كتاب مفيد وممتع .. سيضيف لمعلوماتك الكثير
فيه توضيح لمواقف كتير وأحداث تاريخية من وجهة نظر المسلماني وعدد من المفكرين المصريين
التاب يشدك من أول مقدمته التي تحدث فيها المتميز احمد المسلماني عن "الأنا" المصرية .. وعن وجوب الاعتزاز بهويتنا المصرية .. واننا كمصريين مش اقل من الأتراك او الاوروبيين بل احنا افضل منهم .. وان الوضع الحالي لينا مش ده الصل وان اي شعب مر بنفسنا ظروفنا كان هايكون اسوا من كده
عجبتني المقالات اللي بتتحدث عن أمثلة للفوضي والغوغائية في دول شديدة الرقي بسبب اوقات بسيطة من غياب النظام الصارم
يعني هاتطلع من المقدمة وروحك المعنوية في السماء
الكتاب عبارة عن عدد من الفصول .. مقالاته قبل الثورة وبعدها
وفصل عن حركة المؤرخين الجدد والفصل ده فيه شهادات مهمة في مواضيع تاريخية زي ثورة يوليو وعهد جمال عبدالناصر والسادات وهزيمة 67
كمان فيه مقالات مهمة عن الفريق سعد الدين الشاذلي وجمال عبدالناصر وعدد من الشخصيات المصرية المعروفة
من ملاحظاتي ان استالذ احمد المسلماني مش بيعجبه حد خالص :D
ده مش عيب علي فكرة يعني وجهة نظره وله احترامها واغلب النقد بيكون موضوعي وبالادلة
الفصل اللي بعده عن شخصيات مصرية
والفصل الأخير عن بلده بسيون وحكايات في مدن عالمية مختلفة
رغم ان عدد المقالات اللي في الكتاب كبير جدا الا ان الملل لم يصيبني بالعكس اغلبها افكار متميزة ومواضيع مهمة
فكرة السيادة واننا نكون دولة ذات سيادة بل ونسعي لامتلاك قنبلة نووية
فكرة الكونفيدرالية المصرية الليبية السودانية
مواضيع كتير جدا مهمة وتستحق نظرة من اي رئيس جديد انه يحاول يبحث تطبيقها
في النهاية احب اقول ان الكتاب مهم ومفيد وممتع .. يستحق القتناء والقراءة والاهتمام
