخيانة الزوجية وزواج القاصرات وزواج الإكراه وحاجات أصعب كمان

المؤلف أبدع في إنه يخلي الأحداث بتدور حوالين 4 شخصيات مختلفة كل واحد فيهم ليه خط وأحداث من غير ما نتلخبط ولا نفقد المتعة

بجد اتأثرت واستمتعت

واحدة من أفضل الروايات اللي قريتها مؤخراً

كتاب غامض لمن يريد الغموض😶‍🌫️