مراجعات كتاب من علم عبد الناصر شرب السجائر

كاتب يتميز بالصدق و الوضوح حتي في تسميته لهذا المؤلف بالكتيب و ليس كتاب .هو فعلا كتيب ملاحظات ينقل فيها الكاتب أفكار راودته عند قراءاته التاريخية لمواقف بعينها.

في رأيي يمكن إعتبار هذا الكتيب الجزء الثاني من كتاب المواصلات..خفيف و يداعب الذكريات محتويا رسائل ضمنية بسيطة و إضافات معلوماتية مختصرة في صورة تلغرافية قصيرة.

دائما ما يلمس عمر طاهر بكتابته مناطق قد تكون مطوية و غير ظاهرة بالنفس البشرية و تمثل جانب من التأمل و فرصة لالتقاط الأنفاس.

من علم عبد الناصر شرب السجائر ؟!!

كتاب من علم عبد الناصر شرب السجائر من الكتب الممتعة والخفيفة التي تأخذك لرحلة على مر الأزمنة حيث يسرد عمر طاهر في كتابه من علم عبد الناصر شرب السجائر أحداث تاريخية وفنية وسياسية بطريقة سلسة وبسيطة وفكاهية

كما تحدث الكتاب عن عديد من الشخصيات التاريخية والمهمة في تاريخ مصر السياسي والفني والثقافي كا جمال عبد الناصر,السادات ,أم كلثوم, عبد الحليم حافظ,حسني مبارك

وتميز الكتاب كعادة كتب عمر طاهر بالأسلوب الفكاهي الساخر

................................

اقتباسات من الكتاب :

• (أحمق من يموت من الخوف على ما يمتلكه وهو لا يمتلك

نفسه أصلا)

‏

• ‏(يصبح النجاح سهلا عندما تقرر بينك وبين نفسك أنك لا تمتلك خيارا غيره ساعتها تتحول الحسبة التي يراها الناس معقدة، إلى حسبة في بساطة «شاف القطة، قالها بسبس، قالتله نونو»)

• ‏(«دلوكا» في تاريخ الفراعنة بعد فك طلاسم حجر رشيد، وإن عثروا على ما يقول إن المصريين القدماء كانوا يستقبلون أول الشتاء باحتفال يقوم على اللطم. وهي العادة التي تغيرت، فلم يعد المصريون يلطمون أول الشتاء، لكنهم يلطمون الآن)

• ‏(«يا دهوتي» والدهو هو العقل يا دهوتي استغاثة به ليتعامل مع المصيبة)

............................

تقييم الكتاب: 5/4

#عمر_طاهر_في_مكتبتي

رحلة عبر دهاليز الزمن..

عمر طاهر كالعادة بياخدك في رحلة من نوع خاص فيها كم عناصر غريب ومتشابك بطريقة جديدة جدا ونفدر نقول عليها"خلطة سحرية" انه يحركك بكل سهولة وبساطة وانبساط وانت مبتسم كده من اول كلمة لآخر حرف ف الكتاب.

وانت ماشي بين صفحات الكتاب هتحس انك بتتمشي جوه طُرقات "جمع"طُرقة" وهي الممر الضيق.. دار المحفوظات او كأنك دخلت بين دهاليز أرشيف جريدة الأهرام.. وعمال ياخد من كل رف جرنال ويديك الزُبد بس.. اللي هو هو ده الي انت هتحتاجه من العدد ده وغير كده" َبَرِت".

الكتاب فيه كم معلومات متعدد ومتفحص وسريع وخاطف فنفس الوقت هو بيقولك الحكاية ويدعمها بمثل شعبي ويرش عليه مانشيت جرنال ويعصر عليها عصارة دماغ من انضف الادمغة في مصر ويقولك بالهنا والشفا "دلَّ مخك" وهو مبتسم كده كعادته.

