نمشي على حبل الأمل علشان نطول ضحكة
والضحكة تيجي مرة .. وألف مرة لأ
والنكتة تبدأ بالمآسي المضحكة
وتخلص بكلمة حق
المؤلفون > مايكل عادل > اقتباسات مايكل عادل
اقتباسات مايكل عادل
اقتباسات ومقتطفات من مؤلفات مايكل عادل .استمتع بقراءتها أو أضف اقتباساتك المفضّلة.
اقتباسات
-
مشاركة من هبة أحمد توفيق ، من كتاب
على سفر
-
ولا دايم غير وجه المولى .. والباقي مفيش
مشاركة من هبة أحمد توفيق ، من كتابعلى سفر
-
متفرَّقين بين السؤال والأجوبة
والسيريالية المفرطة في التجربة
وتخوُّفاتنا من اللي كان
ملناش مكان!
لكن أكيد بين القصص لينا طريق
الوقت مش سامح لنا نحِس بأمان
لكن ما بيننا فيه أكيد كام شيء بريء
مشاركة من هبة أحمد توفيق ، من كتابعلى سفر
-
التعبانين م الاشتياق
ومن الأمل
ومن الحنين
الصابرين ليهم سنين
رغم الملل والتجربة
واللي بيستنوا السعادة
في الليالي المرعبة
ليه كلُّهم ..
لمعة عينيهم في الفرح
تشبه ملامح حزننا؟
والابتسامة فوق وشوشهم تشبه لأعراض الألم؟
ليه كل أبناء الهدوء .. بينهم شبَه؟
مشاركة من هبة أحمد توفيق ، من كتابعلى سفر
-
اللي يحب مقابلتك .. واعدُه
واللي يحاول يخسرك .. ساعدُه
واللي تلاقيه في الشِّدة بيباعد ..
زوِّد كمان بُعدين على بُعده
وافتح عينيك في الحضن لو بارد
الحرص مش تخوين .. وبيساعد
ما إنت اللي حضنك من زمان مسروق ..
من ناس بتغدر قبل ما تواعد
مشاركة من هبة أحمد توفيق ، من كتابعلى سفر
-
دايمًا بغرَّق زرعتي بالحُب ..
فتتقلب ضدِّي
والحُب يتحوِّل دموع مغرَّقة خدِّي
وأرجع وما أتعلِّمش،
وأكرَّر الغلطة ..
وأخسر الفرق اللي بين الصح والمضمون
والحق والباطل ..
والبيِّنة والشك!
وأرجع أمارس تاني الفلسفة والعَك!
مشاركة من هبة أحمد توفيق ، من كتابعلى سفر
-
الناس بقت متأكدة!
ملعون أبو المتأكدين
مشاركة من هبة أحمد توفيق ، من كتابعلى سفر
-
ما بقيتش أخاف من وحدتي .. وبقيت بخاف م النَّفْس
ما بقيتش خايف م الفراق
بالعكس
بقيت بخاف أكتر .. من الصُّحبة
ومن وهم إني مش وحدي
وجنبي الناس .. ومش شايف
وبين الناس كمان ما أتشافش
وأخاف حتى أقول «خايف»
عشان لازم أكون ما بخافش
مشاركة من هبة أحمد توفيق ، من كتابعلى سفر
-
بين الكلام اللي اتكتم واللي بيتقال بالصياح
يطلع ويخلص ١٠٠ صباح
والوقت والأيام تمُر
بكرة الشيطان يطلع له كام مليون مُريد
هيأوِّلوا أغلب بنود المَظلمة .. تصبح تُهَم
ويحاكموا بيها صاحب الحلم العنيد ..
مشاركة من هبة أحمد توفيق ، من كتابعلى سفر
السابق | 1 | التالي |