مراجعات رواية القحط

رواية مليئة بالألم عن الشدة المستنصرية واللي أول مرة كنت اقرأ رواية بتدور أحداثها فيها، الفترة دي من أصعب الفترات اللي ممكن يقرأ عنها اي مصري بشكل خاص و اي إنسان بشكل عام، ومع ذلك ورغم صعوبتها وحزنها لكن الكاتب استطاع تطعيم الألم بالقليل من الأمل، ورغم شح الأمل في الرواية مثل شح الطعام في القاهرة الا أنه كان كافيا ليجعلني متعلقة بالرواية المؤلمة، تماما كتعلق الجوعى بالحياة.

أول لقاء لي مع قلم الكاتب ولن يكون الأخير.

#رشحلي

#تقييمات_مي_حمزة

فى زمن الخليفة الفاطمى المستنصر بالله

وبالأخص فى النصف الثانى من القرن الخامس الهجرى اواخر حكمه كده حصل اللى ما يخطرش على البال

جف النيل بشكل معداش على مصر 🇪🇬 من زمان من أيام سيدنا يوسف والسبع سنين العجاف

بس للاسف الناس مش هى الناس

لأن فى الفسطاط اشتد الأمر على قاطنيها بالذات

واتحول جفاف النيل مش مجرد نقص فى المياه لا ده اثره ظهر على الزراعات وبالتالى الحيوانات مابقيتش لاقية ليها لقمة هى كمان

سلسلة وبتكر ومين بيربى المواشى وبيزرع الأرض أخوكم الفلاح مابقاش له شغلة هو كمان

يعنى خلاص كله بيقفل حوانيته وجاب ضلفها كمان 🥺

وابتدى الناس يعرضوا أثاث بيوتهم للبيع مش عايزين فلوس لا سمح الله احنا مش فقراء الحمد لله بس احنا جوعى ومحتاجين لو رغيف 🥖 حاف

خدوا الدهب

خدوا البيوت

بس ادونا شوية دقيق أو مياه 💦 نبل بهم الريق

البطون بتتآكل من قرصة 🤏 الجوع

واللى هيستحمل يوم والتانى مش هيقدر على أسبوع

المياه بحساب هيعدى عليكم " السقا ريان "

مفيش استحمام روائح البيوت بقيت كلها اشمئزاز

طيب والحل ايه يا " ميمون " ربك يرفع عنا البلاء

ويبعد عنا شرار الناس … الجياع اللى استحلوا الميتة وأكل لحوم 🥩 الناس

ايوه زى ما سمعتوا بالظبط بدأ التربص بالبشر واصطيادهم لسد الجوع وقطع لحومهم وتشفيتها ورمى العظام فى الطرقات

حاجة مش هتسمع عنها غير فى الافلام الكورى بتاعت الزومبيز واكلى لحوم البشر واخرك تصدق انها شغل أفلام 🎥 لأ ديه حصلت للاسف فى يوم من الأيام

📌الناس جاعت يا نصيف ياولدى وأكلت حتى جلود الذبائح

بل جلود الجيف وحياتك يا شيخ رادع

لا ومش بس كده ده كمان فيه وباء 😷

يعنى جوع ومرض بياخد أرواح الناس

📌إنه الوباء يا ولدى وباء القحط الذى حصد الجميع…

وهنصمد ازاى يا جدعان …

بالإتحاد والصبر ومؤازرة بعض

روح أهالى " درب ريحان " فى القحط اللى مر على البلاد تهون عليك الأجواء … جيرة صافية وصادقة من أغلبهم - تعاون فى أشد الظروف محدش بخل على التانى بالخزين واللى معاه لقمة كان بيقاسمها مع الغير من غير تفرقة ولا عنصر***ية ولا حد قال بيتى أولى وأنا مالى بالتانيين حقيقى حبيت روحهم وهونت عليا كتير

ولا دفاعهم المستميت عن بعضهم ضد الخارجين

ولا إكرامهم حتى للميتين وماسبهمش للنباشين

وايمانهم واصرارهم على الصمود وأملهم فى رفع البلاء عن قريب مهما راح من الغاليين

رواية مؤلمة صحيح بس أنا شوفت فيها حاجة جميلة تهون عليا وجع البلاء اللى اثر عليهم سنين

#مكتبة_دنيا

#قراءات_٢٠٢٣