انا ماحضرتش ولا هو أغلب الاحداث لكن في لحظة ما انت بتفتح الكتاب ونحس ان الدنيا حواليك بقت ابيض ف اسود ولازم تحترم الكلام كده وتاخد هيبة زمنه ،رغم ان الكتاب مش بس عن عبدالناصر كشخص لا ده تحبيشه زمنه كلها ومن حلوه والافيهات المتنقية وش قفص بجد عن كل عناصر الزمن من مطربين وكتاب وصحفيين انت بتاخد الحقبة بتاعته شروة واحدة.. معني شرو الشئ أي عَسَلَه.. وبتكسب فيها مكسب يخليك مبسوط انك عرفت الاسرار دي وانه وداك هناك بدليل مبسط وبدقة جواهرجي عرف ايه الحتة اليافتة الي يديهالك بعيدا عن الفالصو.

النوسالتجيا الي عمر طاهر بيوديك ليها دايما مختلفة جدا لانك بتحس انه عاشها وشافها وكأن الحكايات جاية من جوه جيوب صحابها متحملة بتعتيق هدومهم وريحتهم بجد مش مجرد كلام مرصوص وده ممتد بعد كحل وحبهان وفي اغلب كتبه والي تقريبا هو اشطر واحد ممكن يدخلك الزمن من ع القهوة وفي حوش البيت ومن بلكونة الجيران ومن كوبس الكهربا في مكتب الملك شخصيا.

واضح جدا كم البحث الي خلاه يعمل المزيج الجميل ده ويخرج بالخلطة دي من عدد المصادر الرهيب الي نهاية الكتاب وده بيديك اطمئنان ان كل الي انت قرأته كعادة عمر طاهر انه خد ومتدورش انت صاحب كتاب مش زبون.. فبتجيب الكتاب وانت واثق انك لا هتضيع وقت ولا فلوس ع الفاضي.

طريقة عرض الكتاب محتاجه دماغ صاحية وفايقة عشان تستقبل كم المدخلات دي وتقدر تربط الزمن بالناس بالاحداث وتيتمتع لانك لو ماركزتش هتحس انه ايه ده؟ هو منين بيودي علي فين لكن لو استجمعت تركيزك او نصه حتي هتتكيف وتبتسم وتضحك جدا كمان علي المواقف والاحداث وتواريخها.

عجبتني جدا اجزاء ام كلثوم بصفتها كانت من اعمدة زمن عبدالناصر ويمكن كون عمر طاهر يقدر يطلع بكتاب زي ده في ظل تريند صورة عبدالناصر الي شبعت كوميك هو شجاعه وقدرة علي القول كما ينبغي مش زي ما الناس عاوزه او زي مايحبوا يسمعوا وده شئ انا بحترمه جدا انه بيحترم القارئ بتاعه وبيعمل شغله بمزاج عشان يوصل للناس بمزاج.

الكتاب مش كبير ومقالاته مش كتير لكنه فعلا وجبة دسمة نفسياً وممتعة عقلياً بشكل كبير جدا واتمني يكرر الحركة في من علم السادات شُرب البايب ومن نصح مبارك بصبغ الشعر ومن.. يلا مش مهم.

تقدر تاخد من الكتاب كم اقتباسات ومش هبالغ لو هقول الكتاب كله يطلع منه اقتباسات لان كل مقال فعلا يخش في تصنيف الدُرر المكنونة في الجرايد المركونة.

لازم اقول ان فكرة الهامش الواسع دي جميلة جدا والي اتكررت معاه من صنايعية مصر، انه في الهامش ما لا يسع سطور المقال حملة ولا يمكن السكوت عنه.. فشكرا علي الهوامش ومعلوماتها وإفيهاتها المُعَدَّة بعناية.

الغلاف كمان فيه تاتش حلو من اول الرسمة للطفاية الفاضية 😅 لحد عقب السجاير والكبريت المرمي بعيد.. مش هقول ليهم دلالة لا.. بس الغلاف حلو مع الخط الاحمر الي فيه ده.

🔹 من علم عبد الناصر شرب السجائر ؟! 🔹

إسم الكاتب/ة : عمر طاهر

عدد الصفحات : ٢٢٠

دار النشر : دار الكرمة

👇عن الكتاب 👇

أسئلة طاردت الكاتب فطارد الإجابات في هوامش كتب التاريخ :

لماذا اختار السادات أن يهبط في مطار "بن جوريون" ليلاً ؟

متي ظهر أول مخبر في مصر ؟

كيف تعاملة مصر الولادة مع أزمة "البطن القلابة" ؟

والكثير من الأسئلة التي لم يكن الكتاب عن إجاباتها وحسب ، لكنه أيضا كان عن إجابات أسئلة جديدة لم يكن الكاتب يتوقعها .

