يا باب يا مقفول... إمتى الدخول
صبرت ياما واللي يصبر ينول
دقيت سنين... والرد يرجع لي : مين ؟
لو كنت عارف مين أنا كنت أقول
عجبي !
أبلغوني عند توفره
رباعيات صلاح جاهين
نبذة عن الكتاب
بدأ صلاح جاهين كتابة رباعياته عام 1959، وكان ينشرها أسبوعيا في مجلة صباح الخير حتى عام 1962، وحين انتقل إلى الأهرام توقف عن كتابة الرباعيات ثم عاد لكتابتها عام 1966 حين رجع لصباح الخير رئيسا لتحريرها وذلك لمدة عام واحد، كف بعده نهائيا عن كتابة الرباعيات، إلا خمسا نشرها في مربعه بالأهرام تعليقا على مظاهرات الطلبة عام 1968. كل أربع أبيات من هذه الرباعيات بمثابة قصة بمفردها..و الرباعيات متنوعة و مختلفة عن بعضها البعض، لذلك يمكنك أن تقرأها بأي ترتيب، و يمكنك أن تقرأها في أي وقتالتصنيف
عن الطبعة
- نشر سنة 2008
- 159 صفحة
- ISBN 9953429553
- الهيئة المصرية العامة للكتاب
تحميل وقراءة الكتاب على تطبيق أبجد
أبلغوني عند توفره
979 مشاركة
اقتباسات من كتاب رباعيات صلاح جاهين
مشاركة من فريق أبجد
كل الاقتباساتمراجعات
كن أول من يراجع الكتاب
-
Dina sarhan
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
-
أحمد المغازي
"ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!"
لا أبالغ لو قلت أن كتاب رباعيات صلاح جاهين هو أجمل ما قرأت فى حياتى ، فهذا الكتاب صغير الحجم ، عظيم القيمة ، الذى أعتيره أنا خلاصة الحكمة الإنسانية ، كان صديقى و رفيق دربى فى هذه الحياة منذ تعرفت عليه و أنا فى بداية المراهقة و حتى اليوم.
"أنا شاب لكن عمري ولا ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!"
فى كل المواقف التى مرت على كانت هناك دوما رباعية لهذا العبقرى تعبر عن ما أعجز عن قوله أو تهون على اللحظات الحالكة
"سهير ليالي و ياما لفيت و طفت
و ف ليه راجع في الضلام قمت شفت
الخوف ... كأنه كلب سد الطريق
و كنت عاوز أقتله .. بس خفت
عجبي !!"
كل قصص الحب و الفراق، و كل لحظات السعادة و الإكتئاب ، و الإنتصار والإنكسار، و الحيرة و الخوف ، والتمرد و الغضب ، و الإحباط و الأمل ، كانت الرباعيات دوما حاضرة فيها
"ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!"
"إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!"
"حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!"
"الدنيا أوده كـبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتحار
عجبي !!"
"من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!"
"دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!"
"فارس وحيد جوه الدروع الحديد
رفرف عليه عصفور وقال له نشيد
منين .. منين.. و لفين لفين يا جدع
قال من بعيد و لسه رايح بعيد
عجبي !!"
"يا ميت ندامه ع القلوب الخـــــــــــل
ا لا محبة فيها و لا كراهـــــــــــ
ه ولا حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!"
"حاسب من الاحزان و حاســـــــب لها
حاسب علي رقابيك من حبلـــــــــــه
ا راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!"
"خوض معركتها زي جدك ما خــــاض
صالب و قالب شفتك بامتـــــــــــ
عاض هي كده...ما تنولش منها الأمـــــــل
غير بعض صد ورد ووجاع مخاض
عجبي !!!!"
"كام اشتغلت يا نيل في نحت الصخور
مليون بئونه و الف مليون هاــــتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
عجبي !!!"
