اقتباسات خالد الخميسي

أنا: إنت بتقول إيه؟ مفيش أخلاق.. مفيش قانون.. مفيش دستور.. أنت فاكر إحنا عايشين في غابة؟

السائق: ليه وإنت فاكرنا عايشين فين، في مدينه!! ده الغابة رحمة عن اللي إحنا فيه، إنت عارف إحنا عايشين فين؟

أنا: فين؟

السائق: في الجحيم.

النيل ده زي ما بيدينا مية علشان نشرب وناكل ممكن كمان يغسل روحنا، النظر إليه يطّهَر قلبك

احنا عايشين في كدبة ومصدقينها.. والحكومة شغلها الوحيد إنها تراقبنا مصدقين الكدبة ولا لأ؟

نملة سوداء على صخرة سوداء في ليلة حالكة الظلمة، يرزقها الله.

كل حاجة في الدنيا دي لها جمالها.. يكفي إنك تفتح قلبك عشان تشوف الجمال اللي حوالينا.. لكن لو إنت زي معظم الناس مقفل قلبك حتشوف النور اللي بيضوي حواليك إزاي؟

ياه.. أنا سبت حاجات كتير قوي.. طول ما أنت ماشي بتسيب حاجات وراك وعشان ترجع تاني مستحيل.. العقارب بتتحرك لقدّام بس.

اللي ما تسجنش في فترة عبدالناصر مش حيتسجن أبداً، واللي ماغتناش في فترة السادات مش حيغتنى أبداً، واللي ما شحتش في فترة مبارك مش حيشحت أبداً

اعمل الخير هيرجعلك خير.. عامل زى الصوت وصدى الصوت؛ لو ماطلعتش صوت عالي من قلبك مش هتسمع صداه.. وكمان لو ما عملتش خير من قلبك للناس عمر ما هيرجعلك خير

الواحد من غير حلم ميقدرش يعيش ، يلاقي نفسه عنده " وخم " على طول ، مش قادر يتحرك من على السرير ، يكتئب ، يبقى عايز يموت، انما بالحلم تلاقي الواحد يتحرك رهوان ، يبقى فريرة ، نار قايدة متطفيش

لم أحصل بالتالي عبر حياتي على كأس الحياة الذهبية الممتلئة بخيوط الحظ الملساء التي ترفعنا إلى سماوات لم أرها إلا من مقاعد المتفرجين داخل السيرك الكبير