اقتباسات من كتاب لهذا نحب

دكتور (غيل سالتز) أستاذ الطب النفسي في كلية (وايل كورنيل) للطب في (نيويورك) بيقول إن المفروض وحرصًا على السلامة النفسية مفيش إنسان يتضايق أو يزعل من الخلاف اللي ممكن يحصل مع شخص بينهم علاقة، وإن الحرص المبالغ فيه في تجنب الخلاف بتبقى نتائجه أسوأ، والسبب؟! معظم البشر بطبعهم بيحاولوا قدر الإمكان يبعدوا عن اللحظة اللي هما عارفين إن مستخبي وراها حقيقة هتوجعهم؛ يعني تكون كل تصرفات فلان بتأكد إنه شخص سيء بس أنا بأجل مصارحة نفسي بكده، اللي هو لازم تشرب البحر كله عشان تتأكد إنه مال

الكتبة الفلسطينية (نبال قندس):

‫ «الصديق الحقيقي هو ليس من يصونك وأنتما متفقان؛

‫إنما هو من يظل على العهد والوعد عند الخصام».

«إنما خلق الله الخلافات

‫لتعرفوا بها قدركم عند الناس».

الكاتب والشاعر (جبران خليل جبران):

‫ «لا تتجاهل شخصًا يهتم بك دائمًا؛

‫فإنك يومًا ما ستدرك أنك خسرت الألماس،

‫وأنت مشغول بتجميع الحجارة).

مادام حبيتك، ومادام لجأتلي هشمر دراعاتي وهنزل معاك في الوحل أمدلك إيدي أشدك أطلعك، أصحاب الأصل واللي أنت غالبًا ماقابلتش حد منهم في حياتك بيتعاملوا كده، وأنا بنت أصول.

«عندما تزورنا المشاكل مع الحبيب،

‫نبدأ في استرجاع ذكرياتنا معه لتُدَفِّأ

‫لحظات الخصام»

‫ (محمد مجدي مختار)

مفيش دكتور بيوصف علاج لازم يتاخد العمر كله، العزلة مفيدة وصحية كخيار مؤقت للشفاء من وضع أجبرتك الظروف عليه، لكن مش كنمط حياة؛ عزلة تعيد فيها ترتيب أوراقك، ومكانة الناس في حياتك، عزلة تنجز فيها مهمة عمل مطلوبة منك بس لخمتك في دوشة الحياة منعتك تعمل ده،

العزلة شرط بشري ضروري عشان نقدر نكمل، لكن الونس هو اللي يكسب، الكاتب السعودي (عبدالله العتيبي): «الوحدة لا تعني الابتعاد عن البشر؛ الوحدة هي أن تصبح عاجزًا عن امتلاك ذكريات جديدة».

الكاتبة (أوليفيا لينغ) لما انفصلت عن جوزها وهي في الثلاثينات من عمرها سافرت لمدينة (نيويورك)، وكانت الوحدة الإجبارية اللي بقت فيها بتاكل في نفسيتها؛ قررت تخرّج الطاقة اللي جواها في تأليف كتابها (المدينة الموحشة؛ مغامرات في فن العيش منفردًا) واللي بالمناسبة حقق مبيعات خيالية

الأديب (شكسبير) ألف رائعته مسرحية (الملك لير) أثناء الحجر الصحي في أول القرن 17 وهو في عزلة إجبارية بسبب انتشار الطاعون وقتها في لندن، الرسام العالمي (بيكاسو) اللي قال: «لا يمكن إنجاز أي عمل جاد من دون العزلة»، كان بيتكلم عن تجربة حقيقية من حياته لإنه فعلًا ماكنش بيقدر يرسم أي لوحة غير لما يروح في مكان بعيد مافيهوش أي حد يعرفه، رغم إنه أصلًا كان شخصية أسرية ودودة وبيحب اللمة

بتحس بغُربة في مكان الشغل بتاعها، النميمة بين زمايل العمل سواء على المدير أو الزمايل اللي مش موجودين بقت لا تُطاق، بقت بتشوف كمية من النفاق والكذب والتلون خلّوها بقت متأكدة إنها مع ناس مش شبهها ومبقتش عارفة تتأقلم، والاختلاط معاهم بيخنقها، أخدت منهم جنب عشان مختلفين عنها، وهما أخدوا منها جنب لم

الكاتب الياباني (هاروكي موراكامي):

‫ «لا أحد يحب العزلة، أنا فقط أكره الخيبة».

المناضل الكوبي (تشي جيفارا):

‫ «العزة تكمن في العزلة، ولكن لا بد للناس من الناس».

الروائي الفرنسي (جول فيرن):

‫ «الخلوة والعزلة مؤلمتان لدرجة أكبر

‫من التحمل البشري».

‫ ***

أحمد كمال) صديقي وطبيبي النفسي قال لي: “الأعمار بيد الله، بس لولا وجودكم معاه ومحاوطتكم له كانت الصدمة ثم وحدته هتموته بدري عن كده”.

«الحل الوحيد للمشاكل النفسية هو:

‫لا تكن عاطلًا.. لا تكن وحيدًا»

‫ د. (أحمد خالد توفيق)

في مدخل واحدة من مستشفيات الطب النفسي في أمريكا مكتوب على لوحة رخام العبارة الحقيقية جدًا دي: « عندما أطلب منك أن تنصت فتبدأ أنت في إسداء النصح لي فهذا يعني أنك لم تفعل ما طلبته منك، عندما أقول لك أَنْصِت إليّ فكل ما أطلبه هو الإنصات، لا تتحدث ولا تفعل شيئًا.. فقط اسمعني، وإذا أردت التحدث فانتظر لحظة حتى يحين دورك وسأنصت إليك».

الشاعر (جبران خليل جبران):

‫ «إذا صمت صديقك ولم يتكلم،

‫فلا ينقطع قلبك عن الإصغاء إلى صوت قلبه».

- هو عايز يتسمع مش يسمع، الإنصات على قد ما هو سهل ومفيهوش مجهود، إلا إنه أصعب وأهم وأغلى حاجة في الدنيا للطرف التاني.

الكاتب الصحفي (أنيس منصور):

‫ «لكي تكسب المرأة كن حليمًا في الاستماع إلى كلماتها،

‫حالمًا في الحديث إليها).