البذرة الخبيثة

📌لقد أصرت على معرفة الحقيقة والآن بعد أن عرفتها لم تستطع معرفة كيف سينتهى الأمر مع رودا؛ كانت الراحة الوحيدة فى معرفتها هى حقيقة أنها لم تعد مثقلة بالشكوك، ولكن فى هذه اللحظة قالت إنها تتمنى لو ظلت تجهل الحقيقة، كان يمكن أن تستمر فى تصديق أن هناك احتمالاً ولو ضعيفاً فى براءة طفلتها…

رودا طفلة ملامحها رقيقة 👧🏻

و ذكية بس عنيدة

طباعها شوية غريبة 🤔

وميولها فى بعض الأحيان عنيفة

واثقة فى نفسها كتير

بيقول عليها المحيطين

أنانية ولا تبالى بكلام الغير

أوقات تلاقيها هادية ومطيعة

وبتعرف تلعب دور المسكينة

وساعات تخاف منها ومن نظرات عينيها

لما تحس الشر بيلمع فيها

بس عمرها صغير حبتين

مانقدرش نحكم عليها من تصرف ولا اتنين

لكن الأم كان رأيها غير

كانت حاسة بحاجة مريبة

بس بطبيعتها بتكابر و تدارى عليها

أصل لو باحت باللى فى النفوس

هيبقى مصير " رودا " مجهول

خاصة بعد الحادثة الأخيرة اللى وقعت لزميل ليها فى مدرستها الجديدة..

هل لما بنعرف الحقيقة بنرتاح

ولا احسن نفضل عايشين فى جهل عن اللى فات

بس ساعات المعرفة بتبقى اطمئنان كأنه هم وانزاح وبتوجهك لإصلاح ما أفسده الزمان لكن واضح أن مش فى كل الأحوال

أوقات بتبقى معرفة الحقيقة عار وعايز تداريه

وبدل ما تحاول تصلحه وتداوي العيوب والكسور اللى فيه لا بتحاول تجيب تراب وتردم عليه فاكر كده أنك بتعمل اللى فيه مصلحة للجميع لكن للاسف مش هتقدر تعيش بسرك كتير لأنه هيبقى عامل زى الدود 🐛 بياكل فيك …

رواية نفسية حبيت تفاصيلها كتير وطريقة سردها والقصة فى مجملها فيها كم تشويق

وصف تعامل البنت بشكل دقيق يخليك تحس بالقلق منها بشكل غريب

نهايتها مؤلمة بشكل رهيب وجع قلب يعنى اكيد ومفاجاة وصدمة للقراء وأكيد المشاهدين أصل نسيت أقولكم أنها معمولة كمان فيلم قديم بيحمل نفس اسم الرواية… بس لسه ماتفرجتش عليه 🤦🏼‍♀️

رواية مؤثرة ومحيرة وماتبقاش عارف لو أنت مكان الام هتعمل ايه 🤔

الترجمة كانت جيدة وموفقة بالنسبة ليا..

#مكتبة_دنيا

#قراءات_٢٠٢٤

رواية جيده وبها بعض الأراء المعتبره حول الغيب والقدر