"وقفت ساعة الصبح باغسل سناني
قالت لي شايف قوتي و لمعاني ؟
إيش تطلب اليوم مني ضحكة أسد ؟
والا ابتسامة اعلانات أمريكاني ؟
عجبي !!"
"نقطة مرارة كمان علي مشروبــــــــــ
ـي دوبها يا ساقي حسب مطلوبــــــــــ
ـــــي طعم الحياة .. مش برضه فيها و فيها ؟
ليالي وردي و نهارات خروبـــــــــــ
ـي ؟ عجبي!!"
"علم اللوع اضخم كتـــــــــاب في الأرض
بس اللي يغلط فيه يجيـــــــــبــ
ه الأرض أما الصراحة فأمرها ســــــــــــــ
ـــاهل لكن لا تجلب المال و لا تصون العرض
عجبي !!!"
"وأنا في الضلام .. من غير شعاع يهتكه
أَقف مكاني بخوف ولا أتركه
ولما بيجي النور وأشوف الدروب
أحتار زيادة .. أيهم أَسلكه ؟
عجبي !!"
"ليه يا حبيبتي ما بيننا دايماً سفر
ده البعد ذنب كبير لا يُغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!"
"يوم قلت آه .. سمعوني قالوا فَسَدْ
ده كان جدع قلبه حديد واتحسد
رديت على اللايمين أنا وقلت .. آه
لو تعرفوا معنى زئير الأسد
عجبي !!"
"أنا قلبى كورة والفراودة أكم
ياما إتنطح و إنشاط...وياما إتعكم
و أقوله كله حاينتهى فى المعاد
يقول بساعتك...ولا ساعة الحكم؟
عجبى !!!"
رحم الله صلاح جاهين و تجاوز عن سيئاته، هذا الفيلسوف العبقرى الإنسان بمعنى الكلمة ، المصرى حتى النخاع ، الذى أحب الحياة و الناس و الوطن ، و إنكسر بإنكسارهم ، حتى مات و هو يعالج من الإكتئاب فى غربة الأصقاع الروسية بعيدا عن كل ما أحبه ، إلا أنه عاش فى قلوب محبيه للأبد !!
-
أروى الجفري
مع أني لا أحب قراءة الشعر إلا بالفصحى ، لكن رباعيات صلاح جاهين استثناء ، قرأت بعضها في مكان ما فجذبتني لقراءة البقية .
هذه الرباعيات ساحرة .. عذبة .. مدهشة ، تنتزع الابتسامة منك تارة ، و تجعلك تتنهد تارة أخرى ، تتراءى لك أنها بسيطة لكن معانيها عميقة .
ما زلت أتفكر فيما قاله القدير يحيى حقي-رحمه الله- "لم يهدد أحد اللغة الفصحى كما هددها صلاح" ، لا أستطيع موافقته تماماً ولا أستطيع أن أخالفه !
هذه الرباعية كان تأثيرها بالغ على مشاعري :
" أنا كل يوم اسمع .. فلان يعذبوه
أسرح في بغداد و الجزائر و أتوه
ماعجبش من اللي يطيق بجسمه العذاب
و اعجب من اللي يطيق يعذب اخوه
عجبي "
هذه الرباعية رسمت على قلبي ابتسامة :
"بحر الحياة مليان بغرقى الحياة
صرخت خش الموج في حلقي ملاه
قارب نجاه ! ... صرخت قالوا مفيش
غير بس هو الحب قارب نجاه
عجبي"
بعض الرباعيات :
"أنا شاب لكن عمري ولا ألف عام
وحيد ولكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي"
"عجبتني كلمة بين كلام الورق
النور شرَق من بين حروفها و برَق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي "
"نظرت فوقي للنجوم و أنا ساير
رجليا عترت في الحفر و الحجاير
بقيت أقول و أنا عالتراب : ياسلام
مش بس عبرة أخذت لكن عباير
عجبي"
"كيف شفت قلبي و النبي ياطبيب
همد و مات ولا سامع له دبيب
قاللي لقيته مختنق بالدموع
ومالوش دوا غير لمسة من إيد حبيب
عجبي "
-
عبدالرحمن عادل
دخل الشتـــا قفل البيبان ع البيوت ..
