مراجعات رواية اكتشفت زوجي في الأتوبيس

واكتشفت كم هو رقيق وعطوف ويتخلق بخلق الرسول في الاتوبيس ... كنت انتظر فقط ان اجد معناً لاسم الكتاب وقد وجدته .. لأول مرة اقرأ هذا النوع من الكتب او القصص قد أظلم اكتشفت زوجي ف الاتوبيس في تقييمي لها ولكن ذنبها اني قراتها بعد رواية "اغتصاب ولكن تحت سقف واحد "لصاحبتهما الفاضلة "دعاء عبد الرحمن " حاولت الكاتبة وقد نجحت ف جذب القراء لمفاهيم خاصة قد لايجدها البعض في تلك النوعية من الكتب او انها دائما توجد ف النصوص المتحجرة ذات الامر والنهي فقط والنصح والارشاد لكن ان تساق الي القارئ في هيئة موقف ليتعلم منه ويتعامل مع ماحوله ويفكر ويعمل علي اعمال عقله فقد نجحت الكاتبة في ذلك .. القصة في حد ذاتها تحدث يوميا في كل انحاء العالم بعدما نسينا الله فانسانا انفسنا ولكن لنعلم دائما ان الله غفور رحيم وانه ستار حليم وانه يجزي المؤمن علي نيته وحسن عمله فانه دائما مايفوز ف النهاية ... قد اعيب المثالية الزائدة عن الحد في بعض شخصيات الرواية لكن ف المجمل جذبتني .. بالاسلوب والطريقة الجميلة في توصيل النصيحة

مشاعر متضاربة أثناء وبعد القراءة ..

محتارة ما بين بعض الحاجات اللي عجبتني ... وبين السواد الأعظم من الرواية اللي اقدر اقول عليه وأنا متطمنة "إيه النيلة دي؟!! o.O "

مبدأياً كده لما الواحد يقرأ رواية يا تكون باللغة العربية يا العامية شناقصة لبخة هي :D

لكن في الرواية دي الكاتبة كسرت كل القواعد .. اللي هو تلاقي كلمة فصحى جمبها 10 كلمات عامية :3 -_-

.......

مش فاهمة ازاي القصة كانت بتتحكي على لسان منى الأول .. وشوية ولقيت هوووووووب راوي من نوع الـ Third_person narrator اللي بيحكي !! -_-

أنا أعرف انه يا ده يا ده .. أو يبقى في إنذار ع الاقل ان الكلام هينتقل على لسان حد تاني ..

.......

من الحاجات اللي حرقت دمي طريقة السرد الساذجة بزيادة ...

يعني إيه أبقى بقرأ ومندمجة وفي وسط الأحداث ألاقي الكاتبة كاتبة جملة زي كده -_- !!

" أعذروها يا جماعة أول مرة حد يقولها كلمة حلوة " o.O

"على رأي الشيخ خالد عبد الله (يا واد يا مؤمن)" -_-

"أوباااااا منى مش عارفة ترد" :D

"صوت الباب مرة تانية يوه مش هنخلص" :3

" هههههه يا بنت اللذين يا سماح لحظة في الجون" -_-

"طب كان حط شريط قرآن بس قرآن إيه وهما اتنين اتنين كده ؟! " -_-

" أسود على دماغك مين شال الشبشب من جمبي" -_-

"مش ملاحظين ان من ساعة ما هشام وصل منى مفكرتش تكلم سامح خالص "

يعني بغض النظر عن خفة دم الكاتبة المبالغ فيها -_- :3 ..

اللي اعرفه على حسب دراستي للأدب في الكلية .. إن الراوي مش من حقه يقول رأي شخصي أو يعبر عن إحساسه وميفصلش الناس في وسط تركيزها في الأحداث

اللي عليه بس انه يسرد القصة بس إلا إذا كان واحد من الشخصيات

معرفش بقى نظرية الكاتبة ايه في ده كله ؟!!

عبو الفصلان :3

........

نيجي بقى لفقرة الأخطاء اللغوية :D

حد يقولي .. وفيها ايه !! الأخطاء موجودة في كل حتة :3

أقوله لأ يا ابو لسان طويل :D

الأخطاء هنا متكررة بشكل يخوف o.O

أنا لا متخصصة في اللغة ولا حاجة بس مش ذنبي القاموس اللغوي الصغنن اللي في دماغي يبوظ كده :3

دي بعض الأخطاء اللي اتكررت :-

- أولاً كده اسمها "مش عاوزة تسيبه في حاله" .. مش "مش عاوزة تسيبوا في حالوا"

مش لغة أجانب هي الله يباركلك :D

- "ولية أمرها" .. مش "وليت أمرها"

دعوة ولية ساعة عصرية :v

-"بتهيئة الجو" .. مش بتهيأت الجو" :3

.........

