الكتاب #إبليس
الكاتب : حازم توفيق
التصنيف : رعب "عن قصة حقيقية"
عدد الصفحات :٣٢٦
اللغة : العربية
البلد :مصر
الاصدار :معرض القاهرة الدولى للكتاب ٢٠٢٥
اللهجة: العامية
الشرح ::: الكتاب فيه حاجة غريبة يمكن اول مرة اشوفها او اقرأ كتاب كده
مبدأيا انه يتكتب باللهجة العامية دى حاجة كويسة جدا تحسسك وانت بتقرأ انك بتتكلم مع الشخصية ، كمان حتة بداية الكتاب بمعلومات عامة واثقة ان فيه كتير ممكن يكون يجهلها حاجة كويسة ، التشويق والشرح وحتة المتاهة اللي بيعملها الكاتب في النص محيرة وتجبر القارئ انه يركز وهو بيقرأ، الكتاب يصنف من كتب الرعب الهام او الرعب المجسد حالة انتقام البطل غريبة وبتشرح ازاي طفل صغير قدر في وقت صغير جدا انه يتحول من طفل الي ملك علي ابليس يؤمر وينهي فيه، وازي وصل به الحال انه يحنط اعدائه وهم علي قيد الحياة ويترك اخر حاجه ينتزعها منهم هي الروح ودا علشان يزيد من عذابهم ويدوقهم الألم في طريقة تخطت السادية بمراحل ، وطريق شرحه للطريقة البشعة اللي اكلت بها احدى بطلات الكتاب قلب ابنها وحجتها لتبرير فعلتها انها بتنتزع الرحم من قلبها للعمل والانتقام من الجميع .
طريقة السرد شدتني لدرجة خليتني كل مرة امسك فيها الكتاب ابقي عاوزة اقراه مرة واتنين وتلاتة وأبدئه من بدايته مرة تانيه وكأن الكتاب فيه سحر غريب بيصيبك بتوهان او جذب يشدك ليه علشان متعرفش تمسك كتاب تاني . شرح عبادة الشيطان وطريقة جذب الشباب ليها وازاي كتاب انجيل الشيطان كان معرب واكتر حاجة مؤذي في الدنيا
نهاية الكتاب شايفاها واقعية جدا للبطل بعد كل اللي عمله والناس اللي تابت وحاولت تعيد تأهيل نفسها والتابع اليهودي اللي رفض التوبة او الحج
الشرح محتاج صفحات لكن في النهاية احب اقول للكاتب ابدعت بجد هى بجد بداية تفوق الخيال لكاتب مبدع موهوب وسط المئات من الكتاب
اخيرا احب اقول لكل محبي القراءة فايتكم كتير بعدم قرائتكم كتاب #إبليس والمفاجأة اني اكتشفت ان ليه رواية تانية اسمها فيدا كاثرين جارى قرائتها
تحياتي سارة حسن