وجعل خيوط الشمس خيط عنكبوت ..
وحاجات كتييير بتموت ف عز الشتـا
لكن حاجات أكتر بترفض تمـــوت ..
.
وعجبي
-
lola
ما زال كتابي المفضل اقرأه قبل النوم وفي حالاتي جميعا حزناً وفرحاً
يشاركني همومي وضحكاتي
اقرأه حين احب وحين اكره
اقرأ فيه طالعي وحظي حينا وينعي حظ كاتبه وحزنه احيان
ينصحني احيانا وانصحه مرات أن لا يحزن
فالحزن بين جوانبه يطغي علي الفرح
ولكنه حزن شفاف نوع من الحزن الذي يكسو الروح كقيد شفاف
موجود وغير موجود
حزن يجعل الابتسامة موجعة
والضحك ضرب من البكاء
يؤلم الروح والقلب
ولكنه حزن دائم ومنتشر لا اجد له ما يصفه سوي رباعية جاهين
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !
:')
ومازلت كلما قرأته اعيد اكتشافه
تحيه إلي كاتبه الذي اعشقه دون أن يراني أو اراه سوي في عوالم الأحلام !!
-
Rosa
أنا شاب لكن عمري ولا الف عام
وحيد ولكن بين ضلوعي زحام
خايف ولكن خوفي مني انا
اخرس ولكن قلبي مليان كلام
عجبي!!
*-*-*-*-*-*-*-*
-*-*-*-*-*-*-*- *-*-*-*-* شاف الطبيب جرحي وصف له لبلمل
وعطاني منه مقام يا دوب ما اندمل
مجروح جديد يا طبيب وجرحي لهيب
ودواك فرغ مني..واية العمل؟
عجبي!!
*-*-*-*-*-*-*-*
-*-*-*-*-*- ليه يا حبيبتي ما بينّا دايماً سفر
ده البُعد ذنب كبير لا يُغتفر
ليه يا حبيبتي ما بينّا دايما بحور
أعدي بحر ألاقي غيره اتحفر
عجبي !!
*-*-*-*-*-*-*-*
-*-*-*-*-* يا مشرط الجراح أمانة علـــــــــــيك
وأنت ف حشايا تبص من حواليــك
فيه نقطة سوده في قلبي بدأت تبان
شيلها كمان .. و الفضل يرجع إليك
عجبي !!
-
Yasmin Shalapy
بحر الحياه مليان بغرقي الحياه
صرخت خش الموج في حلقي ملاه
قارب نجاه .. صرخت قالوا مفيش
غير بس هو الحب قارب نجاه
عجبي !!!
-
Sarah Shahid
أول ديوان أقرأه باللهجة العامية.. بسيط للغاية ويتناول قضايا الحياة اليومية
خفيف جداً وخاصة إن استمعت إليه، أنا استمعت إلى هذه الرباعيات بصوت مدحت صالح وكانت جيدة.
مع إن كل الخلق من أصل طين
وكلهم بينزلوا مغمضــــين
بعد الدقايق والشهور والسنين
تلاقي ناس أشرار وناس طيبين
عجبي!!
مرغم عليك يا صبح مغصوب يا ليل
لا دخلتها برجليا ولا كان لي ميل
شايلني شيل دخلت انا في الحياة
وبكره ح اخرج منها شايلني شيل
عجبي!!
وانا في الضلام من غير شعاع يهتكه
أقـف مـكــاني بخوف ولا اتركه
ولما ييجي النور واشوف الدروب
أحتار زيادة .. أيهم اسلكه؟
عجبي!!
ضريح رخام فيه السعيد اندفن
و حفره فيها شريد من غير كفن
مريت عليهم .. قلت يا للعجب
لاتنين ريحتهم فيها نفس العفن
عجبي !!
