الكتاب ده كان مقرر علينا في الكلية، وكان موجود في مكتبة الكلية، والمفروض اننا بنصور الصفحات اللي الدكتور بيحددها لنا عشان نذاكرها، ولكن كعادتي الأثيرة في الرغبة في الاحتفاظ بالكتب، مكتفتيش بتصوير الأجزاء المقررة وخلاص، إنما صورت الكتاب كله من الجلدة للجلدة وكعبته، وفضلت محتفظة بيه للنهاردة، واليومين دول وأنا بجرد المكتبة لقيته ورجعت قريته من تاني، الحقيقة انه كتاب ممتع جداً، بالإضافة إلى كونه يعتبر كتاب تاريخي عن تاريخ الصحافة في مصر، إلا إنه كمان بيحكي التاريخ ده بطريقة سلسة جداً متوافقة تماماً مع العنوان "قصة"، بيحكي كأنه بيحكي حكاية أو بيسرد رواية مش بيكتب عمل أكاديمي في نقاط محددة وخلاص، مسك تاريخ الصحافة من يوم ما ظهرت المطبعة لحد حركة الجيش في يوليو 1952
قراءة في كتاب #قصة_الصحافة_العربية_في_مصر_منذ_نشأتها_إلى_منتصف_القرن_العشرين للدكتور #عبد_اللطيف_حمزة على موقع #الامنيات_برس
في انتظار تعليقاتكم ومناقشاتكم المثمرة
#جولة_في_الكتب #كتب_تاريخية
#سارة_الليثي
****