تعالوا بقى نحلل بعض الشخصيات واللي بصراحة ابهرتني :D

-"منى" : البنت الساذجة الطايشة الغشيمة اللي بتقع في قبضة سامح الولد الشرير اللي لعب بيها :3

واللي رفضت تتجوز واحد متعرفوش ومبتحبوش الوحشة :/ (لأ ملهاش حق -_- .. البنت تتجوز على طول من غير ما تختار أو يبقى لها رأي عشان تبقى حلوة ومطيعة) -_-

وهنا يجي دور حياء الملاك البرئ عشان تنتشلها وتقنعها تتجوز الشخص اللي متعرفوش ده وتقولها يا هبلة ده متدين ومحترم وهتحبيه :3 (على أساس ان التدين كافي انه يخلق حياة سعيدة وان الشخص المتدين لا يمكن يكون متدين ظاهريا وان شخصيته بتناسب أي حد) ...

_____________

-"حياء" : اللي هي دعاء المؤلفة يعني :D .. عبط إحنا يا عصام :v

البنت المتدينة التي لا تخطأ .. مرسى الامان لأي حد تايه (وهي الكاتبة هتقول حاجة وحشة على نفسها يعني ؟!) :3 .. واللي طبعاً لازم تقول رأيها السياسي والديني والشغل ده .. روايتها حد له شوق في حاجة ؟! :D

ومن هنا عرفنا انها تتبع المنهج السلفي .. وتحمل الكثير من العداء تجاه الأقباط ..

ومننساش انها ملاك واسم على مسمى :)

____________

-"ادم" : كائن لذج ثقيل الظل تدينه شفع له عند الكاتبة وجعل منه كائن نوراني "من غير حتى ما تعرفه" وانه عريس لقطة ميترفضش لمنى ...

مع احترامي للشخصية الحقيقية اللي ممكن تكون مختلفة عن كده بس انا بنتقد العمل الأدبي هنا مش الأشخاص الحقيقية ..

الشخصية دي استفذتني إلى أبعد حد ..

هل إن الشخص متدين ده معناه انه ملاك ؟!

معناه ان صفاته وطباعه تلائم اي حد ؟!

معناه اني اثق فيه واتجوزه في يوم وليلة ؟!

آدم اتقدم لمنى وكان في منتهى الأدب والحياء وهي مكنتش بتحبه .. اتفقوا على قراية فاتحة اخوها عملها Surprise وجابلها المأذون عشان يكتبوا الكتاب -_-

وهنا بيتحول آدم من الكائن الخجول إلي الكائن الوقح الثقيل واللي بيفرض نفسه عليها..

وابتدا من بعدها يقولها يا حبيبتي ومش قادر اعيش من غيرك والاسطوانة المشروخة اشتغلت -_-

معرفتش أجمع كل اللي قال الحاجات اللي استفذتني في الشخصية دي لأن كل حاجة استفذتني بصراحة :3

بس دي بعض الحاجات اللتيفة كده اللي اتقالت على لسان آدم :D

============

"هتقولي أذكار النوم ولا أكمل مسح عليكي"

ايه يا واد الحلاوة دي :v

اقسم بالله مسكت نفسي بالعافية من الغثيان :3

المفروض انه قالها الجملة دي في حين انها مبتحبوش وأتجبرت عليه بس البيه طبعا لازم يخليها تحبه بالعافية ..

حب إجباري ..

حب عشرة ..

حب بالعافية ..

=============

"حاولت أدور على زهرة أحلى منك ملقتش فقولت خلاص اجيب أي حاجة وخلاص"

o.O

لكن مش ده اللي استغربتله .. الأغرب رد فعل منى من الهري ده :D

"سعدت جداً لكلماته الرقيقة"

قولي والمصحف :D

استاذة دعاااااء .. مفهومك عن الرومانسية والكلمات الرقيقة ايه حضرتك ؟!! :D

=============

الشخصية الوحيدة اللي اقنعتني شخصية سامح لأن امثاله انتشروا فعلاً .. الشاب المتهور اللي عايز يوقع اي بنت ويضحك عليها لحد ما ياخد اللي هو عايزه وبعدين يرميها ..

