مراجعات رواية ربع جرام

قراتها ف يوم ونص تقريبا وكمان علي ملف pdf لكن اعجبتني جدا دخلتني عالم الادمان والمدمنين عيشته بكل ما فيه مش بس مجرد كلام بسمعه من ناس ع شخص ولا فئة معينة من الشباب وراي الناس فيهم لا انا عرفت رايهم هم شخصيا ف نفسهم عشت مشاكلهم ويأسهم اتاكدت ان فعلا مرة واحدة بحجة التجربة ومش هيحصل حاجة كفيلة بانها تجعل شخص مدمن طول العمر احببت اسلوب الكاتب فقد جعل علي صفحات الكتاب مواقف تجعلني اسقط من كثرة الضحك ومواقف اخري تجبر عيناي علي البكاء واخري شعرت فها بالتفاؤل والبعض باليأس ولكم كانت سعادتي حينما انهيتها لم اسمع عن برنامج علاج لادمان و ال 12 خطوة الا من عصام يوسف رواية واقعية غيرت نظرتي وفكرة عن الادمان والمدمنين من وجهة نظري رواية رائعة

ربع جرام من اروع الروايات اللي ممكن الواحد يقراها في حياته واللي يدفع فيها فلوسه كلها

ممكن ناس كتير بتشتكي من اطناب الكاتب في الروايه ولكني اعتقد ان الاطناب ده هو اللي ممكن ادي الروايه ميزه

انك طول ما انت بتقري عندك تشوق تعرف ايه اللي جاي وايه الاحداث اللي هتحصل لدرجه اني خلصتها في يومين

الكاتب قدر او الراوي اللي هو صاصو كان بيقدر يستخدم الفاظ عاميه سهله تخليك تعيش الراويه تتاثر وتضحك واحيانا ممكن تبكي وخصوصا في وصفه للشله انا حسيت اني جزء من جوه الراويه ، تحيه كبيره لعصام يوسف

وتحيه كبيره لصلاح صاصو ، راويه رائعه من اروع الهدايا اللي جتلي في حياتي

أحببتها وبشدة !

بدأتها أمس وأنهيتها اليوم .. لا أحد يتخيل شعوري بعد أن فعلها البطل واستطاع التعافي

لا أخفي اعجابي بشخصيته حتي وهو مدمن D: خفة دم رجولة صاحب صاحبه

ارادته القوية فيما عدا علاقته بالمخدرات

الادمان ليس كله مخدرات .. يمكن أن تدمن نت طعام شخص عادة سئية

المهم أن تفهم أنك تستطيع التعافي مهما رجعت وبـ صلاح يتضح المقال !

فرقت معي وبشدة ! :)

اللهم امنحنى السكينة لأتقبل الأشياء التى لا أستطيع تغييرها والشجاعة لتغيير الأشياء التى أستطيع تغييرها والحكمة لمعرفة الفرق بينهما :)

مع اني لسه في بعد الصفحه ال 200 بشويه في روايه تزيد عن اكتر من 600 صفحه

الا اني اقدر اقول ان الروايه بتعيشك فيها بالظبط كأنك معاهم تضحك وتتريق لكن بتبدأ تتنكد بعدين لما يبدؤ في الضياع اكتر كأنك واحد من اهلهم كأنك عايش معاهم ومتضايق عليهم .. والاغرب انك تدمع على اول واحد مات "عاطف " قصة حياه صعبه بجد

بجد تشد اي حد يقراها .. صعبه اووي فعلا !! ..

من كتر التشوق والاهتمام بالروايه انك تعرف اي اللي هيحصل بتشدك الروايه لدرجة اني قفلتها خلاص وبعد 5 دقايق رجعتلها تاني

نصيحه لازم تتقري

جميلة مفيش كلام ... واقعية مفيش كلام .. هادفة مفيش كلام

انا من اشد المعجبين بروايات عصام يوسف

بس للاسف عيبها الوحيد انها ممكن تتلخص في 200 صفحة بدل 600

يعني انا مش عارف ليه كان لازم اقرأ اكتر من اربع مرات نفس الحوار و نفس السيناريو بين صلاح و والدته واخته لما يتمسك و هو بيسرق او بيتعاطى !!!

