برما يقابل ريا وسكينة

أنا حبيت برما بصرحة (المضحك المبكى)

كنت نفسى أقرا الكتاب دة من فترة ومش عارفة لية كنت مأجلاة وفى النهاية خد مكان الكلاب لا تأكل الشيكولاتة :)

كعادة عمر طاهر بيخلق الحالة اللى تبهرك سواء بكلام او شخصيات زى برما

أولا يعنى أنا كنت متخيلة برما شكل تانى غير اللى اترسم مش عارفة لية !

الشخصية نابعة من جوة عمر طاهر أوى

نفس الأفكار و إن كانت بطريقة ساخرة أكتر

وده التميز .. إنة قادر يتكلم بشخصيتين بالشكل دة

وكأن برما هو مزيج من عمر طاهر وشخصيات كتيييير أوى

كنت منبهرة بالجزؤ بتاع دير سانت كاترين ومن وصفة حسيت إنى عايزة أروح هناك حالاً

ونفس الأحساس مع زيارة النبى صل الله علية وسلم :)

برما هو شخصية تخيلها عمر طاهر و معظم الكتاب يتلخص فى حواراته الطريفة مع برما أو مع أراء برما التى يتفضل علينا و يشاركنا بها .. هو شخصية مصرية أصيلة أعتقد أنها توجد فى كل واحد منا .. بل أن متأكدة أن كل منا له برما الخاص به , الذى نادرا ما يرى الضوء و لكننا نشعر به فى المواقف "البايخة"

القسم الأول , عن مواضيع اجتماعية مختلفة , منها وصف واقعى جدا للمصريين و الحالة فى مصر , و أعتقد أن الكتاب "جاب مصر بالحتة" و خصوصا فى الكام سنة الأخيرة , و القسم التانى أراء متنوعة لبرما أو لعمر طاهر عن مواضيع كثيرة منها السعادة , الشوك .. و غيرها. و طبعا مع الكتاب , كتيب صغير فيه بعض أقوال برما , التى ورد ذكر معظمها فى الكتاب.

الكتاب يتميز بتلك النبرة الساخرة "بس من غير ما يغلط فى حد" و واقعى جدا , فلن تشعر أنه مبالغ فيه أو أنه أهمل ذكر بعض الأشياء , ستجد أن الكتاب يتحدث عن حالة مصر صحيا و سياسيا و اجتماعيا و ثقافيا من غير ما يكون مبالغ فيه ..

المواضيع التى تناولها و أسلوبه الذى قد أصفه بالسهل الممتنع , بمجرد أن تقرأه تشعر بأن الموضوع مألوف لك و لكن لو حاولت الكتابة عنه بنفس الأسلوب ستواجهك صعوبة بلا شك. و ما أعجبنى التشبيهات التى استخدمها و لكنى قد أصنفها مع الأسلوب .. فأنا عاشقة لأسلوب عمر طاهر بالفعل.

كتاب حلو و لكن ليس أفضل ما لدى عمر طاهر !

لم أشعر بالملل و لكن لم أستفد إستفادة كبيرة أيضًا

مازلت أفضل (جر ناعم) و ليس هذا

و شعرت في بعض الأحيان أن العبارات مقتبسة خاصة من كتيب برما الصغير

فيها الكثير من العبارات المقتبسة من العبارات الأجنبية

و لكن عمومًا هو كتاب لطيف و جميل أنصحك به و لكن لا تضع آمالاً عريضة جدًا عليه :)

من أكثر الكتب اللى كنت بعيط من كتر الضحك منها ,بجد عمر طاهر احد رواد اسلوب الكتابه الساخرة ,بعض المقالات فى الكتاب تخطت مرحله الأبداع

قرأت معظمه ومش قادرة اكمل الباقى .. حسة بملل منه .. مش عارفة العيب من الكتاب ولا منى بس فعلا مش قادرة .. كفايا عليه نجمتين