اقتباسات من كتاب هرمونات البنات

❞ المُهم تتعافي وتعرفي نفسِك الحقيقيَّة؛ وساعتها هتكوني هادئة مُطمِئِنَّة سعيدة، مُستأنِسَة بالله ومُستأنِسة بنفسِك. ❝

❞ التعافي مش سَهل، ركِّزي في طريقك حتى لو مفيش ناس جنبِك، أنتِ بيهم ومن غيرهم بتسعي وبتصلحي نفسك، افرحي بخُطواتك الصَّغيرة، متقلِّليش من تغيِير حصل في نفسيّتك حتى لو بسيط، وتقبَّلي إنك هتُقعي وهتقومي تاني ❝

❞ أنتِ عمرك ما هتلاقي نفسك في الجواز، لو ملقتيش نفسك وعرفتيها وفهمتيها قبل ما تتجوزي، هتفضلي تايهة بعد الجواز، حاسة بالوحدة عندك فراغ نفسي مبيتمليش. ❝

❞ الحُرِّيَّة بتتحقَّق من خلال التَّحرر من شهوات الدنيا ومن هوى النفس، من الناس ومن أحكامهم عليكي، من المُجتمع وعاداته وتقاليده، اللي هِيَّ مش موجودة لا في دين ولا في شرع. ❝

❞ الأصل إنِّي ألاقي الأنس مع ربنا ومع نفسي بعدين الناس. ❝

❞ لا قلبك ولا عقلك هيدلّوكي على الزّوج الصَّالح، دليلك ومُرشدك هو ربّنا، طيعيه وخلّي معايِيرُه سيف على رقبتك، والتزمي بيها. ❝

❞ اختيار الزّوج الصَّالح بمعايير الله من الأشياء اللي عُمرها ما هتخيب ❝

❞ افتكري إن الأُنس والأمان بييجو أولًا من الله ثم من نفسك ❝

❞ اتعلّمي تتحركي في حدود المتاح ومتكتفيش نفسك، ❝

❞ التسليم لله هيريَّح قلبك وهيجعلك راضيَة، هيخلي إيمانك بالله قوي لن يخدشه شيء، ❝

❞ عشان تحبي الأنثى اللي جواكي أوّل حاجة أنتِ محتاجة تسلِّمي، والتسليم هنا مش معناه استسلام وخضوع وإنِّي أقعد معملش حاجة ومشتغلش على نفسي ومتحرَّكش، إحنا كبشر مبنسلِّمش لحد غير الله، ❝

❞ البعد عن الواقع والانخراط في العالم الرَّقمي وعالم الرِّوايات والكُتب بيكسبك هشاشة نفسيَّة، ❝

❞ ومع كُل فيديو من دول سقف توقعاتِك بيعلى من غير ما تحسِّي، وكُل ما بيظهَر في حياتك شخص بتحسِّي إنُّه مش كفاية، وحتى لو اتخطبتي مهما خطيبك عمل عشان يبسطِك في حدود استطاعتُه هتحسي إنك مش مبسوطة من جواكي وإن ❝

❞ الحاجات دي مُمكن تأثَّر عليَّا إزاي؟

⁠‫التعرُّض للنوع ده من المحتوى سواء في بوستز على الفيسبوك أو في الروايات الرومانسِيَّة، بتبدأ تتشكُل من خلاله صُوَر ذِهنِيَّة عندك عن عالم مثالي جميل، ❝

❞ صالحي السِّت اللي جُواكي وخلِّيكي رحيمة بيها وحنيّنة عليها، متخطيش خُطوة غير لمَّا تتأكدي إنِّك هتكوني حاسِّة بالأمان النِّفسي ❝

❞ أي إنسان يُدخل حياتك لازم تتعاملي معاه بالمعايير دي، إن الشَّخص ده وارد جدًا تفقديه، وارد يتغيَّر معاكي، أو يتحوِّل لشخص تاني، ووارد يتبدِّل بشَخص أفضل منُّه، خلِّي تعلُّقك القوي كلُّه مُوجَّه لله ثُمَّ لنفسك. ❝

❞ الفَيْصَل بين التعلُّق والتَّخلِّي والاستغناء، هو إنِّي أكون قادرة أحِب نفسي وأفهمها وأكون مُدركة إن العِلاقة الحقيقيَّة هِيَّ اللي هكون مرتاحة فيها، مش مُتوتِّرة ولا قلقانة ولا خايفة أتساب في أيّ وقت. ❝

❞ وتتأكِّد إن معندهوش شيء يقدِّمه ليها كشريكة حياة، وكانت ذكيِّة وواعيَة بمشاعرها ونفسَها لمَّا عِرفت إنَّها مش بتحبُّه وإن اللي عندها كان فراغ عاطفي، كانت بتحاول تملاه وخلاص. ❝

❞ كانت في صراع شديد بين الأنثى اللي جُوَّاها وبين الرَّاجل اللي عاوزة تكون عليه، وبمُجرَّد ما كان حد بيقرب منها بتهجم عليه بأسلوبها الدَّبش، ولو حسِّت إن قلبها بدأ يتحرك، بتتخلَّى عنُّه وبتديله ضهرها وتمشي. ❝