اجزاء كتيرة كانت مكررة بنفس السيناريو تخلي اللي بيقرأ يحس بنوع من الملل

الي الآن..15 فصل من ال لا شئ...و انا اتحمل... انا ملوله الي اقصي الحدود .. و لكني انتظر ان اعرف ماذا سحدث..كل ما مضي لاشئ سوي واحد بيصحي من النوم يشرب مخدرات طول اليوم و يقضي اوقاته مع النساء و يروح ينام .. و الكاتب بيصف لنا كل ده كل مره بتفاصيل جديده و تعود التفاصيل للتتكرر كل 50 صفحه مثلا ... ملل الاحداث يذكرني بالمسلسلات التركيه ..

و لكن ساتحمل ..

رواية اكثر من رائعة صورت كابوس الادمان و السجن المظلم الذي وجد فيه البطل و اصحابه انفسهم فيه عبيدا للمخدرات و المٍآسي التي عاشوها و من راي كقارئ نهم للكتب و كمشروع اديب محترف انها قد تصنف ضمن روائع الادب العربي لولا عيبها الوحيد و المتمثل في لغتها العامية نهاية الرواية خير من بدايتها

اعجبتني بكل ما فيها ضحكت وبكيت تبسمت وتعجبت عيبها الوحيد التكرار ولولا ذلك لاستحقت خمس نجوم

عشت معها حالة ادمان كاملة بما تتضمنه من خفة والم وشفيت مع نهايتها وتعلمت منها مالم اكن اعلمه عن عالم المدمنين واهم ما تعلمته منها ان الادمان مرض وله علاج وان الامل موجود

لن أعلق عليه كرواية فلست ناقد ادبى و لكنى كقارىء استمتعت به جدااااااااااااااااا و بالرغم من طوله الا انه كان نصيبى من قرءاته وقت اجرائى لعمليه جراحية لازمت فيها الفراش طويلا فكان هذا الكتاب و كتب اخرى هم رفقاء رحلة العلاج

قصة واقعية مشوقة و جميلة

كتاب أكثر من رائع استمتعت بكل فصل فيه وشعرت بالحزن الشديد عندما انتهيت منه، فهى واقعية جدا ولكنها طويلة بعض الشئ فقد كان من الممكن اختصارها اكثر من ذلك

ستكون جميلة جدا ان تم عرضها كفيلم سنيمائى

رواية تستحق الشهرة التي جاءتها، ويخرج منها القارئ الذي لم يتبلَ بالمخدرات وهو أكثر معرفة بعالم المدمنين المأساوي، أما المدمن فتحفزه على العلاج، والمتعافي يتذكر فيها أيام مرضه.

روايه مستني بصدق وعبرت ووصفت عن مواقف كثيره حدثت معي ومع بعض ممن عانوا من هذا المرض اللعين

روايه صادقه وبرهان جديد علي أنه يوجد علاج لهذا المرض وقانا الله وإياكم

لم أستطع الزول حتى لنصف الرواية..لغة ركيكة و تفاصيل مملة و كأنها مذكرات كتبها بطل الرواية نفسه دون اي مراجعة ادبية

موضوع ال12 خطوة ده مش شرط يختصر علي ادمان البودرة فقط بل ممكن تطبيقه علي (اي) سلوك سيء اتعودنا عليه!!

القصه شيقه لكن ,الي مش عجبني ان النهايه طوله شويه بس بصراحه شوقني اني اوصل للنهايه

بالرغم من انها قصة مخدرات عادية جداً...

لكن هذا لا يعني أنها غير ممتعة.

القصة فعلا رهيبة .. تحفة .. أنا خلصتها في 3 أيام .. فعلا حلوة جدا :)

انا قرات هذة الرواية جميلة جدا وانها رواية واقعية تستحق قراتها

روايه اكتر من رائعه السرد للاحداث شيق وممتع

اظن انها موجهه لفئه عمريه معينه لا تتخطاها