أنا شاب لكن عمري ولا ألف عام
وحيد ولكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!
عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!
أنا قلبي كان شخشيخة أصبح جرس
جلجلت به صحيوا الخدم والحرس
أنا المهرج .. قمتو ليه خفتو ليه؟
لاف ايدي سيف ولا تحت مني فرس
عجبي!!
دخل الربيع يضحك لقاني حزين
نده الربيع على اسمي لم قلت مين
حط الربيع أزهاره جنبي وراح
وايش تعمل الأزهار للميتين
عجبي!!
انا كل يوم أسمع .. فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
سرداب في مستشفي الولاده طويل
صرخات عذاب ورا كل باب وعويل
.. وفي الطـريق متزوقين البنات
متزوقــــــين للحب و المواويل
عجبي !!
يا طير يا عالي في الســــــما طز فيك
ما تفتكرشي ربنا مصطـــــــــــف
يك برضـك بتاكل دود و للطين تعود
تمــــــــص فيه يا حلو .. و يمص فيك
عجبي !!
يأسك و صبرك بين إيديك و انت حر
تيأس ما تيأس الحياه راح تــمر
أنا دقت مندا ومندا عجبي لقيـت
الصبر مر و برضك اليـأس مــــر
عجبي !!
عجبي علي العجب العجيب العجاب
لما الحقيقة تطل بعد احتجاب
و تروق و تحلا وفجأة تصبح مفيش
كمثل طراطيش بحر ياما خد و جاب
عجبي
-
Mohamed Abd El-naby
رباعيات صلاح جاهين غنية عن التعريف
من الرباعيات التي أعجبتني:
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
ياللي بتبحث عن إله تعبده
بحث الغريق عن أي شئ ينجـده
الله جميل و عليم و رحمن رحـيم
أجمل صفاته .. وانت راح توجده
عجبي !
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !
يا طير يا عالي في الســما طظ فيك
ما تفتكرشي ربنا مصطـفيك
برضـك بتاكل دود و للطين تعًًًًودً
تمـص فيه يا حلو .. و يمص فيك
عجبي !
-
ضُحَى خَالِدْ
- كم هي رائعة ومعبرة تلك الرباعيات وتجد أن معظمها يدور داخل ذهنك فعلاً علاوة على أنها قريبة للقلب كثيراً.
- تفرض عليك قراءتها أسلوب معين وطريقة معينة في قراءة الرباعيات وتشعر وكأنك تقرأ السيرة الهلالية أو ما شابه بالطريقة التي كانوا يحكون بها السيرة في الجلسات قديماً :) فهي لا تُقرأ بطريقة عادية مثلها مثل باقي الكتاب ...
- لم أستطع تحديد أى الرباعيات أقتبس فهو أمر محيّر جدا فكل الرباعيات رائعة ومعبرة بإستثناء القدر القليل منها
- أتحفظ فقط في مدخل الكتاب بنقد الأستاذ يحيي حقي فهو أمر يقلل حماسك من الكتاب إلى حد كبير ..
