اقتباسات سوسن مرتضى

لمّا يِبْقى عندَكْ سِرّ..‏

‫ ‏بْسرعَة أيّامَك بتْمرّ‏

‫ ‏والدنْيي بتغيِّر عِطْرا.. ‏

‫ ‏مرَّة زنْبقْ، مرَّة فِلّ‏

‫ ‏لمّا يِبقى عِندَك حِلمْ،‏

‫ ‏متل الطَّير بْتِبْقى حُرّ‏

‫ ‏والْغَيم الأسْوَدْ مِقْبالك‏

بْيتْبخَّر فجأَة وبفِلّ‏

‫ ‏لمّا تِبقى حابِب حالَكْ..‏

‫ ‏لَكِنْ مشْ يَعني تِنْغَرّ ‏

‫ ‏رَحْ يِلْطى الشَّجرْ بخيالَكْ ‏

‫ ‏والقمرْ.. بِقلّك طِلّ.‏

‏

لولا قْعدِتْ شي يومْ إنتَ والمَسا ‏

‫ ‏عَ صَوْت صمْت اللّيلْ وغْناني القمرْ‏

‫ ‏عَ طْرافْ بحر الّنومْ عَ شَطّ السَّهَرْ‏

‫ ‏بْتعْرِفْ بإنّي نِمتْ.. بِغَيْبتَكْ وحْلمتْ‏

‫ ‏إنَّكْ صِرْت مِنّي وإنّي.. أنا مِنَّك صِرْت..‏

‫ ‏“بين الصحو والنوم‏

‫ ‏بين الرضى واللوم‏

‫ ‏تحت شبابيك الناطرة‏

‫ ‏زخّة مطر‏

‫ ‏بتشوف إني مرقت ‏

‫ ‏وعَ باب بيت كتبت‏

يا مارق بهالبال..‏

‫ ‏يا ريتك فتت…”‏

‫ ‏وأخذتني القراءة:‏

‫ ‏“لو ميّلت شي يوم لعند الهوى،‏

‫ ‏وقعدت عندو شوي‏

‫ ‏وحكيتو سوا،

بتحسّ إنّي كنت‏

‫ ‏عند الهوى وسهرت‏

‫ ‏ومن دون ما إحكي‏

‫ ‏هوّي عرف سرّي‏

‫ ‏ويا ريت إنت عرفت!”‏