👇رأيي👇

بالنسبة لي ، كان هذا ثاني كتاب أقرأه لعمر طاهر الذي أحب أسلوبه في الكتابه ، ولغته البيضاء التي يشوبها بعض العامية الغير مؤذية أبداً

استمتعت وأنا أقرأ هذا الكتاب ، تلاحقت أنفاسي مع بعض حكاياته ، ودُهشت من بعض الحكايات الاخري التي لم أكن أعرفها

يُبسط عمر طاهر هنا لنا فترات من تاريخ مصر بطريقة ساخره وجديدة ، ويُجيب إجاباته الخاصه عن بعض التساؤلات التاريخية التي لطالما ظننا أنها بلا أجوبة

أذكُر وانا أقرأ أنني كنت كلما انهيت صفحه اتسائل كيف جاءت في راسه كل هذه التساؤلات المتباعد في موضوعاتها والمتقاربة في أجزاء من إجاباتها

شتتني كثرت المواضيع والقفزات التاريخية من فترة الي فترة فلو ان موضوعات المتاب مانت أقل لربنا مان التشتت أقل

ولهذا كان تقييمي ينقصه نقطتين

✨ اقتباسات من الكتاب ✨

" الدنيا مراية توريها توريك "

" التهديد الأكبر للنجاح ليس الفشل ولكن الملل "

" كل الفنون تسعي لان تكون موسيقي "

" البلاغة هي ما يفهمه العامة ويرضي عنه الخاصة "

" يُصبح النجاح سهلاً عندما تقرر بينك وبين نفسك أنك لا تمتلك خياراً غيره "

👇تقييمي للكتاب👇

٣/٥ 🎖🎖🎖

♦️رقم المراجعة : ٦

ودُمتم🌾🌱

#من_علم_عبد_الناصر_شرب_السجائر #عمر_طاهر #كتاب #عربي

#دار_الكرمة_للنشر_والتوزيع

#كتابي #كتاب_جديد #مُحبي_القراءة #تحدي_القراءة #قراءة

#مراجعات_للكتب #مما_قرأت #ماذا_تقرأ #حدثنا_عما_تقرأ #أشركني_قراءتك #إقرأ_معي #اقرأ #أصدقاء_القراءة #أصدقاء_الكتب #عشاق_الكتب

#تصويري #في_مكتبتي #مكتبة #ثقافة #نادي_القراءة_العربي #اكسبلور #إقتباس #كتب_books

انتزعني هذا الكتاب من ضوضاء وضجيج أيامنا الحالية لهدوء وروقان زمان مضى، بأحداثه وشخصياته وفنونه.

مشحونون دوما بإيقاع حياة سريع يطبق على أنفاسنا، نحتاج من آن لآخر لمثل هذه الكتب التي تنقلنا لعوالم أخرى.

يحكي الكاتب بطريقة مدهشة، يتحدث في موضوع ما ويربطه بأحداث تاريخية طريفة ومثيرة.

حكايات قديمة لكن الكاتب استطاع أن يحولها إلى لحظات طازجة شهية مسلية ومدهشة.

يجيب عن أسئلة عجيبة لا تخطر على البال.

ما الذي يمكن أن تتعلمه المرأة الذكية من تنظيم الضباط الأحرار؟

من امتع أجزاء الكتاب الجزء الخاص بأمنية الكاتب كتابة أفلام عن لحظات فارقة في حياة شخصيات مثل جمال عبد الناصر والاميرة فايزة وعباس العقاد وعادل إمام.

مما لفت نظري وأفادني وأضحكني كثيرا تأصيل الكاتب للكثير من الكلمات المتداولة التي ربما نجهل معناها الدقيق.