- بشكل عام إستمتعت بقرائتها جدااااااااااااا
ا كنت بدأت في قراءتها منذ فترة طويلة ولكننى لم أنتهي منها وأخيراً بدأتها ثانية وإنتهيت منها وأحتاج لقراءتها مرات أخرى فهي لا تكفيها مرة واحدة :D -
Moaaz Mahmoud
ليه ياحبيبتي ما بينا دايماً سفر
ده البعد ذنب كبير لا يغتفر
ليه يا حبيبتي ما بينا دايماً بحور
أعدي بحر آلاقي غيره اتحفر
-
نرمين الشامى
قراءتى الثانية لرباعيات جاهين بعد ان قرأتها فى كتاب الاعمال الكاملة لجاهين
لا مانع عندى ان اقرأها للمرة العاشرة حتى
فالرباعيات هو اللون الشعرى المفضل لدى خاصة رباعيات جاهين التى تجمع بين الموسيقى والبساطة والفكر والاحساس المرهف بالام الانسان فى هذه الحياة
وزاد الكتاب جمالا مقدمة يحيى حقى العميقة والدارسة لشخصية جاهين من خلال رباعياته
كتاب ممتع يستحق القراءة
ومن ضمن الرباعيات الرائعة
مهبوش بخربوش الألم والضياع
قلبى ومنزوع م الضلوع انتزاع
يا مرايتى ياللى بترسمى ضحكتى
يا هلترى ده وش والا قناع
وعجبى
يا حزين يا قمقم تحت بحر الضياع
حزين أنا زيك وايه مستطاع
الحزن ما بقالهوش جلال يا جدع
الحزن زى البرد زى الصداع
وعجبى
يأسك وصبرك فى ايديك وانت حر
تيأس ما تيأس الحياه راح تمر
أنا دقت مندا ومندا عجبى لقيت
الصبر مر وبرضك اليأس مر
وعجبى
أنا كل يوم اسمع فلان عذبوه
اسرح في بغداد والجزاير واتوه
ما اعجبش م اللي يطيق بجسمه العذاب
وأعجب من اللي يطيق يعذب أخوه
!!!
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنما
كتم الغنا هو اللي ح يموتك
عجبي
انا شاب لكن عمري ولا الف عام
وحيد و لكن بين ضلوعي زحام
خايف و لكن خوفي مني انا
اخرس و لكن قلبي مليان كلام
وعجبى
لا تجبرالإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
وعجبى
المؤلف
صلاح جاهين 1930
محمد صلاح الدين بهجت أحمد حلمي، المشهور بـصلاح جاهين (25 ديسمبر 1930 - 21 إبريل 1986 م) شاعر ورسام وممثل مصري يساري الفكر. أنتج العديد من الأفلام التي تعتبر خالدة في تاريخ السينما الحديثة مثل أميرة حبي أنا وفيلم عودة الابن الضال، ولعبت زوجته أدوار في بعض الأفلام التي أنتجها. عمل محررا في عدد من المجلات والصحف، وقام برسم الكاريكاتير في مجلة روز اليوسف وصباح الخير ثم انتقل إلى جريدة الاهرام.
كتب سيناريو فيلم خلي بالك من زوزو والذي يعتبر أحد أكثر الأفلام رواجا في السبعينيات إذ تجاوز عرضه حاجز 54 اسبوع متتالي. كما كتب أيضا أفلام أميرة حبي أنا، شفيقة ومتولي والمتوحشة. كما قام بالتمثيل في شهيد الحب الإلهي عام 1962 ولا وقت للحب عام 1963 والمماليك 1965.
إلا أن قمة أعماله كانت الرباعيات التي كان يحفظها معظم معاصريه عن ظهر قلب والتي تجاوز مبيعات إحدى طباعات الهيئة المصرية العامة للكتاب لها أكثر من 125 الف نسخة في غضون بضعة ايام. هذه الرباعيات التي لحنها الملحن الراحل سيد مكاوي وغناها الفنان علي الحجار.
و من قصائدة المميزة قصيدة على اسم مصر وأيضا قصيدة تراب دخان اللتى الفها بمناسبة نكسة يونيو 1967. وكان مؤلف أوبريت الليلة الكبيرة أشهر أوبريت للعرائس في مصر. عمل صلاح جاهين رساما للكاريكاتير في صحيفة الاهرام حيث كان كاريكاتير صلاح جاهين أقوى من أي مقال صحفى وظل بابا ثابتا حتى اليوم ولم يستطع أحد ملء هذا الفراغ حتى اليوم بنفس مستوى جاهين الذي يتميز بخفة الدم المصرية الخالصة والقدرة الفذة على النقد البناء وبخفة ظل لايختلف عليها اثنان.