ووالد حياء بصراحة اتعاطفت معاه الراجل مرارته ضاعت في الليلة دي -_- :3

_____________

كلمتين كده بس :

- مع احترامي للكاتبة ومفاهيمها ..

بس يعني ايه واحد معرفوش مثلا يتقدملي ولمجرد انه له لحية أوافق على كتب كتاب بعد 10 أيام بس من وقت ما اتقدم !!

يعني ايه اعيش في بيت واحد مع راجل معرفش عنه اي حاجة غير اللحية اللي في وشه

وكأن دي رخصة خلته كائن كامل لا غبار عليه !!

يعني ايه اكمل حياتي مع واحد لا عارفة اهتماماته ولا صفاته ولا بحبه ولا

اتكلمت معاه غير مرة !!

يعني ايه الشخص ده بعد كتب الكتاب يتطاول معايا ويقولي "ده موبايل ولا قميص نوم!!" على اساس ان كتب الكتاب معناه يبقى وقح ويقول كل اللي نفسه فيه ..

لو حضرتك تقبلي بكده .. غيرك كتير ميقبلش ..

صدقيني الترويج للفكرة دي مش هيغير حاجة في الآخر النصيب هو اللي بيحصل بس الاقل الواحد يبقى واخد بالأسباب ويدور ع الشخص المناسب مش يقول أي حاجة وخلاص احنا راضيين بقضاء ربنا ...

السيدة أم كلثوم رفضت الزواج من عمر بن الخطاب وقالت انه خشن العيش شديدعلى النساء .

معنى كده ان التدين مش رخصة وان لازم يكون في توافق بين الشخصين ...

______________

- وبالنسبة لموضوع ان الحلفان بـ "والله العظيم تلاتة" حرام عشان حضرتك بتقولي ان معناها ان ربنا-والعياذ بالله- تلاتة ..

سعادتك تلاتة هنا مقصود بيها القسم نفسه مش ربنا :D

لما قرأت الحتة دي افتكرت الناس بتوع كلمة Lol و Bye حرام دول :3

_______________

-الموقف اللي حصل في الكنيسة مكنش لازم يتذكر على فكرة .. مش لازم تقولي واحنا داخلين حسينا اننا داخلين مكان بيحصل فيه شرك بالله -_-

طب وايه اللي دخلكوا حد جبركوا ؟! o.O

والخناقة اللي مع المسيحي على اساس ان المسيحيين بأنياب -_-

لاحظي حضرتك ان ممكن حد قبطي يقرأ الرواية والكلام يجرحه :)

_______________

معرفش انا أديتها نجمتين ليه ..

برغم حرقة الدم وبرغم ان حتى الفكرة فاكس وكلنا عارفين ان في ولاد بتلعب ببنات الناس وغيره..

بس نجمتين كنوع من أنواع شكر الله على نعمة ان الواحد لسة بعقله و مش شايف الكتاب طفرة في عالم الأدب وانه لازم يتحط في رف الـ favorites :3

كلمة أخيرة ..

أستاذة دعااء ..

حررتك سوحتي جارتك الله الوكيل :D :3

رواية هادفة خرجت من قبل الكاتبة فوصلت لقلوب قرائها

رواية جميلة انهيتها فى 4 ساعات تقريبا

لكن لى ملاحظة واحدة لاحظتها ف كل اعمال الكاتبة التى قراتها وهى تحيزها الشديد للنقاب والمنتقبات وكل من ليست منتقبة لا تكون مؤمنة ولا سعيدة فى حياتها

انا كبنت اتمنى ان ارتديه جدااااااااااااااااااا ولكن لانى احبه من داخلى وادعو الله يوميا ان ارتديه ولكن عندما اكون قادرة على قوانينه حتى لا اخل به او اشوهه

لكن التحيز الغير مبرر للكاتبة اتمنى ان تراعيه ف اعمالها القادمة وذلك ليكون الاستمتاع والفائدة للكل

لان الحجاب الشرعى او الخمار او الطرحة الكبيرة ايضا فرض وجميلة مثل النقاب ايضا وتحياتى للجميع

الرواية غاية في الجمال والروعة عيبها الوحيد انها باللغة العامية ويوجد بها الأخطاء الإملائية اعجبت بشخصية حياء وادهم وتوبة منى استمتعت بالرواية رغم صغرها الا انها اوصلت رسالة بليغة ...

رواية قمة في الروعة للكاتبة اسلوب شيق يستهوي نفسية المطالع لقراءة المزيد من مؤلفاتها

بشكل عام حبيتها إلى حد كبير ... رواية لطيفة خفيفة 😊

روايه رائعه وبالتوفيق