"فتنصبه شرابة «خرج» (وهي مفرد شراشيب، وهي خيوط قطنية ملونة عديمة الفائدة تستخدم لتزيين الخرج، وهو حقيبة يدوية من القماش)، أو «المدعوق» (وهو الرجل الذي لا يعيش له أبناء)، أو «الخرع» وهو المندهش المنبهر بالأحداث لدرجة أنه لا يحسن التصرف معها)".

جواب بعلم الوصول للكاتب الفريد جدا العزيز جدا عمر طاهر

بتاريخ ٢٩ /٦

بمقدمة ممتعه لكاتب عايش وسطينا وملهم حتى وسط اكتئابه مع إجابته عن سؤال ماالهدف من هذا الكتاب وأنه زى المكعب كل مكعب فيه كذا وش كل واحد فيه مختارات هتونسك و١٥ مكعب كل مكعب بسؤال هتقابل حكايات وقصص اجتماعية وسياسية وتاريخية ودينية زى الخلطبيطة بالصلصة أفكار كتير فى بعض بس طعمها لذيذ وهتفضل مستمتع مع كل قطمة ومذهول ومبتسم لآخرلحظه .

هتعرف أصل حكايات قديمة وهتندهش من حاجات أول مرة تسمع عنها حكايات أبطالها معروفين زى السادات وعبد الناصر وأم كلثوم وحليم وفاتن حمامة والملك فاروق أو زى أبطال مش معروفين زى أحمد اغا وبوللى وبيتر وايه هو الوز الأخضر وحكاية الكوكاكولا المغلية والسونار البلدى وبطولة الفول السودانى وقصة عن بث إذاعة صوت العرب وأمثلة شعبية وحكايات قديمة من مصر وعن المصريين

رحلة جديدة ممتعة وأفكارها متنوعة وطريفة بتكشف كالعادة قد ايه هو كاتب متميز وصحفى شاطر ومتقصى محترف وحكاء ممتع وكتبه متميزة ولطيفة

شكرا بجد على الكتاب الممتع ده .

سألتنى صديقة وانا فى منتصف الكتاب " االكتاب حلو " ف قولتلها عمر طاهر لو عمل كتاب فاضى من الجلدة ل الجلدة هاشتريه وهاحبه برده

قلم عمر طاهر بيلمس وتر جوا كل واحد فينا بصورة او بأخرى ... بيعبر بقوة عن ذكريات جيلنا وحكاياته بمنتهى اللطف

أما اللحظة الألطف على الاطلاق اما كنت ماسكة الكتاب ف اتوبيس عام وسألنى الكمسرى هو انا ممكن اعرف منك حاجة .. هل الكتاب كله بيتكلم عن مين اللى علم عبدالناصر السجاير ؟؟ وف نفس الوقت شايفك بتضحكى بصوت عالى .. ووقتها وبالصدفة كنت فى فصل

" ما الذى يمكن أن تتعلمه المرأة الذكية من تنظيم " الضباط الأحرار"

وقولته ممكن تقرا شوية لحد ما انزل ... الراجل بمنتهى البهجة اللى فى الدنيا أخد الكتاب وفضل يقرا وضحك وانا ضحكت واليوم ضحكلى .. وقالى انا هاشتريه فى اقرب فرصة :)

كتاب رائع جداً ممتع يحتوي على قصص مسلية تاريخية وايضا تحليل عمر طاهر لهذه اللحظات ممتع ، كتاب زي اللقمة الحلوة اتمنى يكتب الافلام اللي ذكرها لأنها هنكون افلام رائعه ، الكتاب كأنه مؤرخ لما حصل احداث حقيقى كتاب ممتع ممتع شكراً عالكتاب الحلو ده

كتاب ممتع. ولو سألتني ما موضوعه سأجيبك بلا أعلم؛ فهو يتحدث في كل شئ؛ سياسة فن اجتماع تاريخ، موضوع من اليمين على حكاية من اليسار، لكن الغريب إن هذه (اللخبطيطة) الفوضوية لذيذة.

عمر طاهر.. بساطة التعبير .. سلاسة القراءة .. متعة الحكايات

كتاب جميل كما عودنا عمر طاهر دايما

كتاب ثري و ممتع جدا و مفيد.

ممتازة